San Juan 7:12 - Zoque Copainalá New Testament

¹² Y cʌ'ŋʌ'pa inʌc chamyajpa ñe'cʌ wʌwʌ pʌ'nis. Wene pʌn inʌc nʌmyajpa: Oyepʌ pʌnde'. Y wene pʌn nʌmyajpa inʌc: Ja'ne, aŋgoma'cʌ'opyapʌte'.

San Juan 7:12 ပူးပေါင်းရင်းမြစ်များ

San Mateo 10:25

Oye'a juca tu'mbajcajpa te' cʌ'aŋmaye aŋma'yopyawʌji'ŋ, y te' coyospawʌ te' quiomiji'ŋ. Mijyʌ' Beelzebú, ñʌjayaju te' Maestro, y te'šejtij maŋba ñʌjayajque'tu te' quiʌ'aŋmayeta'm.

San Mateo 21:46

Te'cotoya sunu ñuquiajtʌ'ʌ, pero ña'chaju te' wʌwʌta'mbʌ pʌn porque te' wʌwʌta'mbʌ pʌ'nis wyʌ'aŋjamyajpa inʌc que yʌ' Jesús, Diojsiste' cha'maŋwa'oye.

San Mateo 27:63

Y nʌmyaju: Señor, muspatʌs que te' aŋgoma'cʌ'opyapʌ Jesús, quenba'cmaj, nʌmu: Tuca'y jamacʌsi maŋba'ʌj nwinsa'u.

San Lucas 18:19

Jesujsis ñʌjayu: ¿Tiyʌcotoya'mʌjte' nʌjapya, oyepʌ Maestro? Ja'ndiyʌ ya'iwʌ oyepʌ, juca ja'n Dios tumʌpʌ.

San Lucas 23:47

Quienu'ca te' capita'ŋis tiyʌ tujcu, myʌja'ŋwʌcotzamu Dios y nʌmu: Wiyuŋšej justopʌyʌ' inʌc yʌ' pʌn.

San Lucas 23:50

Ijtu inʌc tumʌ pʌn ñʌjayajpapʌ José, Arimatea'ojmopʌte' inʌc te' Judea-najsis quiowindzʌmbapʌ. Te'wʌ aŋgui'mbapʌ, oyepʌ y wʌpʌ pʌnde' inʌc.

San Lucas 6:45

Te' oyepʌ pʌ'nis ñʌputpa oyeta'mbʌ tiyʌ choco'yojmoc quioquenbamʌy oyeta'mbʌ tiyʌ. Y te' yatzipʌ pʌ'nis ñʌputpa yatzita'mbʌ tiyʌ choco'yojmoc quioquenbamʌy yatzita'mbʌ tiyʌ. Porque tiyʌtʌ ŋguipspa ndzoco'yojmo, te'wʌtʌ ndzamba aŋnacapit.

San Lucas 7:16

Y na'chaju mumu te' pʌnda'm y myʌja'ŋwʌcotzamyaju Dios y nʌmyaju: Mʌja'ŋ tza'maŋwa'oye'stʌ cʌ'mindamu. Y nʌmyajque'tu: Quiʌ'minu Diojsis te' ñe' pyʌnda'm.

San Juan 6:14

Quieñaju te' pʌ'nista'm te' isaŋwʌ'ajcuy chʌjcupʌ Jesujsis. Te'cotoya nʌmyaju: Wiyuŋšej yʌ'wʌte' te' tza'maŋwa'oye maŋba inʌc minupʌ najsacopajcʌsi.

San Juan 7:32

Myatoŋyaju fariseo'sta'm que yʌ'šej inʌc nʌ ñu'mdzamyaju te' pʌ'nista'm. Te'cotoya quiʌ'wejyaju policía te' sacerdote-cowi'na'sta'm y fariseo'sta'm wa'y ñuquiaju.

San Juan 7:47

Pijche'ca 'yaŋdzoŋyaju fariseo'sta'm: ¿Nʌtijmijyʌ' 'yaŋgoma'cʌtʌjtaŋgue'tu mijta'm?

San Juan 7:52

'Yaŋdzoŋyaju: ¿Y mij Galilea-pʌndyayʌ'que'? Quena y tacscʌme'tza Totojaye'ojmo, ja'itʌmaj yajujche'c Galilea'ojmopʌ tza'maŋwa'oye.

San Juan 9:16

Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.

Hechos 11:24

Yʌ'šej chʌjcu porque wʌpʌ pʌnde' inʌc y jyo'ʌyupʌ wʌ'aŋjamgu'yis y Espíritu Santo's. Y tʌ Ngomi-wʌ'aŋjamgu'yojmo a'ŋʌyu aŋba'te pʌn.

Romanos 5:7

Maye pʌ'nis sunba quioca'u justopʌ pʌn. Tal vez ijtu iwʌ's tyʌ'ŋʌpya wyin wa'y quioca'u wʌpʌ pʌn.

Filipenses 2:14

Tzʌctamʌ tiyʌta'm pyʌcpa wa'mis ndzʌctamu, y uy nu'motoŋdame ni uy quipotoŋdame.