San Juan 6:70 - Zoque Copainalá New Testament

⁷⁰ Y aŋdzoŋutʌj Jesujsis: Mijta'm te' macwʌstʌjca'ytya'mbʌ, ʌsmijte' ŋgopiŋdamupʌ. Pero mi'ojmota'm ijtu tumʌ ñʌc'ijtʌyupʌ yatziwʌ's.

San Juan 6:70 ပူးပေါင်းရင်းမြစ်များ

San Juan 13:18

Ja'ʌsmij mumu ndzamdame, muspa'mʌs iwʌta'mʌs ŋgopiŋu. Pero maŋbate' tyujcu chambašej Totojaye's: Te' ʌji'ŋ tumʌcu'tpapʌ's maŋba'ʌj ma'ʌyu.

San Juan 13:2

Nʌtʌj inʌc ujcaŋbajcu Jesusji'ŋ. Diablo's quiojtu'ctya'nde' te' Judajsis choco'yojmo wa'y chi'oquia'u te' Jesús. Yʌ' Judas, Simón Iscariote's te' inʌc 'yune.

San Juan 13:21

Y yʌ'še'a nʌmu'c Jesús tuyuquiʌñe'cu choco'yojmo. Y quejuqueju'c cha'maŋwaju: Wiyuŋše'ʌsmij nwiyuŋdzamjaytyamba, que tumʌ mi'ojmocta'mbʌ'sʌj maŋba tzi'oquia'u.

San Juan 13:27

Y wyi'cu'cande' te' pan, tʌjcʌyu Satanás Judajsis choco'yojmo. Pijche'ca Jesujsis ñʌjayu: Tiyʌmiste' maŋba ndzʌjcu, je'csa wa'mis ndzʌjcu.

San Juan 15:16

Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

San Juan 15:19

Juca inʌc mij ja'n nwyʌ'aŋja'moytyame, te' ja'n wyʌ'aŋja'moyapyʌ's šunʌtʌjtambamij inʌc. Pero como nwyʌ'aŋja'moytyambamij, y ʌsmijyʌ' ŋgopiŋbuttamu te' ja'n wyʌ'aŋja'moyapyo'moc, te'cotoyamijte' ŋgui'nisʌtʌjtamba te' ja'n wyʌ'aŋja'moyapyʌ's.

San Juan 17:12

Yʌmya'ʌj ijtu'cše'ŋoyj ñe'cʌji'ŋda'm najsacopajcʌsi ŋgopʌquiajpa'ʌs ŋgotu'šajpa'ʌs inʌc mis mbʌmipit, te' ndzi'yajupʌmisʌj. Ngopʌquiaju'ʌs ŋgotu'šaju'ʌs y nijutipʌ jatyocoya, na' tumʌ te' tocoquiuquiotoya pʌ'najupʌ pʌn. Te'šej tujcu chambašej Totojaye's.

San Juan 2:2

'Yaŋbʌquiajque'tu Jesús, tʌj te' quiʌ'aŋmayeji'ŋda'm te' co'tʌjcajcu'yojmo.

San Juan 20:24

Pero te' Tomás, ñʌjayajpapʌ Dídimo, tʌs ndʌwʌ macwʌstʌjca'pyo'mo, ja'ndiyʌ inʌc tey tʌji'ŋ tiju'c Jesús.

San Juan 6:64

Pero ijtu mi'ojmota'm ja'n wyʌ'aŋjamyapyʌ's. Porque myuspa inʌc Jesujsis desde tzo'tzcu'yojmo iwʌ'sta'm ja'n inʌc wyʌ'aŋjamyay, y iwʌ's inʌc maŋba chi'oquia'u.

San Juan 6:67

Pijche'ca tʌj, te' macwʌstʌjca'pyʌ quiʌ'aŋmaye, cʌ'aŋwa'cutʌj Jesujsis, y nʌjayutʌj: ¿Sunbaja'ʌj ndzactaŋgue'tu mista'm?

San Juan 6:71

Te' Judas te' inʌc nʌ chamu, Simón Iscariote's 'yune, te' maŋbapʌ's inʌc chi'oquia'u. Te'wʌ nʌcma'yʌyupʌte' macwʌstʌjca'pyo'mo.

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

Hechos 1:17

Y yʌ' Judas nʌcma'yʌyupʌte' inʌc tʌji'ŋ y quiottʌ'u Jesujsis wa'y tyumʌyojsu tʌji'ŋ yʌ' yoscu'yojmo.

Hechos 13:10

y ñʌjayu: Mij jʌ'ʌ, njyo'ʌyupʌmijyʌ' aŋgoma'cʌ'oquiu'yis y yacha'cu'yis, diablo'smijyʌ' ñʌc'ijtʌyupʌ, ŋgui'nispamis mumu justota'mbʌ tiyʌ. ¿Ja'nsʌ'ŋmis ndzaque wa'mis nyajto'yjayu tʌ Ngomi's wiyuŋda'mbʌ Tyuŋ?

1 Timoteo 3:11

Te'šejtijque' ñe' yomota'm, pyʌcpa wa'y tyu'ŋajyaju wʌpʌ yomošej, uy ñi'undza'mʌ'oyaju, sino que wa'y 'yaŋgui'myaju wyin, y wa'y quiota'ñaju mumutiyʌcʌsi.

Tito 2:3

Aŋnʌctza'mʌyajque'ta te' tzamuyomota'm wa'y tyu'ŋajyaju Diojsis šunbašej, wa'y jana ñisujtzʌ'oyaju, wa'y jana ño'tyaju y wa'y quie'naŋgʌschi'oyaju oyeta'mbʌ tiyʌ.

1 Juan 3:8

Iwʌ cowapa'tjojcʌtʌcpa, Satanajsiste'ñe', porque Satanás cowapa'tjojcʌtʌcpa desde tzo'tzcu'yojmo. Y te' Diojsis 'Yune's minu wa'y yajayu te' Satanajsis yojsaŋ.