San Juan 6:68 - Zoque Copainalá New Testament

⁶⁸ 'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

San Juan 6:68 ပူးပေါင်းရင်းမြစ်များ

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Marcos 8:29

Pijche'ca ñe'cʌ's ñʌjayaju: ¿Y mista'm, iwʌše'amʌj ŋgomʌ'ytyamba? Y 'yaŋdzoŋu Pedro's y nʌmu: Mijte' te' Cristo.

San Lucas 9:20

Y Jesujsis ñʌjayaju: ¿Y mista'm, iwʌše'amʌj ŋgomʌ'ytyamba? Pijche'ca 'yaŋdzoŋu Pedro's y nʌmu: Diojsismijyʌ' Cristo.

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 12:50

Y ʌs muspa'ʌs que ñe'cʌ'sʌj aŋgui'myajupʌ tiyʌ yospa ja'n yayepʌ quenguquiotoya. Y tiyʌta'mʌj Ndata's aŋgui'mu, na' te'wʌ ʌs ndzamba.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

San Juan 6:63

Tʌ espiritu'stʌ tzi'pa quenguy, tʌ ŋgüerpo's ja'n quiotzowe. Y te' ʌs ndzamyajupʌ tiyʌ espiritute' y quenguytye'.

Hechos 13:26

Tʌwʌta'm, Abraha'ŋis fyamilia's wyinboyata'm y jujche'ŋ mi'ojmota'm ña'chajpapʌ's Dios, Diojsistʌ cʌ'wejaytyamu yʌ' tzame chambapʌ's jutztʌ wa'y ŋgotzoctamu.

Hechos 4:12

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

Hechos 5:20

Maŋdamʌ, y tʌjcʌytyamʌ templo'ojmo y nʌtzamya te' pʌnda'm mumu yʌ' yʌ'šejpʌ iscuy-quenguy.

Hechos 7:38

Yʌ'wʌte' te' inʌc ijtupʌ ja'itʌnʌmʌmʌy tu'mʌquiu'yojmo tʌ ndataji'ŋda'm y te' angelesji'ŋ, 'yoto'ŋʌyupʌ's ñe'cʌ Sinai-pu'mnacʌsi. Y yʌ'wʌ'ste' pyʌjcʌchoŋu te' chame tzi'papʌ'stʌ iscuy-quenguy wa'ytyʌ tzi'tamu.

Hechos 8:37

Y 'yaŋdzoŋu Felipe's: Juca tumʌtzocoy mis nwʌ'aŋjamba, muspamij ñʌ'yʌyu. Y aŋdzoŋu: Nwʌ'aŋjamba'ʌs que te' Jesucristo Diojsis te' 'Yune.