San Juan 6:62 - Zoque Copainalá New Testament

⁶² ¿Tiya'sʌ'ŋmis maŋba ŋguipstamu juca ŋguendambamisʌj, ʌj te' Pʌ'nis 'Yune, nʌ'camʌj ŋgui'mu'c tzajpojmo ijtumʌ'yʌj inʌc wina?

San Juan 6:62 ပူးပေါင်းရင်းမြစ်များ

San Mateo 8:20

Y Jesujsis ñʌjayu: Wetu'sta'm ijtyaju cha'tʌc, y te' sitityajpapʌ paloma's ijtyaju ño'se. Pero ʌj, te' Pʌ'nis 'Yune's, ja'ndiyʌ ni ʌs mbata tiyʌcʌsi wa'yʌj ʌŋu.

San Marcos 16:19

Y 'yoto'ŋʌyaju'ca tʌ Ngomi Jesujsis te' quiʌ'aŋmayeta'm, pyʌjcʌchoŋu Diojsis cʌsmʌ tzajpojmo y maŋu pyocspajcu te' Diojsis chʌ'na'ŋojmo.

San Lucas 24:51

Y tiya' tujcu, te'šejtij nʌ ñicomasa'nʌyaju'c: Qui'mu tzajpojmo te' Jesús. Y tzʌ'yaju te' cʌ'wej.

San Juan 16:28

Tzu'cumu'ʌj Ndata'ŋʌc y minu'ʌj najsacopajcʌsi. Pero maŋbati'ʌs ndzajque'tu yʌ' najsacopac y maŋba'ʌj Ndataŋʌ.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 3:13

Ya'iwʌpʌ pʌnmaj jatyijtʌ'ʌ tzajpojmo wa'y myujsu jutzpʌte' ʌmʌ. Na' ʌstij muspa porque teymʌjcʌ'ʌjyʌ' wanajcu. Ʌjte' te' Pʌ'nis 'Yune, y ʌs itcuy tzajpojmote'.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 6:42

Y nʌmyajpa inʌc: ¿Ja'nja jeque te' yʌ'wʌ te' Jesús, te' Jose'is 'yune? Ispʌcjaytyambatʌ tyataj y ñanaj. ¿Tiyajca' jequeyʌ' nʌmba: Tzajpojmojcʌjyʌ' wanajcupʌ?

San Juan 6:53

Jesujsis ñʌjayaju: Ʌjte' te' Pʌ'nis 'Yune, y juca ja'nmis ŋgʌ'sjaytyame ʌs sis y ndo'ŋjaytyame ʌs nʌ'pin, ja'ndiyʌ mista'm iscuy-quenguy ndzoco'yojmo.

Hechos 1:9

Yʌ'šejta'mbʌ tiyʌ'a chamu'c Jesujsis, y teytyij nʌ quieñaju'c, yajqui'mu Diojsis y quiʌwʌ'nu o'na's, te'šej quiendocoyaju.

1 Pedro 3:22

Y yʌ' Jesucristo ʌma' nimeque'ctij ijtu Diojsis chʌ'na'ŋojmo, porque qui'mu tzajpojmo. Y ñe'cʌte' myato'ŋoyjayajpa mumu angelejsista'm, tzajpojmo aŋgui'myajpapʌ's y pʌmi'ʌyajupʌ's.