San Juan 6:57 - Zoque Copainalá New Testament

⁵⁷ Ʌs Ndata Dios ñe' pyʌmipit quengu'yʌyu, y ñe'cʌ'sʌj cʌ'weju. Y jutzʌj ʌj ñe'cʌpit quengu'yʌyu, te'šej iwʌ's quiʌ'sjapya ʌs sis pya'twa'a ʌjpit te' ja'n yayepʌ quenguy.

San Juan 6:57 ပူးပေါင်းရင်းမြစ်များ

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 5:26

Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.

San Juan 6:29

'Yaŋdzoŋyaju Jesujsis: Yʌ'šejte' šunba Diojsis wa'mis ndzʌctamu, wa'misʌj nwʌ'aŋjamdamu ʌj, porque Diojsisʌjyʌ' cʌ'weju.

San Juan 6:38

Porque wanajcu'ʌj tzajpojmoc, ja'n wa'yʌs ndzʌjcu ne' su'noquiuy, sino que wa'yʌs ndzʌjcu šunbašej te' cʌ'wejupʌ'sʌj.

1 Corintios 15:22

Porque jujcha'nde' maŋba quia'pʌ'yaju mumu Ada'ŋis wyinboyata'm, te'šejtijque' maŋba yajwinsa'pʌ'yaju mumu Cristo's wyʌ'aŋja'moye.

1 Corintios 15:45

Y yʌ'šej ja'yʌquie'tu: Te' winbʌ pʌn Adán, quenbapʌ pʌnde' inʌc. Y te' ultimopʌ Adán, espiritute' šajpapʌ's iscuy-quenguy.

2 Corintios 13:4

Ñempe tumnaca mya'myaju cruzcʌsi mochipʌšej, yʌtij quenba Diojsis pyʌmipit. Pues te'šejtijque' tʌj mochipʌtʌjyʌ' ñe'cʌšej, pero jujcha' ñe'cʌ's ijtu quenguy Diojsis pyʌmipit, te'šejtijque' tʌj. Y tʌsmij maŋba nyajquenjaytyamu yʌ'šejpʌ quenguy y pʌmi.

Gálatas 2:20

Yʌtij tumʌma'mʌyuše'amʌjyʌ' ijtu Cristoji'ŋ cruzcʌsi. Te'cotoya ja'nande' ʌj ijtu yʌtij sino que Cristo'sʌjyʌ' nʌc'ijtʌyupʌ. Y yʌtij ijtuše'ʌj ʌs ŋgüerpo'ojmo, ijtu'ʌj porque nwʌ'aŋjamba'ʌs te' Diojsis 'Yune. Yʌ'wʌ's jene sunu'ʌj y chi'oquia'u wyin wa'yʌj coca'u.

1 Tesalonicenses 1:9

Y teytya'mbʌ pʌ'nis chamyajpa jutzmistʌj mbʌjcʌchoŋdamu tey Tesalonica'ojmo, y jutzmis ndzactamu te' comichʌquita'm wa'mis nwʌ'aŋjamdamu y ŋgʌna'tzʌytyamu te' quenbapʌ y wiyuŋšejpʌ Dios.

Hebreos 9:14

Pero Cristo's chi'oquia'u cowatacapʌ wyin Dioscʌsi, te' ja'n yayepʌ Espiritu's pyʌmipit. Te'cotoya Cristo's ñʌ'pin maste' pʌmi'ʌyupʌ wa'y yajcowajayu tʌta'm ndzocoy u'yandʌ ndzʌjcu te' ja'n yojšapyʌ tiyʌ, sino que wa'ytyʌ nyosjayu te' quenjojcʌtʌcpapʌ Dios.

1 Juan 4:9

Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.