San Juan 6:51 - Zoque Copainalá New Testament

⁵¹ Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

San Juan 6:51 ပူးပေါင်းရင်းမြစ်များ

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Lucas 22:19

Pyʌjcu Jesujsis te' pan y ñʌjayu Dios yʌscotoya. Wyenu y chi'yaju y nʌmu: Yʌ'wʌte' ʌs ŋgüerpo maŋbapʌ'ʌs ndzi'oquia'u mijcotoyata'm. Tzʌctamʌ yʌ'šej wa'misʌj njamwʌtzʌctamu.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:29

Jo'pit quienu Jua'ŋis te' Jesús, nʌ'c minu ñe'ca'ŋi, y nʌmu Juan: Quendʌ'ʌ te' pʌn chi'oquia'upʌ Diojsis jujcha' ñchowambe, yajʌcʌ'japyapʌ's najsacopajcʌsita'mbʌ's quiowa.

San Juan 11:26

Y jujche'ŋ iwʌ quenbamaj y wʌ'aŋjamba ʌj, maŋba quia'u, pero ja'n mumu jamacotoya. ¿Wʌ'aŋjambaja yʌ'šej?

San Juan 3:13

Ya'iwʌpʌ pʌnmaj jatyijtʌ'ʌ tzajpojmo wa'y myujsu jutzpʌte' ʌmʌ. Na' ʌstij muspa porque teymʌjcʌ'ʌjyʌ' wanajcu. Ʌjte' te' Pʌ'nis 'Yune, y ʌs itcuy tzajpojmote'.

San Juan 3:14

Jujcha' Moisejsis yajqui'mu te' tzandzʌqui cuquiʌsi ja'itʌnʌmʌmʌy, te'šejte' pyʌcpa ʌj, te' Pʌ'nis 'Yune, wa'yʌj yajqui'myaju cruzcʌsi,

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:33

Porque te' pan šajpapʌ Ndata Diojsis, te'wʌte' wanajcupʌ tzajpojmoc, y ñe'cʌ'ste' maŋba chi'yaju quenguy te' najsacopajcʌsita'mbʌ pʌn.

San Juan 6:35

Y ñʌjayaju Jesujsis: Ʌjte' te' pan šajpapʌ's iscuy-quenguy mumu pʌngotoya. Iwʌ'sʌj cʌ'minba ʌj ja'na yu'que'temaj. Y iwʌ'sʌj wʌ'aŋjamba ʌj, ja'na yoctʌtzque'temaj.

San Juan 6:41

Pijche'ca te' judio'sta'm ñu'motoŋgʌ'yjayaju Jesús porque nʌmu: Ʌjte' te' pan wanajcupʌ tzajpojmoc.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

San Juan 6:48

Ʌjte' te' pan chi'yajpapʌ's mumu pʌn iscuy-quenguy.

San Juan 6:50

Pero ʌjte' te' pan wanajcupʌ tzajpojmoc. Iwʌ's wyi'cpa yʌ' pan ʌs maŋba'ʌs ndzi'u ja'n yayepʌ quenguy.

San Juan 7:38

Iwʌ'sʌj wʌ'aŋjamba ʌj, te'wʌ's choco'yojmoc maŋba wyomjojcʌtʌjcu mʌja nʌ'šej te' iscuy-quenguy. Te'šej chamba te' Totojaye's.

2 Corintios 5:19

Yʌ'šejte': Cristopit nʌ inʌc yajnašunwʌtzʌquiaju Diojsis ñe'cʌji'ŋ te' najsacopajcʌsita'mbʌ pʌn, y jamyayajaya pʌ'nista'm quiowa. Cojtutʌj wa'ytyʌs ndzamgopuŋu wa'y ñašunwʌtzʌquiaju pʌn Diosji'ŋ.

2 Corintios 5:21

Cristo, te' jaquiowapa'tʌpʌ, chʌmidzi'pʌ'u cowa Diojsis tʌcotoyata'm wa'ytyʌ justococojtu Diojsis ñe' jyusticia'ojmo Cristopit.

Efesios 5:2

Chi'oquia'u'c Cristo's te' wyin y ca'u'c tʌcotoyata'm, yajqueju que jene sundambatʌ. Te'cotoya pyʌcpa wa'ytyʌ tʌ našunʌtʌjtamu ne'co'mo. Porque Cristo's chi'oquia'u ñe' wyin jujcha' tzi'oquiuy Dioscotoya y te'šej tzocopyajcu Dios.

Efesios 5:25

Jayajta'm, yajyamdamʌ mista'm nyomo jujcha' Cristo's yajyamba ñe' tyu'mʌquiuy y chi'oquia'u wyin y ca'u ñe' tyu'mʌquiuquiotoya.

Tito 2:14

Yʌ' Jesucristo's chi'oquia'u wyin wa'y quia'u tʌcotoyata'm wa'ytyʌ jupyuttamu y yajcotzoctamu mumu tʌta'm nyacha'cu'yojmoc. Y te'šej chʌjcu wa'y yajcowajayu tʌta'm ndzocoy wa'ytyʌ pʌjcʌchoŋu jujcha' ñe' 'yune, quiʌñʌñajpapʌ's wa'y chʌquiaju oyeta'mbʌ tiyʌ.

Hebreos 10:20

Muspatʌ ndʌjcʌytyamu tey porque ñe'cʌ'ste' wyina'aŋwaju tʌjcʌquiuy. Te'šej chʌjcu ca'u'c tʌcotoyata'm wa'ytyʌ tzi'tamu quenguy.

1 Pedro 2:4

Jujcha' tʌctzʌcpapʌ's quiopiŋba tza', te'šej Diojsis quiopiŋu sa'sa aŋguinʌ jejcupʌ Tza' quenbapʌ. Wiyuŋšej pʌ'nista'm jašunʌ pyʌjcʌchoŋya. Yʌ'wʌte' te' Cristo wʌwʌ coyowapʌ tza'. Yajto'mʌytyamʌ mista'm ndzocoy ñe' wyi'naŋdʌjqui.

1 Juan 2:2

Y yʌ' Cristo's chi'oquia'u wyin wa'y quioyojayu tʌta'm ŋgowa, ca'u'c cruzcʌsi. Y ja'n na' tʌta'mne' ŋgowata'm wa'y quioyojayu, sino que mumu najsacopajcʌsita'mbʌ'sñe'.

1 Juan 4:10

Quendamʌ jutztʌ sundamba Diojsis. Ñempetʌ inʌc tʌ ja'n sundame ñe'cʌ, ñe'cʌ's wiyuŋšej sundambatʌ. Quiʌ'weju te' 'Yune wa'y chi'oquia'u wyin wa'y quioyojayu tʌta'm ŋgowa ca'u'c cruzcʌsi.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.