San Juan 6:45 - Zoque Copainalá New Testament

⁴⁵ Yʌ'šej jya'yʌyaju tza'maŋwa'oyajpapʌ's: Diojsis maŋba 'yaŋmayaju mumu pʌn. Te'cotoya mumu iwʌ's quiʌmato'ŋʌpya tʌ Ndata Dios y aŋmapya, cʌ'minba'ʌj.

San Juan 6:45 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Marcos 1:2

Te' tza'maŋwa'opyapʌ Isaiajsis jya'yʌyjayu te' Diojsis chame chamu'c te' 'Yune. Nʌmu yʌ'šej: Ʌj Dios, yʌ'yʌs ŋgʌ'wejpa Juan ʌsne' ŋgʌ'wej, mis nwi'naŋdʌjqui. Yʌ'wʌ's maŋba ñimejcʌyjayaju pʌ'nista'm chocoy mijcotoya jujcha' pʌ'nista'm ñimejcʌyajpa tuŋ.

San Lucas 1:70

Te' cʌtʌquiajupʌ aŋsʌ'ŋojmo yʌ'šej chamdzi'u Diojsis ñe' masanda'mbʌ tza'maŋwa'oyepit nʌmu'c:

San Lucas 18:31

Ñʌca'ŋwe'ñaju emʌ Jesujsis te' macwʌstʌjca'ytya'mbʌ pʌn y ñʌjayaju: Yʌtij nʌtʌ ŋgui'mdamu Jerusale'ŋojmo. Y maŋba tyujcu jya'yʌyajušej tza'maŋwa'oye'sta'm tiyʌta'mʌj maŋba cʌtʌcjayu, ʌj, te' Pʌ'nis 'Yune.

San Juan 10:27

Ʌsne' ñchowambe'sta'm, sunba'ʌjte' nʌmu ʌsne' mbʌ'nista'm, ñʌctʌ'yjayajpa ʌs nwejcʌ', y ʌs ispʌquiajpa'ʌs, y co'ŋyajpa'ʌj.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:65

Y nʌmu: Te'cotoya'ʌsmijte' nʌjaytyamu que ya'iwʌ'sʌj ja'n maŋu cʌ'minu juca ʌs Ndata Diojsis ja'n yajpononajay chocoy.

Hechos 13:40

Coquendamʌ jeque cuenta umij ŋguiʌtʌcjaytyamu chamnitzaquiajušej tza'maŋwa'oye'sta'm, nʌmyaju'c:

Hechos 7:42

Pijche'ca chaquiatʌju Diojsis y chi'oquiu'yaju wa'y quiʌna'tzʌyaju tzapcʌsi ijtyajupʌ sʌ'ŋgʌ', ja'yʌyušej tza'maŋwa'opyapʌ's tyotocʌsi: ¿Israel-pʌnda'm, ŋgʌna'tzʌyusʌ'ŋmisʌj copʌn yajca'oquiupyʌ cʌna'tzʌ'oquiupyit Wʌstʌjqui's ame te' ja'itʌnʌmʌmʌy?

Efesios 1:17

Nwa'cjapya'ʌs Dios wa'y ñe' 'Yespiritu'smij wa'y nyajnʌctʌ'ytyamu tiyʌta'm mij nyajquendambapʌ wa'mis te'šej ispʌctamu oye'c tʌ Ngomi Jesucristo's Dios, tʌta'm mʌja'ŋbʌ Ndataj.

Filipenses 3:15

Te'šejtʌ maŋba ŋguipsoytyamu jujche'ŋdʌ cota'nbʌ'wa'a. Y juca tiyʌ'iwʌcʌsi mij eya ŋguipsoytyamba, Diojsismij maŋba nyajquendamu jutz oye wa'mij ŋguipsoytyamu.

1 Tesalonicenses 4:9

Pero ja'ndiyʌ pyena wa'ytyʌsmij njayjaytyamu wa'mij ñašunʌtʌjtamu, porque Diojsismij 'yaŋmaytyamu wa'mij ñašunʌtʌjtamu ne'co'mo.

Hebreos 10:16

Yʌ'wʌte' te' trato maŋba'ʌs ndzʌjcupʌ Israel-pʌnji'ŋda'm Cʌtʌjcu'ca ʌ'ta'mbʌ jama, nʌmba tʌ Ngomi, Maŋba'ʌs nyajnʌctʌ'yaju choco'yojmo ʌsne' aŋgui'mguy. Maŋba'ʌs ŋgotjayaju quipsoquiu'yojmo wa'y tey chʌ'yu ja'yʌyupʌ tiyʌšej.

1 Juan 2:27

Pero mijta'm njyo'ʌytyamwa'mij Cristo's te' Espíritu Santopit, te' nʌ'ittamupa'mis mista'm ndzoco'yojmo. Te'cotoya ja'ndiyʌ pyena eyawʌ'smij wa'y 'yaŋmaytyamu, porque ñe'cʌ'smij 'yaŋmaytyamu mumutiyʌcʌsi. Y aŋma'yopya wiyuŋbʌ tiyʌpit y ja'n šutzi. Te'šej jeque co'ŋjojcʌtʌctamʌ Cristo te' Espíritu Santo'smij 'yaŋmaytyamušej.