44 Ya'iwʌ ja'n musi minu ʌ'aŋi juca ʌs Ndata Diojsis ja'n yajpononajay chocoy. Y te' cʌ'miñajpapʌ'sʌj maŋba'ʌs nyajwinsa'u ultimopʌ jamo'oyj.
Njyoco'istotzanšejta'm mij. ¿Jutza'mis muspa ndzamdamu oyeta'mbʌ tiyʌ juca yatzitzocoytya'm mij? Porque tiyʌtʌ ŋguipspa ndzoco'yojmo, te'wʌ tʌ ndzamba aŋnacapit.
Pijche'ca aŋdzoŋu Jesús y ñʌjayu: Dichoso mij Simón, Jonajsis 'yune, porque jayajquenamij pʌ'nista'm yʌ'šej, sino que tzajpojmo ijtupʌ ʌs Ndata Diojsis.
Y yajqui'myaju'ca'mʌj cruzcʌsi, mumu pʌ'nʌs maŋba njʌ'cminbʌ'u ʌ'aŋi wa'yʌj ʌj nique'nʌyaju.
¿Jutzamisʌj maŋba nwʌ'aŋjamdamu juca nʌ'omdambamis wa'mij yʌ'wʌ te'wʌ's myʌja'ŋgotzamdamu ne'cʌ? Y ja'nmis njo'ctame wa'mij myʌja'ŋgotzamdamu te' tumʌpʌ Diojsis.
Jesús aŋdzoŋu: Uy nu'motoŋdame ne'co'mota'm.
Yʌ'šej jya'yʌyaju tza'maŋwa'oyajpapʌ's: Diojsis maŋba 'yaŋmayaju mumu pʌn. Te'cotoya mumu iwʌ's quiʌmato'ŋʌpya tʌ Ndata Dios y aŋmapya, cʌ'minba'ʌj.
Y nʌmu: Te'cotoya'ʌsmijte' nʌjaytyamu que ya'iwʌ'sʌj ja'n maŋu cʌ'minu juca ʌs Ndata Diojsis ja'n yajpononajay chocoy.
¿Tiyajca'nde' ja'n ŋgoquendame cuenta tiyʌ'ʌs nʌ ndzamu? Porque ja'n pya'jay mista'm ndzocoy ʌs ndzamyajupʌ tiyʌ's.
Y yajya'moquiupyit Cristo'smij mbyaquitzi'tamba wa'mis jana na'chcuy nwʌ'aŋjamdamu ñe'cʌ, y ja'n na' te'wʌtij sino que wa'mij nyacsnutzʌcʌtʌjtaŋgue'tu porque nwʌ'aŋjamdambamis ñe'cʌ.
Ñʌ'yʌ'oytyamu'cmij, nyajquejtamumis comparacio'ŋojmošej que ñdyumʌtzʌctamumij Cristoji'ŋ ñe' ñipʌtʌjcu'yojmo. Y nyajquejtaŋgue'tu que ñdyumʌtzʌctaŋgue'tumij Cristoji'ŋ ñe' wyinsa'cu'yojmo porque nwʌ'aŋjamdamumis te' mʌja'ŋbʌ Dios yajwinsa'upʌ's Cristo ca'yajupʌ'ojmoc.