San Juan 6:39 - Zoque Copainalá New Testament

³⁹ Ʌs Ndata'sʌjte' cʌ'weju, y ñe'cʌ's šunba u'yʌs nyajtocoyu ni tumʌc ñe'cʌ's quiopiŋyajupʌ wa'yʌj wʌ'aŋjamyaju. Šunba wa'yʌs nyajwinsa'yaju te' ultimopʌ jamo'oyj.

San Juan 6:39 ပူးပေါင်းရင်းမြစ်များ

San Mateo 10:15

Wiyuŋše'ʌsmij ndzamjaytyamba que más maŋba tyo'ya'ŋʌyatʌju te' Sodoma y te' Gomorra-cumgu'yojmota'mbʌ te' cʌme'tzoquiuy jamo'oyj que ja'nde' tepyʌ cumgu'yojmota'mbʌ.

San Mateo 18:14

Te'šej jequete', te' tzajpojmo ijtupʌ mista'm Ndata's ja'n šunjo'y wa'y tyocoyu ni tumʌc yʌ' chicsta'mbʌ.

San Lucas 12:32

Ʌsne' uša'ŋ tu'mʌyajpapʌ ñchowambe, uy na'tztame porque mista'm Ndata's šu'noquiuy wa'mijte' ñchi'tamu aŋgui'mbamʌy Dios.

San Juan 12:48

Ijtu iwʌ's quiʌme'chajpa te' je'ŋjayajpapʌ'sʌj y ja'n pyʌjcʌchoŋjay ʌs ndzambapʌ tiyʌ. Te' ʌs nʌ ndzamupʌ tiyʌ, te'wʌ's maŋba quiʌme'chaju ultimopʌ jamo'oyj.

San Juan 17:12

Yʌmya'ʌj ijtu'cše'ŋoyj ñe'cʌji'ŋda'm najsacopajcʌsi ŋgopʌquiajpa'ʌs ŋgotu'šajpa'ʌs inʌc mis mbʌmipit, te' ndzi'yajupʌmisʌj. Ngopʌquiaju'ʌs ŋgotu'šaju'ʌs y nijutipʌ jatyocoya, na' tumʌ te' tocoquiuquiotoya pʌ'najupʌ pʌn. Te'šej tujcu chambašej Totojaye's.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 17:6

Nyajnʌctʌ'yajwa'mʌs yʌ' pʌnda'm ndzi'yajupʌmisʌj najsacopajcʌsi que mʌja'ŋbʌte' mis nʌy. Misyʌ' inʌc ne'ta'm, y ndzi'yajumisʌj, y quiojamjayaju mis ndzame.

San Juan 17:9

Ʌj nʌ'ʌj nwa'coyu ñe'cʌcotoyata'm. Ja'ʌs nwa'coyjayay te' ja'nʌj wʌ'aŋjamyapyʌcotoya, sino que nʌ'ʌj nwa'coyu te' misʌj ndzi'yajupʌcotoya porque miste'ne'ta'm.

San Juan 18:9

Yʌ'šej nʌmu Jesús wa'y tyujcu te' chamušej ñe'cʌ's, nʌmu'c: Ndzi'yajuše'ŋmisʌj, nijutipʌ'ʌs janyajtocoya.

San Juan 5:28

Uy nʌmaya'tame yʌ'šejta'mbʌ tiyʌ. Porque maŋba minu te' aŋsʌŋ maŋba'ca quiʌmato'ŋʌyjayaju ʌs otowe mumu tza'tʌjcojmo ijtyajupʌ ca'uwʌ's.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

San Juan 6:44

Ya'iwʌ ja'n musi minu ʌ'aŋi juca ʌs Ndata Diojsis ja'n yajpononajay chocoy. Y te' cʌ'miñajpapʌ'sʌj maŋba'ʌs nyajwinsa'u ultimopʌ jamo'oyj.

San Juan 6:54

Iwʌ's quiʌ'sjapya ʌs sis y tyo'ŋjapya ʌs nʌ'pin pya'twa'a ja'n yayepʌ quenguy, y maŋba'ʌs nyajwinsa'u ultimopʌ jamo'oyj.

Romanos 8:11

Diojsis yajwinsa'u te' Jesús te' ca'yajupʌ'ojmoc. Y juca ñe' 'Yespiritu ijtu mista'm ndzoco'yojmo, te' Dios, yajwinsa'upʌ's Cristo Jesús ca'yajupʌ'ojmoc, maŋba njyomecotzʌcjayu mista'm ŋgüerpo ca'papʌ ñe' 'Yespiritupit, te' ijtupʌ mi'ojmota'm.

1 Corintios 6:14

Yajwinsa'u Diojsis tʌ Ngomi, y te'šejtij tʌta'm maŋbatʌ yajwinsa'taŋgue'tu te' pyʌmipit.

2 Timoteo 2:19

Pero Diojsis ñʌcʌtzo'tzupʌ tiyʌ ja'n yaye. Yʌ'šejta'mbʌ tzame's yajwiyuŋše'ajpa: Tʌ Ngomi's ispʌcpa jutita'mbʌ te' ñe'. Y nʌmgue'tpa: Yajtzaquia yacha'cuy jujche'ŋ wyejwindzoŋjayajpapʌ's tʌ Ngomi's ñʌy.

Santiago 5:15

Y juca wʌ'aŋja'moquiupyit 'yoto'ŋʌyajpa Dios, maŋba chojcu te' ca'epʌ, y tʌ Ngomi's maŋba yajtzu'cumu. Y tiyʌcʌsita'm nʌ quiowapa'tu, Diojsis maŋba yajcotocoyjayu quiowa.

1 Pedro 1:5

Nʌmis nwʌ'aŋjamdamu'ŋmʌjcʌ Dios, ñe'cʌ'smij nʌ ŋguiopʌ'ctamu y ŋguiotu'stamu hasta ŋguiotzojcoctuctamu te' ultimota'mbʌ jamo'oyj. Jʌ'ʌ, pijche'cpʌ jamo'oyj, quipsušej Diojsis, maŋba yajqueju jutzte' mʌja'ŋbʌ tiyʌ tʌta'm ŋgotzojcuy.

Judas 1:1

Ʌjte' te' Jesucristo's quioyosa Judas, te' Jacobo's pyotzo. Nʌ'ʌsmij njayjaytyamu jujche'ŋmij nwyeyatʌjtamupʌ wa'mis mato'ŋoyjaytyamu te' Diojsis chame. Tʌ Ndata Diojsis šundambamij y ŋguioquendambamij Jesucristocotoya.