San Juan 6:37 - Zoque Copainalá New Testament

³⁷ Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:37 ပူးပေါင်းရင်းမြစ်များ

San Mateo 11:28

Cʌ'mindamʌ'ʌj jujche'ŋmij nʌ mbyuyupyʌ'tamupʌ yoscu'yis, y tzʌmicʌ'mʌmij ittamupʌ, y ʌsmij maŋba nyajsapʌctamu.

San Mateo 24:24

Porque maŋba chu'cumyaju chʌquichʌquita'mbʌ Cristo y tza'maŋwa'oyeta'm. Y maŋba chʌquiaju maya'aŋda'mbʌ tiyʌ y isaŋwʌ'ajcuy wa'y 'yaŋgoma'cʌyaju hasta te' Diojsis quiopiwita'm, juca inʌc pya'tyajpa jutz.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 17:6

Nyajnʌctʌ'yajwa'mʌs yʌ' pʌnda'm ndzi'yajupʌmisʌj najsacopajcʌsi que mʌja'ŋbʌte' mis nʌy. Misyʌ' inʌc ne'ta'm, y ndzi'yajumisʌj, y quiojamjayaju mis ndzame.

San Juan 6:39

Ʌs Ndata'sʌjte' cʌ'weju, y ñe'cʌ's šunba u'yʌs nyajtocoyu ni tumʌc ñe'cʌ's quiopiŋyajupʌ wa'yʌj wʌ'aŋjamyaju. Šunba wa'yʌs nyajwinsa'yaju te' ultimopʌ jamo'oyj.

San Juan 6:65

Y nʌmu: Te'cotoya'ʌsmijte' nʌjaytyamu que ya'iwʌ'sʌj ja'n maŋu cʌ'minu juca ʌs Ndata Diojsis ja'n yajpononajay chocoy.

San Juan 9:34

Ñʌjayajque'tu fariseo'sta'm te' to'tipʌ inʌc: Saŋgowatzʌquimijyʌ' mbyʌ'naju, ¿y sunbajatʌj aŋmayu mis? Y myacpujtyaju te' ñe'ta'm wyindʌjcojmoc.

Romanos 5:20

Tʌjcʌyu te' aŋgui'mguy wa'y quieju que wʌwa'u te' cowa. Pero wʌwa'u'cande' te' cowa, más wʌwa'u te' yajya'moquiuy.

Filipenses 1:29

Y yajya'moquiupyit Cristo'smij mbyaquitzi'tamba wa'mis jana na'chcuy nwʌ'aŋjamdamu ñe'cʌ, y ja'n na' te'wʌtij sino que wa'mij nyacsnutzʌcʌtʌjtaŋgue'tu porque nwʌ'aŋjamdambamis ñe'cʌ.

1 Timoteo 1:16

Pero to'ya'ŋʌyu'ʌj Jesucristo's nimeque'ctij wa'y yajqueju wina ʌjcʌsi te' aŋba'tepʌ pyaciencia. Y te'šej chʌjcu wa'y quiengʌspʌquiaju ʌjcʌsi jujche'ŋ maŋbapʌ's wyʌ'aŋjamyaju ñe'cʌ wa'y pya'tyaju ja'n yayepʌ quenguy.

2 Timoteo 2:19

Pero Diojsis ñʌcʌtzo'tzupʌ tiyʌ ja'n yaye. Yʌ'šejta'mbʌ tzame's yajwiyuŋše'ajpa: Tʌ Ngomi's ispʌcpa jutita'mbʌ te' ñe'. Y nʌmgue'tpa: Yajtzaquia yacha'cuy jujche'ŋ wyejwindzoŋjayajpapʌ's tʌ Ngomi's ñʌy.

Hebreos 4:15

To'ya'ŋʌpyatʌ tʌyʌ' mʌja'ŋbʌ sacerdote-cowi'na's, porque mochita'mbʌtʌyʌ' y oc'išajpatʌ. Ñe'cʌ te'šejtij 'yoc'išajyajque'tu mumutiyʌcʌsi, pero jaquiowapa'tʌ.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

1 Juan 2:19

Yʌ'ta'mbʌ tʌste' ndu'mʌquiu'yojmoc tzu'cumyaju pero ja'nde' wiyuŋšejta'mbʌ wʌ'aŋja'moye. Juca inʌc tumo'oyj wʌ'aŋja'moyajpa tʌji'ŋ, tzʌ'yjojcʌtʌquiaju inʌc tʌji'ŋ. Pero tzu'cumyaju wa'y quieju que ja'n mumu wyʌ'aŋja'moyay jujcha' tʌta'm.

El Apocalipsis 22:17

Y te' Espíritu Santo's y te' Ñchowambe's yomo's nʌ ñʌjayaju tumduma'ŋbʌn: Minʌ. Y iwʌ's myatoŋba yʌ' we'oquiuy, yajwejque'ta eyapʌ tyʌwʌ. Y iwʌ yoctʌtzpa, yajcʌ'minʌ Jesús. Y iwʌ's šunba, minʌ yajto'ŋa coyowataca te' nʌ' yospapʌ ja'n yayepʌ quenguquiotoya.