San Juan 6:27 - Zoque Copainalá New Testament

²⁷ Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 6:27 ပူးပေါင်းရင်းမြစ်များ

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Mateo 3:17

Pijche'ca minu tzajpojmocpʌ otowe, nʌmupʌ: Yʌ'wʌ te' ʌs Une sunbapʌ'ʌs, y yajtzocopyacpapʌ'sʌj.

San Mateo 6:19

Uy jene tzʌctame itʌpa'tcuy ne'cʌcotoya yʌy najsacopajcʌsi, porque yʌy mo'tpʌ'pa y tinbo'pʌ'pa, y yʌy wijtyajpa te' nu'myajpapʌ wa'y ñu'myaju.

San Mateo 8:20

Y Jesujsis ñʌjayu: Wetu'sta'm ijtyaju cha'tʌc, y te' sitityajpapʌ paloma's ijtyaju ño'se. Pero ʌj, te' Pʌ'nis 'Yune's, ja'ndiyʌ ni ʌs mbata tiyʌcʌsi wa'yʌj ʌŋu.

San Marcos 1:11

Pijche'ca pujtu tzajpojmocpʌ otowe nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Marcos 9:7

Pijche'ca wanajcu o'na, y quiʌmʌŋdzʌcjayaju. Y myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une. Cʌmato'ŋʌytyamʌ ñe'cʌ.

San Lucas 3:22

Y quenequene'c wanajcu Espíritu Santo ñe'cʌcʌsi wiyuŋšejpʌ palomašej. Y pujtu tzajpojmocpʌ otowe, nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Lucas 9:35

Y myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une. Cʌmato'ŋʌytyamʌ ñe'cʌ.

San Juan 10:28

Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

San Juan 11:42

Ʌs muspa'ʌs que ŋgʌmato'ŋʌyjojcʌtʌcpamisʌj. Pero yʌ' yʌy no'tznayajupʌ pʌngotoya ndzamu'ʌs te'šej wa'y myatoŋyaju y wyʌ'aŋjamyaju que misʌjyʌ' ŋgʌ'weju najsacopajcʌsi.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 15:24

Juca inʌjcʌs jañchʌcʌ maya'aŋda'mbʌ isaŋwʌ'ajcuy ñe'co'mota'm ya'iwʌ'smaj jachʌctʌ'ʌpʌ, ja'ndiyʌta'm inʌc quiowa. Pero te'šejta'mbʌ tiyʌpit queñajwa'mʌj ʌj y quienjayajque'tu ʌs Ndataj y qui'nišajpatʌj mejtzji'ŋ.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 3:15

wa'y iwʌ'sta'misʌj wʌ'aŋjamyajpa ʌj, uy tyocoyaju sino que wa'y pya'tyaju ja'n yayepʌ quenguy.

San Juan 3:33

Pero iwʌ's wyʌ'aŋjamba tiyʌta'm chamba, yʌ'wʌ's chamgopuŋba que Dios wiyuŋdzamba.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

San Juan 6:53

Jesujsis ñʌjayaju: Ʌjte' te' Pʌ'nis 'Yune, y juca ja'nmis ŋgʌ'sjaytyame ʌs sis y ndo'ŋjaytyame ʌs nʌ'pin, ja'ndiyʌ mista'm iscuy-quenguy ndzoco'yojmo.

San Juan 6:54

Iwʌ's quiʌ'sjapya ʌs sis y tyo'ŋjapya ʌs nʌ'pin pya'twa'a ja'n yayepʌ quenguy, y maŋba'ʌs nyajwinsa'u ultimopʌ jamo'oyj.

San Juan 6:58

Ʌjte' te' pan wanajcupʌ tzajpojmoc. Ja'nde' jujcha' te' maná quiu'tyajupʌ tʌ ndata'a'ŋucu'sta'm, pero te'wʌ's jachi'ya ja'n yayepʌ quenguy.

San Juan 6:62

¿Tiya'sʌ'ŋmis maŋba ŋguipstamu juca ŋguendambamisʌj, ʌj te' Pʌ'nis 'Yune, nʌ'camʌj ŋgui'mu'c tzajpojmo ijtumʌ'yʌj inʌc wina?

San Juan 6:68

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

San Juan 8:18

Ʌs ŋgotzamba'ʌs ne' nwin, y tzamgue'tpa'ʌj ʌs Ndata's te' cʌ'wejupʌ'sʌj.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 2:22

Israel-pʌnda'm, matoŋdamʌ yʌ'šejta'mbʌ tzame: Yʌ' Nazarejtojmopʌ Jesús quiojtu Diojsis cosujupʌ pʌn mi'ojmota'm. Y yajqueju que cosujupʌte' maya'aŋda'mbʌ chʌquipit, isaŋwʌ'ajcupyit y señalpitta'm. Diojsis chʌjcu yʌ'šejta'mbʌ tiyʌ mi'ojmota'm Jesuspit, mustambaše'amis.

Romanos 4:11

Šircuncidatzʌjcu te' Abrahán jujcha' señal o pa'tze. Y jyustococojtu Diojsis te' wyʌ'aŋjamgupyit jašircuncidatzʌcʌ'cmaj. Te'šej tujcu wa'y tyata'yaju mumu jašircuncidatzʌcʌpʌ wʌ'aŋja'moye'sta'm, y wa'y ñʌcma'yʌyatʌju Diojsis justococojtyajupʌšej ñe'ta'm wyʌ'aŋjamgupyit.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

1 Corintios 6:13

Te' cu'tcuy tʌ ndzejcotoya, y tʌ ndzec cu'tcuquiotoya, pero myejtzji'ŋ maŋba yajyaju Diojsis. Pero tʌ ŋgüerpo ja'nde' ispʌquitzʌjcuquiotoya, sino que tʌ Ngomicotoya, y tʌ Ngomi's quiotzoŋjapya tʌ ŋgüerpo.

1 Corintios 9:2

Juca eyata'mbʌ nʌmyajpa que ja'nʌjyʌ' cʌ'wej, wiyuŋšej mista'm mustambamis que cʌ'we'ʌjyʌ', porque mijpitta'm quejpa que cʌ'we'ʌjyʌ' tʌ Ngomi'sñe'.

2 Corintios 4:18

Ja'ndʌs nique'nʌy te' quejyajpapʌ tiyʌ, sino que te' ja'n quiejyapyʌ. Porque te' quejyajpapʌ tiyʌ, uša'ŋ horacotoyatijte', pero te' ja'n quiejyapyʌ tiyʌ ja'nde' yajyapyʌ.

Gálatas 5:6

Porque nwʌ'aŋjamdamba'candʌ Jesucristo, juca circuncidatzʌctamutʌ o jašircuncidatzʌctamʌtʌ, ja'n tiyʌ chʌqui. Pero ijtu pyena wa'ytyʌ nwʌ'aŋja'moytyamu y wʌ'aŋja'moquiupyit wa'ytyʌ našunʌtʌjtamu.

Filipenses 2:13

Y Diojsis pyaquitzi'japya mista'm ndzocoy wa'mis sundamu oyeta'mbʌ tiyʌ, y wa'mis ndzʌctamu šunbašej ñe'cʌ's.

Colosenses 1:29

Te'cotoya nʌ'ʌj je'ecaju-co'ŋaju nyojsu porque Cristo'sʌj maya'aŋ pʌmitzi'pa wa'yʌj te'šej nyojsu.

Colosenses 2:22

Porque yʌ'šejta'mbʌ aŋgui'mguy, pʌ'nista'mde' 'yaŋma'yoquiuy, te' chambapʌ's cu'tcotzcotznaquiu'yojmo yajpapʌ tiyʌ.

Colosenses 3:2

Cottamʌ ŋguipsoquiuy jeque tzajpojmo ijtyajupʌ tiyʌcʌsi y ja'n yʌy nascʌsita'mbʌ tiyʌcʌsi.

1 Tesalonicenses 1:3

Ni uša'ŋ hora ja'ndʌsmij njambʌ'tame tʌ Ndata Diojsis wyi'naŋdʌjqui, jutzmis nyosjaytyamu ñe'cʌ porque nwʌ'aŋjamdambamis y sundambamis, y jutzmis mbʌ'mgopajcʌytyamba toyapʌjcu'yojmo nʌ'cmis njo'ctamu tʌ Ngomi Jesucristo.

2 Timoteo 2:19

Pero Diojsis ñʌcʌtzo'tzupʌ tiyʌ ja'n yaye. Yʌ'šejta'mbʌ tzame's yajwiyuŋše'ajpa: Tʌ Ngomi's ispʌcpa jutita'mbʌ te' ñe'. Y nʌmgue'tpa: Yajtzaquia yacha'cuy jujche'ŋ wyejwindzoŋjayajpapʌ's tʌ Ngomi's ñʌy.

Hebreos 12:16

Uy ijtu mi'ojmota'm ispʌquitzʌcpapʌ, ni ja'na quioquenjapyʌ's cuenta Diojsis chamupʌ tiyʌ, chʌjcušej Esau's quiacpʌ'u'c te' wyin-une'ajcu'yis quiowindzʌmbapʌ tiyʌ saŋdumnacapʌ cu'tcuquiʌsi.

Hebreos 4:11

Pyʌcpa jeque wa'ytyʌ ŋgoquendamu cuenta wa'ytyʌ ndʌjcʌytyamu maŋbamʌytyʌ yajsapʌctamu ñe'cʌ's, y uytyʌ maŋu njascojchi'ttamu jascojchi'tyajušej te' jamyato'ŋoyapʌ.

Santiago 1:11

Tumdumʌ jama'a nʌ ñembiju'c jama, tʌjchajpa te' ta'nʌta'm y yajpa te' sa'sa tʌ ŋguenjayajpapʌ jyʌyʌ. Te'šej maŋba yaju te' ricopʌ pʌn nʌmaj mye'tzupʌ's wa'y 'ya'ŋʌyu najsacopajcʌsipʌ rico'ajcuy.

1 Pedro 1:24

Wiyuŋšej chamba te' Totojaye's: Jujcha' tʌjchajpa te' ta'nʌ, Te'šej maŋba yaju pʌ'nista'm yʌpyʌ quienguy. Y jujcha' yajpa te' ta'nʌ's jyʌyʌ, Te'šej maŋba yaju tʌta'm najsacopajcʌsipʌ mʌja'ŋajcuy.

2 Pedro 1:17

Tʌ Ndata Diojsis chi'muŋgʌ'ojmo yajmʌja'ŋaju te' Cristo y te' tzi'muŋbapʌ tzajpojmoc wanajcu Diojsis 'yotowe yʌ'šej ñʌjayupʌ's: Mijte' te' ʌs sunbapʌ Une. Mijpi'tʌj tzocopyacpa.