San Juan 5:5 - Zoque Copainalá New Testament

⁵ Y tey inʌc ijtu tumʌ pʌn ips-co-yʌt-co-tuca'y ame'a ca'epa'tupʌ.

San Juan 5:5 ပူးပေါင်းရင်းမြစ်များ

San Marcos 9:21

Jesujsis quiʌ'aŋwa'cjayu te' ŋga'e's tyataj: ¿Jujche'ŋdiempo'a chʌcpa ijtu yʌ'šej yʌ' ŋga'e? Y ñe'cʌ nʌmu: Yawa'ajcu'yojmomajyʌ' yʌ'šej tujcu.

San Lucas 13:16

Yʌ' yomo Abraha'ŋisyʌ' 'yune y chʌcpa'a yʌt-co-tuca'y ame yajca'epa'tu Satanajsis. ¿Ja'nja inʌc pyʌqui wa'yʌs nyajtzojcu sabado-jamo'oyj?

San Lucas 8:43

Y tey inʌc nʌ myaŋu tumʌ yomo macwʌstʌjca'y ame'a inʌc na'chaŋ quienmenepapʌ's pyoyaj-ca'cuy. Y muma'a inʌc yaju tyumin y tyiyʌta'm tzo'yʌ'opyapʌcʌsi, y ya'iwʌ'sa jamyusʌ cho'yʌ.

San Juan 5:14

Jʌsa'ca pya'tu Jesujsis te' templo'ojmo, y ñʌjayu: Yʌtij ñchocwa'mij, u'ya cowapa'tque'temaj umis maŋu maŋgopa'tʌyu más jene jenepʌ ca'cuy.

San Juan 5:4

Porque nu'cpa'c aŋsʌŋ wanacpa inʌc ángeles y yajmi'cspa inʌc te' nʌ' te' tanque'ojmo. Iwʌ wina tʌjcʌpya nʌ'c myi'csu te' nʌ', tzocpa inʌc wempe jutzpʌ ca'cuy.

San Juan 5:6

Quienu Jesujsis yʌ'wʌ ʌŋumʌy, y ñʌctʌ'yu que sone ame'ande' te'šej itpa, y ñʌjayu: ¿Sunba ñchojcu?

San Juan 9:1

Y nʌ'c myaŋu Jesús quienu tumʌ pʌn to'titya' pʌ'najupʌ.

San Juan 9:21

Pero ja'ndʌs musi jutzyʌ' yʌtij sʌ'ŋba'a wyitʌm. Y ja'ndʌs musi iwʌ's yajsʌ'ŋjayu. Tzamupa'ʌ', cʌ'aŋwa'ctamʌ ñe'cʌ. Ñe'cʌ's yajtzamʌ.

Hechos 14:8

Y Listra'ojmo ijtu inʌc tumʌ pʌn ja'n 'yoyepʌ's ñe'ŋbac. Te'šejtya' pʌ'najupʌ. Tey inʌc pocsu y yajujche'cmaj jaquia'ŋʌpʌ.

Hechos 3:2

Ijtu inʌc tumʌ pʌn yacšnupʌ's ñe'ŋbac, te'šejtya'a pʌ'najupʌ. Ñʌmiñajpa inʌc te'wʌ tumdumʌ jama te' templo-tʌjcʌquiu'yoyj, quiotjayajupʌ's ñʌy Hermosa Puerta. Quiojtyajpa inʌc tey wa'y wya'cu tiyʌ'iwʌ tʌjcʌyajpapʌcʌsi te' templo'ojmo.

Hechos 4:22

Porque wʌstʌjqui's ame cʌtʌqui'cande' te' pʌn, te' isaŋwʌ'ajcupyit tzojcupʌ.

Hechos 9:33

Y pya'tu tey tuma'ŋbʌn ñʌjayajpapʌ Eneas, y tucutujta'y ame'a ʌŋguy tyʌjcʌyupʌ, wocšijpʌ inʌc.