San Juan 5:45 - Zoque Copainalá New Testament

⁴⁵ Uy quipstame que ʌsmij maŋba nicotza'mʌytyamu Ndata Diojsis wyi'naŋdʌjqui. Ijtu iwʌ'smij ñicotza'mʌytyamba. Nite'tzʌytyambamis Moisés, y ñe'cʌ'smijte' maŋba ñicotza'mʌytyamu.

San Juan 5:45 ပူးပေါင်းရင်းမြစ်များ

San Lucas 16:29

Y Abraha'ŋis ñʌjayu: Ijtu te' Moisejsis tyotojaye y te' tza'maŋwa'oye'sta'mñe'. Yajmato'ŋoyjaya.

San Juan 12:48

Ijtu iwʌ's quiʌme'chajpa te' je'ŋjayajpapʌ'sʌj y ja'n pyʌjcʌchoŋjay ʌs ndzambapʌ tiyʌ. Te' ʌs nʌ ndzamupʌ tiyʌ, te'wʌ's maŋba quiʌme'chaju ultimopʌ jamo'oyj.

San Juan 7:19

¿Jañchi'tamʌja Moisejsis te' aŋgui'mguy? y mi'ojmota'm ya'iwʌ's ja'n quiojame te' aŋgui'mguy. ¿Tiyajca'nde' ndzʌcme'tztamba wa'misʌj nyajca'tamu?

San Juan 8:9

Myatoŋyaju'ctij yʌ'šej ñe'cʌ'sta'm ñʌctʌ'yaju choco'yojmo tumduma'ŋbʌ'nis que ijtyaju quiowa, y ca'ŋga'ŋñayu'c tzu'cumyaju. Wina tzu'cumyaju te' tzamupʌnda'mbʌ 'y yucaŋgʌ'ytya'm tzu'cumyajque'tu te' ŋga'eta'm. Ñaytyumʌ tzʌ'yu Jesús y te' yomo cucmʌ inʌc tenayupʌ.

Romanos 2:12

Mumu jujche'ŋ ja'ndiyʌpʌ aŋgui'mguquiʌ'mʌ y cowapa'tyaju, aŋgui'mguytyaca maŋba quia'yaju. Y mumu aŋgui'mguquiʌ'mʌ ijtyajupʌ y cowapa'tyaju, maŋba quiʌme'chatʌju te' aŋgui'mgupyit.

Gálatas 3:10

Jujche'ŋ ñite'tzʌyajpapʌ's que Diojsis maŋba jyustococojtyaju porque myato'ŋoyjayajpa te' aŋgui'mguy, tocoyajupa'nde' Diojsis wyi'naŋdʌjqui. Porque yʌ'šej chamba Totojaye's: Tocoyupa'nde' Diojsis wyi'naŋdʌjqui iwʌ'sta'mis ja'n chʌcjojcʌtʌquiay mumu jujche'ŋ ja'yʌyu aŋgui'mguy-libro'ojmo.