San Juan 5:44 - Zoque Copainalá New Testament

⁴⁴ ¿Jutzamisʌj maŋba nwʌ'aŋjamdamu juca nʌ'omdambamis wa'mij yʌ'wʌ te'wʌ's myʌja'ŋgotzamdamu ne'cʌ? Y ja'nmis njo'ctame wa'mij myʌja'ŋgotzamdamu te' tumʌpʌ Diojsis.

San Juan 5:44 ပူးပေါင်းရင်းမြစ်များ

San Mateo 23:5

Pero tiyʌta'm chʌquiajpa, wa'ytyijte' quieñatʌju pʌ'nista'm chʌquiajpa. Yajmʌja'ŋajpa te' ja'yʌyupʌ tiyʌcʌsi Diojsis chame yamyajpapʌ wyinbactza'cʌsi y quiʌ'cʌsi, y yajpʌ'yajyajpa pyama'sta'm šospoj-tzʌqui.

San Lucas 19:17

Y te' re'yis ñʌjayu: Oye'aŋgʌtʌqui, jene oyepʌ ŋguioyosamij. Nijambaše'ʌsmij uša'ŋbʌ tiyʌcʌsi, maŋbamij 'yaŋgui'moyu majca'pyʌ cumguquiʌsi.

San Juan 12:43

Porque más inʌc šuñajpa wa'y pʌ'nista'm myʌja'ŋdzʌquiaju que ja'n wa'y Diojsis myʌja'ŋdzʌquiaju.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 3:20

Porque iwʌ's chʌcpa ja'n 'yoyeta'mbʌ tiyʌ, ja'n šuni te' sʌ'ŋgʌ' ni ja'n quia'ŋdʌjcʌy sʌ'ŋgʌ'ojmo uy quiʌme'tzjayu chʌqui sʌ'ŋgʌ's.

San Juan 5:41

Ja'ʌs njo'que wa'yʌj pʌ'nis wʌcotzamyaju.

San Juan 8:43

¿Tiyajca'nde' ja'n ŋgoquendame cuenta tiyʌ'ʌs nʌ ndzamu? Porque ja'n pya'jay mista'm ndzocoy ʌs ndzamyajupʌ tiyʌ's.

Romanos 2:10

Pero maŋba quioyojyatʌju mʌja'ŋajcupyit, oye'ajcupyit y sʌ'mnaquiupyit mumu chʌquiajpapʌ's oyeta'mbʌ tiyʌ, nimeque'ctij judiota'm y te'šejtijque' griegota'm.

Romanos 2:29

sino que wiyuŋšejpʌ judiote' iwʌ judio'ajpa choco'yojmo, y te' wiyuŋšej circuncidatzʌjcupʌ, te' circuncidatzʌjcupʌ choco'yojmo. Y te'wʌ Espiritupʌ tiyʌte', y ja'n ja'yʌyupʌ tiyʌ'šej. Te' wiyuŋšejpʌ judío ja'n 'yoyecotzamyay te' pʌ'nista'm, pero Diojsis 'yoyecotzamba.

Romanos 2:7

Ñe'cʌ's maŋba chi'yaju ja'n yayepʌ quenguy iwʌ'sta'mis chʌcjojcʌtʌcpa oyeta'mbʌ tzʌqui, y te'wʌpit mye'chajpa wa'y pyʌjcʌchoŋyaju ñe' pyarte Diojsis myʌja'ŋajcu'yojmo, wyʌcotzamgu'yojmo y quienjojcʌtʌjcu'yojmo.

1 Corintios 4:5

Te'šej jeque uy cʌme'tztame windij yajtiyʌ. Uy cʌme'tztame hasta que minba tʌ Ngomi. Te'wʌ's maŋba cha'maŋwajpʌ'u pi'tza'ŋajcu'yojmo cʌwʌ'ñajupʌ tiyʌ, y maŋba yajqueju mumu tzoco'yis quipsaŋgospo'ʌyušej. Pijche'ca maŋba wyʌcotzamu Diojsis tumduma'ŋbʌn myerecetzʌcpaše'ŋ.

2 Corintios 10:18

Ja'n maŋu 'yoyecocojtyaju te' ñe'cʌ wyʌcotzambapʌ's wyin, sino que te' Diojsis wyʌcotzambapʌ.

Filipenses 2:3

Uy yajtiyʌ quipcuchʌquia'tame ni uy ne'cʌtij mʌja'ŋdzʌctame nwin, pero pyʌcpa wa'mis nyumijcotzʌctamu nwin y wa'mis más mʌja'ŋgomʌ'ytyamu te' eyata'mbʌ mis atzita'm que ja'n misne nwin.

1 Tesalonicenses 2:6

Ja'ndʌs me'tze wa'ytyʌj pʌ'nis mʌja'ŋgomʌ'yaju, ni mista'm, ni eyata'mbʌ's, ñempe tʌsmij inʌc muspa ndzʌmitzi'tamu porque Cristo'stʌjyʌ' quiʌ'wej.

1 Timoteo 1:17

Te'cotoya jeque ŋgʌna'tzʌytya'mitʌy y mʌja'ŋwʌcotzamda'mitʌy mumu jamacotoya te' ja'n yayepʌ Rey, te' ja'n quia'epʌ y ja'ndʌ ŋguenepʌ, te' tumʌpʌ Dios mujsopyapʌ. Amén.

Hebreos 3:12

Coquendamʌ cuenta jeque, atzita'm, uy ijtu mi'ojmota'm yatzipʌ tzocoy ja'n wyʌ'aŋja'mopyʌ. Juca te'šejpʌ tzocomyis nʌ'ittamu maŋbamis ndzactamu te' quenjojcʌtʌcpapʌ Dios.

Santiago 2:1

Atzita'm, porque nwʌ'aŋjamdamu'ŋmʌjcʌmis tʌ mʌja'ŋbʌ Ngomi Jesucristo, uy te'wʌcotoya menoschʌctame ya'iwʌ.

1 Pedro 1:7

Ñchʌjquisʌtʌjtamba'cmij yʌ'šej, maŋba quieju que mista'm nwʌ'aŋja'moquiuy wiyuŋbʌ tiyʌte' y Diojsis wyi'naŋdʌjqui te'wʌ más valetzʌcpa que ja'nde' oro jucʌtʌjcojmo chʌjquišajupʌ, porque te' oro yajpapʌ tiyʌte'. Pero mista'm nwʌ'aŋja'moquiupyit tʌ Ngomi Jesucristo'smij maŋba nwyʌcotzamdamu y nyajmʌja'ŋajtamu ñe' chi'muŋgʌ'ojmo maŋba'candʌ ŋguendamu ñe'cʌ.

Judas 1:25

Tumʌtij ijtu tʌ Ndata Dios mujsopyapʌ, tʌta'm nyajcotzojco'yoye, porque ñe'cʌ mʌja'ŋaŋgui'mopya y pʌmi'ʌyupʌte'. Ngʌna'tzʌytya'mitʌy yʌtij y mumu jamacotoya. Amén.