San Juan 5:37 - Zoque Copainalá New Testament

³⁷ Tʌ Ndata Diojsisʌjte' cʌ'weju, y te'šejtijque' ñe'cʌ'sʌj cotestigosaju. Yajujche'cmajmis jamyatoŋjaytyamʌ 'yotowe, ni jaŋguiendamʌmajmis.

San Juan 5:37 ပူးပေါင်းရင်းမြစ်များ

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Mateo 3:17

Pijche'ca minu tzajpojmocpʌ otowe, nʌmupʌ: Yʌ'wʌ te' ʌs Une sunbapʌ'ʌs, y yajtzocopyacpapʌ'sʌj.

San Marcos 1:11

Pijche'ca pujtu tzajpojmocpʌ otowe nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Lucas 24:27

Y te' Moisejsis y mumu te' tza'maŋwa'oye's jya'yʌyupʌ tiyʌpit ñitzʌjcu Jesujsis wa'y cha'maŋwajayaju mumu te' Totojaye ja'yʌyumʌy ñe'cʌ.

San Lucas 3:22

Y quenequene'c wanajcu Espíritu Santo ñe'cʌcʌsi wiyuŋšejpʌ palomašej. Y pujtu tzajpojmocpʌ otowe, nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 15:24

Juca inʌjcʌs jañchʌcʌ maya'aŋda'mbʌ isaŋwʌ'ajcuy ñe'co'mota'm ya'iwʌ'smaj jachʌctʌ'ʌpʌ, ja'ndiyʌta'm inʌc quiowa. Pero te'šejta'mbʌ tiyʌpit queñajwa'mʌj ʌj y quienjayajque'tu ʌs Ndataj y qui'nišajpatʌj mejtzji'ŋ.

San Juan 5:32

Ijtu iwʌ'sʌj cotestigosajpa ʌj, y muspa'ʌs que ñe'cʌ'sʌj cotestigosajpašej wiyuŋbʌ tiyʌte'.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 8:18

Ʌs ŋgotzamba'ʌs ne' nwin, y tzamgue'tpa'ʌj ʌs Ndata's te' cʌ'wejupʌ'sʌj.

1 Timoteo 1:17

Te'cotoya jeque ŋgʌna'tzʌytya'mitʌy y mʌja'ŋwʌcotzamda'mitʌy mumu jamacotoya te' ja'n yayepʌ Rey, te' ja'n quia'epʌ y ja'ndʌ ŋguenepʌ, te' tumʌpʌ Dios mujsopyapʌ. Amén.

1 Timoteo 6:16

Yʌ'wʌte' te' ja'n yajujche'c quia'epʌ, na'chaŋbʌ sʌ'ŋgʌ'ojmo itpapʌ, ja'n ya'iwʌ's musi tyo'mʌyupʌ. Y yʌ'wʌ, ya'iwʌpʌ pʌ'nismaj jaquiendʌ'ʌ ni ja'n musi quienu. Ñe'cʌte' te' aŋgui'mʌtʌjcu'yista'm Quiomi y ñe'cʌtʌ ma'ndʌ ŋgʌna'tzʌytyamu mumu jamacotoya. Amén.

1 Juan 4:12

Yajujche'ctij jaquiena Dios ya'iwʌ's. Pero juca našunʌtʌjtambatʌ ne'co'mo, Dios itwa'a tʌta'm ndzoco'yojmo, y te'šejtʌ cota'nu'c sundamba Dios ndzoco'yojmo.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

1 Juan 5:9

Juca nwʌ'aŋjamdambatʌ quiotestigosajyajpašej pʌ'nis, más pyʌcpa wa'ytyʌ nwʌ'aŋjamdamu Diojsis quiotestigosajušej. Ñe'cʌ's quiotestigosaju que wiyuŋšej ñe'te' 'Yune.