San Juan 5:30 - Zoque Copainalá New Testament

³⁰ Ʌs ja'ʌs musi ndzʌjcu yajtiyʌ ne'cʌtij. Tzamjapyaše'ʌj Ndata's ŋgʌme'chajpa'ʌs pʌnda'm. Y ʌs, wiyuŋbʌ tiyʌpi'tʌs ŋgʌme'chajpa, porque ja'ʌs me'tze ne' su'noquiuy, sino que wa'yʌs ndzʌjcu šunbašej ʌs Ndata Diojsis, porque ñe'cʌ'sʌjyʌ' cʌ'weju.

San Juan 5:30 ပူးပေါင်းရင်းမြစ်များ

San Mateo 26:39

Y ma'ŋa'ŋʌyu uša'ŋ y mucscʌne'cu wyinnacapit. 'Yoto'ŋʌyu Tyata Dios y nʌmu: Tatay, yʌ' toya maŋbapʌ'ʌs nʌcʌtʌjcupʌ, juca oye wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 18:11

Pijche'ca ñʌjayu Jesujsis te' Pedro: Cota ñaco'mo mis espada. Te' minu'ʌs ŋguenupʌ toya ʌs Ndata'sʌj nimejcʌyjayupʌ, te'wʌ pyʌcpapʌte' wa'yʌs nʌcʌtʌjcu.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

San Juan 6:38

Porque wanajcu'ʌj tzajpojmoc, ja'n wa'yʌs ndzʌjcu ne' su'noquiuy, sino que wa'yʌs ndzʌjcu šunbašej te' cʌ'wejupʌ'sʌj.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

San Juan 8:50

Y ʌs ja'ʌs me'tze ne' mʌja'ŋajcuy. Ijtu iwʌ's mye'tzjapya y ñe'cʌte' te' cʌme'tzopyawʌ.

Romanos 15:3

Porque Cristo's jachʌcʌ ñe' šu'noquiuy, sino que quiʌtʌcjayu te' ja'yʌyušej: Te' 'yotowewʌ'ajayajušejmij, te'še'ʌj otowewʌ'ajayajque'tu ʌj.

Romanos 2:2

Pero mustambatʌ que quiʌme'tzpa Diojsis te' chʌquiajpapʌ's yʌ'šejta'mbʌ tiyʌ. Y ñe' quiʌme'tzoquiuy wiyuŋbʌ tiyʌte'.

Romanos 2:5

Pero como ñuyumij y jaŋguipswitu'ʌmij ndzoco'yojmo nʌmis mbactu'mʌyu tiyʌmij wa'y nyajnʌco'aŋgʌyu Diojsis. Y maŋbamij nyajnʌco'aŋgʌyu Diojsis ʌ' jamo'oyj maŋba'ca chʌjcu te' wiyuŋšejpʌ quiʌme'tzoquiuy.