26 Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.
Ñe'cʌte' te' iscuy-quenguy. Y te' iscuy-quenguy šajpapʌ ñe'cʌ's, te'wʌ'ste' šʌ'ŋgʌtzʌcjayajpa pʌ'nista'm chocoy.
Ya'iwʌ'sʌj ja'n musi yajca'u, sino que ne' su'noquiupyi'tʌste' ndzi'oquia'pa nwin. Ijtu ʌs aŋgui'mʌtʌjcuy wa'yʌs ndzi'oquia'u nwin, y ijtu ʌs aŋgui'mʌtʌjcuy wa'yʌj nwinsa'wʌtzʌjcu. Yʌ'šejpʌ aŋgui'mʌtʌjcu'yʌj tzi'u Ndata's.
Ñʌjayu Jesujsis: Ʌjte' te' yajwinsa'opyapʌ y šajpapʌ's quenguy. Iwʌ'sʌj wʌ'aŋjamba ʌj, ñempe quia'ʌ maŋba itwʌtzʌjque'tutij.
Y jujche'ŋ iwʌ quenbamaj y wʌ'aŋjamba ʌj, maŋba quia'u, pero ja'n mumu jamacotoya. ¿Wʌ'aŋjambaja yʌ'šej?
Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.
Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.
'Yaŋdzoŋu Jesujsis: Ja'nmis ispʌcjay te' Diojsis yajya'moquiuy. Ja'nmis ispʌqui iwʌ'smijte' nʌ wya'cjayu nʌ'. Juca inʌc misʌj ispʌcpa mis inʌc nwa'cpa ʌjcʌsi, y ʌsmij inʌc ndzi'pa nʌ' šajpapʌ's quenguy.
Ʌs Ndata Dios ñe' pyʌmipit quengu'yʌyu, y ñe'cʌ'sʌj cʌ'weju. Y jutzʌj ʌj ñe'cʌpit quengu'yʌyu, te'šej iwʌ's quiʌ'sjapya ʌs sis pya'twa'a ʌjpit te' ja'n yayepʌ quenguy.
Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.
Pʌ'nis quiʌ'pitpʌ cʌna'tzʌ'oquiuy yajtiyʌte' Diojsis wyi'naŋdʌjqui, ya'iwʌ pʌ'nis ja'n musi quiotzoŋu. Pero ñe'cʌ'stʌte' tzi'tamba nje'ej y ŋguenguy y mumutiyʌ.
Y yʌ'šej ja'yʌquie'tu: Te' winbʌ pʌn Adán, quenbapʌ pʌnde' inʌc. Y te' ultimopʌ Adán, espiritute' šajpapʌ's iscuy-quenguy.
Te'cotoya jeque ŋgʌna'tzʌytya'mitʌy y mʌja'ŋwʌcotzamda'mitʌy mumu jamacotoya te' ja'n yayepʌ Rey, te' ja'n quia'epʌ y ja'ndʌ ŋguenepʌ, te' tumʌpʌ Dios mujsopyapʌ. Amén.
Yʌ'wʌte' te' ja'n yajujche'c quia'epʌ, na'chaŋbʌ sʌ'ŋgʌ'ojmo itpapʌ, ja'n ya'iwʌ's musi tyo'mʌyupʌ. Y yʌ'wʌ, ya'iwʌpʌ pʌ'nismaj jaquiendʌ'ʌ ni ja'n musi quienu. Ñe'cʌte' te' aŋgui'mʌtʌjcu'yista'm Quiomi y ñe'cʌtʌ ma'ndʌ ŋgʌna'tzʌytyamu mumu jamacotoya. Amén.
Pero yʌ' ultimota'mbʌ aŋsʌ'ŋoyj oto'ŋʌytyamuwa'ndʌ Diojsis te' 'Yunepit. Y ñe'cʌpittijte'que' chʌjcu Diojsis mumutiyʌ y quiopiŋu wa'y ñe'cʌ's pyʌjcʌchoŋbʌ'u.
Y nʌjaquie'tu'ʌj: Yʌtij njomecotzʌcpʌ'wa'mʌs. Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y nʌ yoctʌjtzupʌ coyowataca'ʌs maŋba nyajnʌ'to'ŋu te' wombamʌy nʌ', te' yospapʌ ja'n yayepʌ quenguquiotoya.
Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.
Y te' Espíritu Santo's y te' Ñchowambe's yomo's nʌ ñʌjayaju tumduma'ŋbʌn: Minʌ. Y iwʌ's myatoŋba yʌ' we'oquiuy, yajwejque'ta eyapʌ tyʌwʌ. Y iwʌ yoctʌtzpa, yajcʌ'minʌ Jesús. Y iwʌ's šunba, minʌ yajto'ŋa coyowataca te' nʌ' yospapʌ ja'n yayepʌ quenguquiotoya.
porque te' Ñchowambe Jesucristo te' Diojsis 'yaŋgui'mʌtʌjcuy-pyocscu'yis wyi'naŋdʌjqui ijtupʌ, te'wʌ's maŋba quioqueñaju y ñʌmaŋyaju wombamʌy nʌ' yospapʌ ja'n yayepʌ quenguquiotoya. Pijche'c maŋba tyʌjtzu mumu pʌ'nis wyitʌm-nʌ'.