San Juan 5:25 - Zoque Copainalá New Testament

²⁵ Wiyuŋše'ʌsmij nwiyuŋdzamjaytyamba: Maŋba minu te' aŋsʌŋ, y tzo'tzuwa'nde' wa'y quiʌmato'ŋʌyjayaju ʌs otowe te' ca'uwʌšej ijtyajupʌ's quiowa'ojmo, porque ʌjte' te' Diojsis 'Yune. Y iwʌ'sʌj cʌmato'ŋʌyajpa ʌj, maŋba pya'tyaju iscuy-quenguy.

San Juan 5:25 ပူးပေါင်းရင်းမြစ်များ

San Lucas 15:24

Porque yʌ' ʌs une ca'tʌ'upa'yʌ' y yʌtij winsa'wʌtzʌjcu, tocoytyʌ'upʌyʌ' y yʌtij quejwʌtzʌjcu. Y sʌ'ŋajcʌ'yaju.

San Lucas 15:32

Pero ijtupʌte' inʌc pyena wa'ytyʌ nʌ'omdamu y sʌ'ŋajtamu porque misyʌ' mbotzo ca'tʌ'upa'yʌ' y yʌtij winsa'wʌtzʌjcu, tocoytyʌ'upʌyʌ' y yʌtij quejwʌtzʌjcu.

San Lucas 9:60

Y Jesujsis ñʌjayu: Tzaquia te' ca'yajupʌšej ijtyajupʌ's quiowa'ojmo wa'y ñe'cʌ'sta'm ñasnicotʌ'ŋʌyaju ca'yajupʌ tyʌwʌ. Y mij, mawʌ, ma tzamgopuwʌ jutz aŋgui'mopya Dios.

San Juan 13:1

Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 17:1

Yʌ'šejta'mbʌ tiyʌ chamu Jesujsis, y quengui'mu'c tzajpojmo, nʌmu: Tatay, nu'cwa'nde' hora, yajqueña te' pʌnda'm ʌs mʌja'ŋajcuy, porque misʌjyʌ' Une. Te'še'ʌs wa'y ʌs nyajqueñajque'tu pʌnda'm mis mʌja'ŋajcuy.

San Juan 4:21

Ñʌjayu Jesujsis: Wʌ'aŋjamʌ tiyʌ'ʌsmij ndzamjapya. Maŋba ñu'cu te' aŋsʌŋ cuando ja'namij mindame yʌ' pu'mnacʌsi ni ja'namij myaŋdame Jerusale'ŋojmo wa'mis ŋgʌna'tzʌytyamu tʌ Ndata Dios.

San Juan 4:23

Minba te' aŋsʌŋ y tzo'tzuwa'a wa'y quiʌna'tzʌyjayaju tʌ Ndata Dios, te' wiyuŋšejta'mbʌ cʌna'tzʌ'oye's, espiritupit y wiyuŋdzocopyʌ cʌna'tzʌ'oquiupyit cʌna'tzʌ'oyajpa. Diojsis šunba te'šejta'mbʌ cʌna'tzʌ'oye.

San Juan 5:21

Jujcha'nde' ʌs Ndata's muspa yajwinsa'u ca'yajupʌ, y chi'yajpa quenguy, te'šejtijque' ʌs, te' 'Yune's, muspa'ʌs ndzi'u quenguy iwʌta'm ʌs sunba.

San Juan 5:28

Uy nʌmaya'tame yʌ'šejta'mbʌ tiyʌ. Porque maŋba minu te' aŋsʌŋ maŋba'ca quiʌmato'ŋʌyjayaju ʌs otowe mumu tza'tʌjcojmo ijtyajupʌ ca'uwʌ's.

San Juan 6:60

Y soneta'mbʌ quiʌ'aŋmaye's myatoŋyaju y nʌmyaju: Jene na'chaŋda'mbʌ tiyʌ chamba, ¿iwʌ'sasʌ'ŋ muspa ñʌtu'ŋaju?

San Juan 8:43

¿Tiyajca'nde' ja'n ŋgoquendame cuenta tiyʌ'ʌs nʌ ndzamu? Porque ja'n pya'jay mista'm ndzocoy ʌs ndzamyajupʌ tiyʌ's.

San Juan 8:47

Iwʌta'm Diojsisñe' myatoŋjayajpa Diojsis chame. Te'cotoya ja'nmis ŋgʌmato'ŋʌytyame mista'm porque ja'n mijyʌ' Diojsista'mñe'.

San Juan 9:27

'Yaŋdzoŋyajque'tu: Ndzamjaytyamwa'mʌsmij y ja'nmis ŋgoquendame cuenta. ¿Tiyajca'nde' sunba matoŋwʌtzʌctaŋgue'tutij? ¿Sunbasʌ'ŋ mij ŋguiʌ'aŋmaye'ajtaŋgue'tu?

Romanos 6:4

Porque tumʌnipyajwa'ndʌ ñe'cʌji'ŋ quia'a'ŋojmošej nʌ'yʌ'yoquiu'yojmo. Y jujcha' winsa'u te' Cristo ca'yajupʌ'ojmoc Tyata Diojsis myʌja'ŋajcupyit, te'šejtijque' tʌta'm wa'ytyʌ ndu'ŋajtamu jomepʌ quengu'yojmo.

Efesios 2:1

Wina ca'uwʌšejmij inʌc ittamu mista'm ŋgowapit y nyacha'cupyit, pero yʌtij Cristo'smij ñchi'tamba iscuy-quenguy Diojsis wyi'naŋdʌjqui.

Efesios 2:5

Te'cotoya ñempe ca'uwʌšejtʌ inʌc ittamu wina tʌ ŋgowapit, Diojsistʌ tzi'tamba iscuy-quenguy Cristopit. (Porque te' Diojsis yajya'moquiupyit ŋguiotzoctamumij.)

Efesios 5:14

Te'cotoya nʌmyajpa te' tza'maŋwa'oyeta'm: Itzaŋwa nwitʌm, porque 'yʌŋupʌšejpʌ mijyʌ', Tzu'cumʌ porque ŋguia'upʌšejpʌ mijyʌ', Y Cristo's maŋba šʌ'ŋjayu mis ndzocoy.

Colosenses 2:13

Y mijta'm ca'uwʌšejmij inʌc ittamu wina ŋgowapit, ja'nmis inʌc suni ndzactamu mis nwi'nis yatzi šu'noquiuy. Pero te'šejmij nʌ ittamu'c, Diojsis yajcotocopyʌ'jayu mumu mista'm ŋgowa y ñchi'tamumij iscuy-quenguy Cristo's wyi'naŋdʌjqui.

El Apocalipsis 3:1

Ʌj Juan, nʌjaquie'tu'ʌj Cristo's: Jayjaquie'ta te' nʌ quioquenupʌ's Sardis-tu'mʌquiuy. Tzamja te' coque'noye y te' tu'mʌquiuy que ʌste' nʌ'ijtu te' cu'ya'pyʌ Espíritu Diojsisñe', y ʌjte' te' cho'ŋajupʌ's te' cu'ya'pyʌ matza y que muspa'ʌs tiyʌta'm mis ndzʌctamba. Chamjayajpa mis nʌy que ittamumajmij, pero ʌs nwi'naŋdʌjqui ŋguia'tamupa'mijte'.