San Juan 5:23 - Zoque Copainalá New Testament

²³ Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

San Juan 5:23 ပူးပေါင်းရင်းမြစ်များ

San Mateo 10:37

Iwʌ's wyi'naŋgotpa tyataj o ñanaj y ucatʌctzi'pa'ʌj ʌj, ja'ʌs nijame wa'yʌj co'ŋu. Y iwʌ's wyi'naŋgotpa 'yune y ucatʌctzi'pa'ʌj, ja'ʌs nijame wa'yʌj co'ŋu.

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 12:21

Y mumu genti'lista'm ñe' ñʌy maŋba ñite'tzʌyjayaju.

San Mateo 15:8

Yʌ' pʌ'nista'm wʌcotzamyajpa'ʌj 'yaŋnacapit, Pero choco'yojmo ja'nʌj wʌ'aŋjamyay.

San Mateo 28:19

Te'cotoya maŋdamʌ, ma aŋmaytyamʌ mumu nacio'ŋojmota'mbʌ pʌn wa'yʌj co'ŋyaju jujcha' Maestro. Yajnʌ'yʌ'oytyamʌ te' Tata Diojsis ñʌquiʌsi, y ʌj, te' 'Yune's ñʌquiʌsi, y te' Espíritu Santo's ñʌquiʌsi.

San Lucas 10:16

Iwʌ'smij ŋguiʌmato'ŋʌytyamba mij, ʌs ŋgʌ'aŋmayeta'm, ʌjte' nʌ cʌmato'ŋʌyu. Y iwʌ'smij ja'n mbyʌjcʌchoŋdame, ʌjte' ja'n pʌjcʌchowe, y iwʌ'sʌj ja'n pʌjcʌchowe, ja'n pyʌjcʌchowe te' cʌ'wejupʌ'sʌj.

San Juan 14:1

Uy yajopi'ttame mista'm ndzocoy. Nwʌ'aŋjamdambamis Dios, wʌ'aŋjamdaŋgue'ta'a ʌj.

San Juan 16:14

Ñe'cʌ's maŋba yajqueju que mʌja'ŋbʌ pʌ'nʌj, porque te' ʌs ndzamyajupʌ tiyʌ, te'wʌ maŋba chamu ñe'cʌ's wa'mij nyajmustamu.

San Juan 17:10

Y mumu jujche'ŋ ʌsne' miste'ne', y mumu jujche'ŋ misne' ʌste'ne'. Y ñe'cʌ'sta'm yajquejayajpa ʌs mʌja'ŋajcuy.

Romanos 1:7

Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's. Nʌ'ʌsmij njayjaytyamu mumu jujche'ŋmij ittamupʌ Roma'ojmo, šundambapʌmij Diojsis, y nwyejtamuše'ŋmij wa'mij myasa'najtamu.

Romanos 15:12

Isaiajsis jya'yʌquie'tu yʌ'šej: Jese's 'yune'ojmocta'm maŋba pyujtu tumʌ pʌn. Maŋba chu'cumu yʌ'wʌ wa'y 'yaŋgui'mu te' gentilta'm, Y maŋba ñite'tzʌyaju ñe'cʌ te'ta'mbʌ's.

Romanos 6:22

Pero yʌtij ŋguiotzoctamumij te' cowa'ojmoc, y quioyosašejmij ñʌ'ittamba Diojsis. Nʌwʌ'ajtamumis porque te'wʌ'smij nyajmasa'najtamba, y ñe'cʌpit mba'ttambamis ja'n yayepʌ quenguy.

Romanos 8:9

Pero mijta'm ja'nmij nwyittame mista'm nwi'nis šunbašej, sino que šunbašej te' Espiritu's, juca wiyuŋšej ijtu mi'ojmota'm te' Diojsis 'Yespiritu. Y iwʌ's jañʌ'itja Cristo's 'Yespiritu, te'wʌ ja'nde'ñe'.

1 Corintios 1:3

Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.

1 Corintios 10:31

Jujche'ŋ nacamij ŋguiu'ttamba, o 'yuctamba, o ndzʌctambamis eyapʌ tiyʌ, tzʌctamʌ mumu wa'y quieju Diojsis myʌja'ŋajcʌ'.

1 Corintios 16:22

Iwʌ's ja'n šuni tʌ Ngomi Jesucristo, tocoyuwa'nde' Diojsis wyi'naŋdʌjqui. Yajminʌ tʌta'm Ngomi.

1 Corintios 6:19

¿O ja'nja mustame que mista'm ŋgüerpo Espíritu Santo's te' tyʌc, y que ijtu te' Espíritu Santo mi'ojmota'm? Yʌ' Espíritu ñchi'tamumij Diojsis. Ja'nde' mista'mne' ne' nwin.

2 Corintios 1:9

Jʌ'ʌ, nʌmutʌj ŋguipsoquiu'yojmo, nu'cupa'yʌ' hora wa'ytyʌj ŋga'u. Te'šejtʌj cʌtʌcjayu uytyʌs nite'tzʌyu ne' nwin, sino que wa'ytyʌs nite'tzʌyu Dios, yajwinsa'papʌ's ca'yajupʌ.

2 Corintios 13:14

Sunba'ʌs wa'y ijtu mi'ojmota'm tʌ Ngomi Jesucristo's yajya'moquiuy, y wa'mij šundamu Diojsis, y wa'mij ŋguiotzoŋdamu Espíritu Santo's, te' ijtupʌ mis ndzoco'yojmo. Amén.

2 Corintios 5:14

Cristo's šu'noquiu'yistʌj tzʌcjʌ'mʌpya porque muspatʌs que tumʌ pʌn ca'u mumu pʌngotoya. Mumu jeque ca'ʌnʌmu.

2 Corintios 5:19

Yʌ'šejte': Cristopit nʌ inʌc yajnašunwʌtzʌquiaju Diojsis ñe'cʌji'ŋ te' najsacopajcʌsita'mbʌ pʌn, y jamyayajaya pʌ'nista'm quiowa. Cojtutʌj wa'ytyʌs ndzamgopuŋu wa'y ñašunwʌtzʌquiaju pʌn Diosji'ŋ.

Efesios 6:24

Y sunba'ʌs wa'y Diojsis yajyamyaju mumuta'mbʌ atzi šunjojcʌtʌquiajpapʌ's tumʌtzocoy tʌ Ngomi Jesucristo. Amén.

2 Timoteo 1:12

Te'cotoya nʌ'ʌj ndoyapʌjcu yʌ'šejta'mbʌ tiyo'mo. Pero ja'nʌj ndza'ay porque muspa'mʌs ne'cʌ iwʌ'ʌste' nʌ nwʌ'aŋjamu, y muspa'mʌs que pʌmi'ʌyu wa'y quioquenjayu te' ʌs nitza'mʌyupʌ tiyʌ ñe'cʌcʌsi hasta ʌ'ta'mbʌ jamacotoya.

Hebreos 1:6

Pero quiʌ'weju'c Diojsis te' mʌja'ŋbʌ 'Yune yʌy najsacopajcʌsi nʌmu: Pyʌcpa wa'y quiujnayjayaju ʌs Une mumu angelejsista'm.

2 Pedro 1:1

Ʌjte' te' cʌ'wej Simón Pedro, Jesucristo's quioyosa. Atzita'm, nʌ'ʌsmij njayjaytyamu mijta'm, mumu jujche'ŋ wyʌ'aŋjamyajpapʌ's tʌta'm nyajcotzojcopyapʌ Dios, te' Ngomi Jesucristo. Y mijta'm tʌjšejmij sa'sa nwyʌ'aŋja'moytyamba porque tʌ Ngomi justopʌte' wa'ytyʌ tzi'tamu tumduma'ŋbʌn yʌ' sa'sapʌ nwʌ'aŋja'moquiuy.

2 Pedro 3:18

Tzʌcme'tzjojcʌtʌctamʌ wa'mis ispʌctamu oye'c te' yajcotzojcopyapʌ Ngomi Jesucristo, y tzʌcme'tztamʌ wa'y 'ya'ŋʌyu mista'm ndzoco'yojmo te' ñe' yajya'moquiuy. Mʌja'ŋgotzamda'mitʌy yʌtij tʌ Ngomi Jesucristo hasta que nu'cpa te' aŋsʌŋ ja'na yajujche'c yayepʌ. Amén.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.