San Juan 5:22 - Zoque Copainalá New Testament

²² Ʌs Ndata's ja'n quiʌme'tze ya'iwʌ. Pero como ʌjte' te' 'Yune, tzi'u'ʌj aŋgui'mʌtʌjcuy wa'yʌs ŋgʌme'tzpʌ'u mumu pʌn.

San Juan 5:22 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 16:27

Porque ʌj, te' Pʌ'nis 'Yune, maŋba'ʌj minu Ndata's chi'muŋgʌ'ojmo ñe' 'yangelesji'ŋda'm. Pijche'cʌs maŋba ŋgoyojayaju tumduma'ŋbʌ'nis yojsaŋ.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 3:35

Jene šunu Diojsis te' 'Yune. Te'cotoya quiojtu mumutiyʌ ñe' quiʌ'ojmo.

San Juan 5:27

Ñe'cʌ'stijte' tzi'que'tu aŋgui'mʌtʌjcuy y mʌja'ŋajcuy wa'yʌj ŋgʌme'tzoyu, porque ʌjte' te' Pʌ'nis 'Yune.

San Juan 9:39

Y nʌmu Jesús: Minu'ʌj yʌ' najsacopajcʌsi wa'y Diojsis quiʌme'chaju pʌnda'm, wa'y iwʌ'sta'mis ja'ndiyʌ quipsoquiu'yis šʌ'ŋgʌ' wa'yʌs nyajsʌ'ŋjayaju quipsoquiuy, y te' nʌmyajpapʌ's que sʌ'ŋyajpa wyitʌm wa'y jana ispʌquiaju te' wiyuŋbʌ tiyʌ.

Hechos 10:42

Y aŋgui'mutʌj ñe'cʌ's wa'ytyʌs ndzamgopuŋjayaju pʌnda'm y wa'ytyʌs ŋgotzamu que ñe'cʌte' quiojtu Diojsis wa'y minu quiʌme'chaju queñajpapʌ y ca'yajupʌ.

Hechos 17:31

Porque quiotwa'a tuma'ŋjama maŋba'ca tyacscʌme'tzpʌ'u justiciapit te' najsacopajcʌsita'mbʌ, te' ñe'cʌ's quiopiŋupʌ pʌnbit. Y yajwinsa'u yʌ'wʌ ca'yajupʌ'ojmoc wa'y myujsu mumu pʌ'nis que wiyuŋšejte'.

Romanos 2:16

Pero minba te' jama cuando maŋba quiʌme'tzu Diojsis Jesucristopit ñempe pʌ'nis quiʌwʌ'ñajpapʌ tiyʌ, chambašej ʌs ndzamgopuŋbapʌ evangelio's.

2 Corintios 5:10

Porque ijtupʌ te' pyena wa'ytyʌ muma'ŋgʌ'y aŋguejtamu Cristo's wyi'naŋdʌjqui cʌme'tzopyamʌy. Pijche'c maŋba quioyojyatʌju tumduma'ŋbʌn tiyʌta'm chʌquiaju cuerpo'ojmomaj ijtyaju'c, juca oyepʌ tiyʌ o ja'n 'yoyepʌ.

2 Timoteo 4:1

Aŋgui'mba'ʌsmij Diojsis wyi'naŋdʌjqui y tʌ Ngomi Jesucristo's wyi'naŋdʌqui, te' maŋba minupʌ 'yaŋgui'mʌtʌjcu'yojmo wa'y quiʌme'chaju queñajpapʌ y ca'yajupʌ.

1 Pedro 4:5

Uy pʌcjaytyame maya'cuy. Porque minba'cande' te' Diojsis ñimejcʌyupʌ, maŋbapʌ's quiʌme'chaju queñajpapʌ y ca'yajupʌ, yʌ' genti'lista'm maŋba quiowʌ'aŋjamyaju ñe'ta'm quiowa.