San Juan 5:19 - Zoque Copainalá New Testament

¹⁹ Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

San Juan 5:19 ပူးပေါင်းရင်းမြစ်များ

San Mateo 26:39

Y ma'ŋa'ŋʌyu uša'ŋ y mucscʌne'cu wyinnacapit. 'Yoto'ŋʌyu Tyata Dios y nʌmu: Tatay, yʌ' toya maŋbapʌ'ʌs nʌcʌtʌjcupʌ, juca oye wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

San Lucas 21:15

Porque ʌsmij maŋba ndzi'tamu mujsoquiuy jutzmij wa'y 'yaŋdzoŋdamu ja'n musi'cše'ŋoyj 'yaŋdzoŋyaju ñe'cʌ, ni ja'n musi'cše'ŋoyj quioquipyaju wyin mumu jujche'ŋ ñiwa'cʌtʌjtambapʌ'smij.

San Juan 10:18

Ya'iwʌ'sʌj ja'n musi yajca'u, sino que ne' su'noquiupyi'tʌste' ndzi'oquia'pa nwin. Ijtu ʌs aŋgui'mʌtʌjcuy wa'yʌs ndzi'oquia'u nwin, y ijtu ʌs aŋgui'mʌtʌjcuy wa'yʌj nwinsa'wʌtzʌjcu. Yʌ'šejpʌ aŋgui'mʌtʌjcu'yʌj tzi'u Ndata's.

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 12:50

Y ʌs muspa'ʌs que ñe'cʌ'sʌj aŋgui'myajupʌ tiyʌ yospa ja'n yayepʌ quenguquiotoya. Y tiyʌta'mʌj Ndata's aŋgui'mu, na' te'wʌ ʌs ndzamba.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 2:19

'Yaŋdzoŋyaju Jesujsis y nʌmu: Yajtamʌ yʌ' templo, y tuca'y jamacʌsi nyajtzu'cumwʌtzʌcpa'ʌs.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 5:21

Jujcha'nde' ʌs Ndata's muspa yajwinsa'u ca'yajupʌ, y chi'yajpa quenguy, te'šejtijque' ʌs, te' 'Yune's, muspa'ʌs ndzi'u quenguy iwʌta'm ʌs sunba.

San Juan 6:38

Porque wanajcu'ʌj tzajpojmoc, ja'n wa'yʌs ndzʌjcu ne' su'noquiuy, sino que wa'yʌs ndzʌjcu šunbašej te' cʌ'wejupʌ'sʌj.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

San Juan 9:4

Nʌ'cše'ŋo'yʌj tzi'yaju lugar wa'yʌj nyojsu pyʌcpa wa'yʌs ndzʌcjayu Diojsis yoscuy, porque ñe'cʌ'sʌj cʌ'weju. Porque maŋba minu te' aŋsʌŋ ja'nandʌ maŋu tzi'yaju lugar wa'ytyʌ nyostamu.

Hechos 2:24

Pero yajwinsa'u Diojsis y chʌcʌpʌ'u te' ca'a'ŋis ñuctzʌ'yumʌy, porque te' ca'a'ŋis ja'n inʌc musi yajtzʌ'yu.

Romanos 6:4

Porque tumʌnipyajwa'ndʌ ñe'cʌji'ŋ quia'a'ŋojmošej nʌ'yʌ'yoquiu'yojmo. Y jujcha' winsa'u te' Cristo ca'yajupʌ'ojmoc Tyata Diojsis myʌja'ŋajcupyit, te'šejtijque' tʌta'm wa'ytyʌ ndu'ŋajtamu jomepʌ quengu'yojmo.

Romanos 8:11

Diojsis yajwinsa'u te' Jesús te' ca'yajupʌ'ojmoc. Y juca ñe' 'Yespiritu ijtu mista'm ndzoco'yojmo, te' Dios, yajwinsa'upʌ's Cristo Jesús ca'yajupʌ'ojmoc, maŋba njyomecotzʌcjayu mista'm ŋgüerpo ca'papʌ ñe' 'Yespiritupit, te' ijtupʌ mi'ojmota'm.

1 Corintios 15:12

Y como ndzamgopuŋbatʌs que Cristo winsa'u ca'yajupʌ'ojmoc, ¿jutza' jeque nʌmyajpa metza tuca'y mi'ojmota'mbʌ que ja'n wyinsa'yay te' ca'yajupʌ?

2 Corintios 4:14

Porque muspatʌs que yajwinsa'u Diojsis tʌ Ngomi Jesús, y te'wʌ'stʌj maŋba yajwinsa'que'tu tʌj porque yajwinsa'u Jesús. Y ñe'cʌ'stʌj maŋba nʌtʌjcʌyu miji'ŋda'm ñe' wyi'naŋdʌjqui.

2 Corintios 5:10

Porque ijtupʌ te' pyena wa'ytyʌ muma'ŋgʌ'y aŋguejtamu Cristo's wyi'naŋdʌjqui cʌme'tzopyamʌy. Pijche'c maŋba quioyojyatʌju tumduma'ŋbʌn tiyʌta'm chʌquiaju cuerpo'ojmomaj ijtyaju'c, juca oyepʌ tiyʌ o ja'n 'yoyepʌ.

Efesios 2:5

Te'cotoya ñempe ca'uwʌšejtʌ inʌc ittamu wina tʌ ŋgowapit, Diojsistʌ tzi'tamba iscuy-quenguy Cristopit. (Porque te' Diojsis yajya'moquiupyit ŋguiotzoctamumij.)

Efesios 3:16

Nwa'cpa'ʌs Dioscʌsi wa'mij ñe' 'Yespiritu Santo's mbyʌmitzi'tamu mis ndzoco'yojmo. Porque ñe'cʌ Dios maya'aŋde' pʌmi'ʌyupʌ wa'mij ŋguiotzoŋdamu.

Filipenses 3:21

Y ñe'cʌ's maŋba quiacpʌ'jayu tʌta'm ca'papʌ ŋgüerpo wa'y tyu'mbajcaju ñe' masanbʌ cuerpoji'ŋ. Y muspa chʌjcu yʌ'šejpʌ tiyʌ te' Cristo's porque pʌmi'ʌyupʌte' y ijtu 'yaŋgui'mʌtʌjcuy mumutiyʌcʌsi.

Filipenses 4:13

Mumutiyʌ'ʌs muspa ndzʌjcu Cristoji'ŋ, porque ñe'cʌ'sʌj cotzoŋba.

Colosenses 1:11

Y nwa'que'tpatʌs Dioscʌsi wa'mij mbyʌmitzi'tamu mis ndzoco'yojmo ñe' maya'aŋbʌ pyʌmipit, wa'mis oma'oma y pacienciapit mbʌ'mgopajcʌytyamu mumu toya.

Colosenses 1:16

Y ñe'cʌpit tujcu mumutiyʌ, tzajpojmo y najsacopajcʌsi ijtupʌ tiyʌ, ŋguenbapʌtʌ y ja'ndʌ ŋguenepʌ tiyʌ. Ñe'cʌpit jeque tujcu mumutiyʌ y ñe'cʌ's ijtu 'yaŋgui'mʌtʌjcuy mumutiyʌcʌsi, re'yis 'yaŋgui'mʌtʌjcuy-pyocscuquiʌsi, y mumu aŋgui'myajpapʌcʌsi y aŋnama'ŋ y mʌja'ŋda'mbʌ co'aŋgui'moyecʌsita'm.

1 Tesalonicenses 4:14

Porque como nwʌ'aŋjamdambatʌ que te' Jesús ca'u y winsa'u, te'šejtij nwʌ'aŋjamdaŋgue'tpatʌ que maŋba ñʌmingue'tu Diojsis ñe'cʌji'ŋ jujche'ŋ wʌ'aŋja'moye ca'yajupʌ.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

El Apocalipsis 2:23

Y ñe' 'yuneta'm quio'ŋjayajpapʌ's ñe' chʌqui maŋba'ʌs ŋgotjayaju toya wa'y quia'yaju. Y mumu Diojsis tyu'mʌquiu'yis maŋba myujšaju que ʌs ocme'tzpʌ'jayajpa'ʌs pʌ'nista'm quipsoquiuy y chocoy. Y tumduma'ŋbʌnmij maŋba ŋguiʌme'tzatʌjtamu tiyʌta'm mis ndzʌctamu yʌy najsacopajcʌsi.