San Juan 4:53 - Zoque Copainalá New Testament

⁵³ Pijche'ctij ñʌctʌ'yu te' co'aŋgui'moye's que te'še'ŋ horate' nʌmu te' Jesús: Mis une tzocpa. Y wʌ'aŋja'moyu ñe'cʌ, y mumu ñe' tyʌjcoyjtya'mbʌ.

San Juan 4:53 ပူးပေါင်းရင်းမြစ်များ

San Mateo 8:13

Pijche'ca Jesujsis ñʌjayu te' capitán: Mawʌ y nwʌ'aŋjamušejmis te'šej maŋba tyujcu. Pijche'ctij tzojcu te' quioyosa.

San Lucas 19:9

Jesujsis ñʌjayu: Išo'oyj cotzoquiaju yʌ' tʌjcoyjtya'mbʌ. Yʌ' pʌn Abraha'ŋisyʌ' wyinboya.

San Juan 4:51

Y nʌwa' wyanajcu'c tyʌjcaŋʌ, minu choŋyaju quioyospawʌ's, y ñʌjayaju: Mis une tzocwa'a.

San Juan 4:52

Pijche'ca ñe'cʌ's quiʌ'aŋwa'quiaju tiyʌ hora tzojcu, y ñʌjayaju: Tʌ'ʌc, la unaše'ŋoyj chajcu pijcʌ's.

Hechos 11:14

Y te'wʌ'smij minba ñchamjayupʌ tzamepit maŋbamij ŋguiotzojcu mij, y mumu mis ndʌjcoyjtya'mbʌ.

Hechos 16:15

Y nʌ'yʌyu'ca fyamiliaji'ŋ wa'cjayutʌj y nʌmu: Juca aŋjamdambamis que wiyuŋše'ʌs nwʌ'aŋjamba tʌ Ngomi, minʌ jejtamʌ ʌs ndʌjcaŋʌ. Y ojquita'utʌj wa'ytyʌj ndzʌ'yu tey.

Hechos 16:34

Y ñʌmaŋyaju tyʌjcaŋʌ y chi'yaju cu'tcuy. Y ñʌ'omu fyamiliaji'ŋducu porque wyʌ'aŋjamu Dios.

Hechos 18:8

Y te' Crispo, te' windʌc-cowi'na's wyʌ'aŋjamjayu tʌ Ngomi fyamiliaji'ŋducu. Te'šejtijque' wʌwʌ pʌn Corinto'ojmota'mbʌ's nʌ inʌc quiʌmato'ŋʌyaju y wyʌ'aŋjamyaju, y nʌ inʌc ñʌ'yʌyaju.

Hechos 2:39

Porque mijte' ñchamdzi'ʌtʌjtamu, y mista'm une, y mumu jujche'ŋ ya'ay ijtyajupʌ, y mumu jujche'ŋ wyejpapʌ tʌ Ngomi Diojsis.