San Juan 4:48 - Zoque Copainalá New Testament

⁴⁸ Pijche'ca ñʌjayu Jesujsis: Juca ja'nmis ŋguendame señal y isaŋwʌ'ajcuy, ja'nmij nwyʌ'aŋja'moytyame.

San Juan 4:48 ပူးပေါင်းရင်းမြစ်များ

San Mateo 16:1

Quiʌnu'cʌyaju Jesús te' fariseo's y te' saduceo'sta'm wa'ytyij 'yoc'išaju. Y wya'cjayaju wa'y yajqueñaju isaŋwʌ'ajcuy jujcha' señal que ñe'cʌ Diojsiste' quiʌ'wejupʌ tzajpojmoc.

San Mateo 24:24

Porque maŋba chu'cumyaju chʌquichʌquita'mbʌ Cristo y tza'maŋwa'oyeta'm. Y maŋba chʌquiaju maya'aŋda'mbʌ tiyʌ y isaŋwʌ'ajcuy wa'y 'yaŋgoma'cʌyaju hasta te' Diojsis quiopiwita'm, juca inʌc pya'tyajpa jutz.

San Mateo 27:42

Eyata'mbʌ yajcotzojcu y ñe' wyin ja'n musi yajcotzojcu. Juca tʌsʌ' Rey, Israel-pʌ'nista'mñe', yajwanacʌ yʌtij te' cruzcʌsi, y maŋbatʌs nwʌ'aŋjamu ñe'cʌ.

San Marcos 13:22

Porque maŋba chu'cumyaju chʌquichʌquita'mbʌ Cristo y tza'maŋwa'oyeta'm. Y maŋba chʌquiaju maya'aŋda'mbʌ tiyʌ y isaŋwʌ'ajcuy wa'y 'yaŋgoma'cʌyaju hasta te' Diojsis quiopiwita'm, juca inʌc pya'tyajpa jutz.

San Lucas 10:18

Y Jesujsis ñʌjayaju: Ʌs ŋguenu'ʌs Satanás, jujcha' ne'mgʌ' nʌ quiunu'c tzajpojmoc.

San Lucas 16:31

Pero Abraha'ŋis ñʌjayu: Juca ja'n myato'ŋoyjayay Moisejsis tyotojaye y te' tza'maŋwa'oye'sta'mñe', ja'n maŋu wyʌ'aŋjamyaju ñempe winsa'ʌ iwʌjutiwʌ ca'yajupʌ'ojmoc.

San Juan 12:37

Ñempe chʌjcu Jesujsis sone isaŋwʌ'ajcuy ñe'ta'm wyi'naŋdʌjqui jawyʌ'aŋjamya.

San Juan 15:24

Juca inʌjcʌs jañchʌcʌ maya'aŋda'mbʌ isaŋwʌ'ajcuy ñe'co'mota'm ya'iwʌ'smaj jachʌctʌ'ʌpʌ, ja'ndiyʌta'm inʌc quiowa. Pero te'šejta'mbʌ tiyʌpit queñajwa'mʌj ʌj y quienjayajque'tu ʌs Ndataj y qui'nišajpatʌj mejtzji'ŋ.

San Juan 2:18

Y 'yaŋdzoŋyaju judio'sta'm y nʌmyaju: ¿Tiyʌpi'tandʌj nyajquenba que ijtumis aŋgui'mʌtʌjcuy wa'mis yʌšej ndzʌjcu?

San Juan 20:29

Y Jesujsis ñʌjayu: Nguenu'ŋmʌjcʌmisʌj nwʌ'aŋjamumis Tomás. Dichoso jaquieñapʌ'sʌj y wʌ'aŋjamyaju'ʌj.

San Juan 4:49

Te' re'yis quio'aŋgui'moye's ñʌjayu: Nʌcje'csʌyja Señor, antes que ca'pa ʌs une.

Hechos 14:3

Ñempe yʌ'šej chʌquiatʌju, tzʌ'yaju tey sone aŋsʌŋ, y jana na'chcuy inʌc quiotzamjayajpa, y wyʌ'aŋjamyajpa inʌc pʌ'nista'm tʌ Ngomi. Y ñe'cʌ's yajquejpa inʌc yajya'moquiuy te' atzi'sta'm chamepit, porque yʌ'ta'mbʌ's quiʌ'pit nʌ inʌc chʌjcu Diojsis isaŋwʌ'ajcuy y señalta'm.

Hechos 15:12

Pijche'ca mumu te' tu'mʌyajuše'ŋ numumgʌñe'quiaju. Y quiʌmato'ŋʌyajque'tu te' Bernabé y te' Pablo, nʌ'c chamyaju jutz maya'aŋda'mbʌ tiyʌ y isaŋwʌ'ajcuy chʌjcupʌ Diojsis ñe'cʌpitta'm te' genti'lojmo.

Hechos 2:19

Y maŋba'ʌs nyajqueju isaŋwʌ'ajcuy tzajpojmo, Y señalta'm yʌy najsacopajcʌsi, nʌ'pin y jucʌtʌc y jocoj yososcʌ'.

Hechos 2:22

Israel-pʌnda'm, matoŋdamʌ yʌ'šejta'mbʌ tzame: Yʌ' Nazarejtojmopʌ Jesús quiojtu Diojsis cosujupʌ pʌn mi'ojmota'm. Y yajqueju que cosujupʌte' maya'aŋda'mbʌ chʌquipit, isaŋwʌ'ajcupyit y señalpitta'm. Diojsis chʌjcu yʌ'šejta'mbʌ tiyʌ mi'ojmota'm Jesuspit, mustambaše'amis.

Hechos 2:43

Y mumu pʌn inʌc nʌ ña'tzu. Y chʌquiaju te' cʌ'we'ista'm sone maya'aŋda'mbʌ tiyʌ y isaŋwʌ'ajcuy jujcha' señal.

Hechos 4:30

Y cota ŋgʌ' pʌngʌsita'm wa'y choquiaju ca'eta'mbʌ, wa'y tyujcu isaŋwʌ'ajcuy y maya'aŋda'mbʌ tiyʌ mis masanbʌ Une Jesujsis ñʌquiʌsi.

Hechos 5:12

Y chʌjcu Diojsis soneta'mbʌ isaŋwʌ'ajcuy y señal te' cumgu'yojmo te' cʌ'we'ista'm quiʌ'pit. Y mumu inʌc tu'mʌyajpa te' Salomo'ŋis šetzecʌsi tumo'pyʌ quipsoquiuyji'ŋ.

Hechos 6:8

Y jyo'ʌyu Diojsis yajya'moquiu'yis y pyʌmi's te' Esteban, te'cotoya chʌcpa inʌc maya'aŋda'mbʌ tiyʌ y isaŋwʌ'ajcuy te' pʌ'nojmota'm.

Hechos 7:36

Yʌ' Moisejsis ñʌpujtyaju, chʌjcu'ca maya'aŋda'mbʌ tiyʌ y señalta'm te' Egipto'ojmo, y te' Tzapaspʌ Ma'rojmo. Y te'šejtij chʌjque'tu ja'itʌnʌmʌmʌy wʌstʌjqui's ameše'ŋoyj.

Romanos 15:19

maya'aŋda'mbʌ señalpit, y isaŋwʌ'ajcupyit te' Diojsis 'Yespiritu's pyʌmipit. Te'šej jeque ndzamgopuŋwa'mʌs te' Cristo's 'yevangelio mumu luga'royj. Nʌcʌtzo'tzu'ʌs Jerusalén y ŋgʌwitu'u'ʌs eyata'mbʌ nas hasta nu'cu'ʌj Ilirico-najsojmo.

1 Corintios 1:22

Porque wya'quiajpa isaŋwʌ'ajcuy jujcha' señal te' judio'sta'm, y mye'chajpa mujsoquiuy te' griego'sta'm.

2 Corintios 12:12

Yojsu'ʌj mi'ojmota'm mbacienciapit. Y ndzʌcwa'mʌs Diojsis pyʌmipit señalta'm, isaŋwʌ'ajcuy y maya'aŋda'mbʌ tiyʌ. Yʌ'šejta'mbʌ tiyʌpit yajqueju Diojsis que ʌj, cʌ'we'ʌjyʌ'.

2 Tesalonicenses 2:9

Minba'cande' te' nimeque yajcowapa'topyapʌ pʌn, maŋba chʌjcu maya'aŋda'mbʌ tiyʌ, y sujchajpapʌ señal y isaŋwʌ'ajcuytya'm Satanajsis pyʌmipit.

Hebreos 2:4

Y Diojsis yajquendaŋgue'tutʌ que wiyuŋdzamyaju chʌquiaju'c señalta'm, maya'aŋda'mbʌ tiyʌ y wi'ni eyata'mbʌ isaŋwʌ'ajcuy Diojsis pyʌmipit. Y quejque'tu chi'yatʌju'c te' Espíritu Santo ñe'cʌ's šunušej.