San Juan 4:36 - Zoque Copainalá New Testament

³⁶ Iwʌ's wyoctu'mʌpya te' tʌm, maŋba quioyojyaju. Y jujche'ŋ ñe'cʌ's wyoctu'mʌyajpapʌ y wʌ'aŋjamyajpa'ʌj maŋba pya'tyaju ja'n yayepʌ quenguy, wa'y tumʌ'ajcu'yoyj 'yomdzocopyaquiaju te' ñipyajpapʌ's y wyoctu'mʌyajpapʌ's.

San Juan 4:36 ပူးပေါင်းရင်းမြစ်များ

San Mateo 19:29

Y iwʌ's chacpa tyʌc, 'yatzi, quiose, pyotzo, tyataj, ñanaj, yomo, 'yuneta'm, o ñas wa'y yojsu ʌs nʌquiʌsi, te'wʌ's maŋba pyʌjcʌchoŋu mojsi's naca te'še'ŋ, y te'šejtijque' te' ja'n yayepʌ quenguy.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

Romanos 1:13

Pero sunba'ʌs, atzita'm, wa'mis mustamu que sone naca'mʌsmij sunjo'yu ŋgʌ'mindamʌ, pero siempre itpa tiyʌ'sʌj wa'y yajtzʌ'yu. Sunba'ʌj minu wa'yʌs nyajwʌ'aŋjamyaju eyata'mbʌ mi'ojmota'm wʌ'aŋja'moyajušej eyata'mbʌ genti'lojmo.

Romanos 2:7

Ñe'cʌ's maŋba chi'yaju ja'n yayepʌ quenguy iwʌ'sta'mis chʌcjojcʌtʌcpa oyeta'mbʌ tzʌqui, y te'wʌpit mye'chajpa wa'y pyʌjcʌchoŋyaju ñe' pyarte Diojsis myʌja'ŋajcu'yojmo, wyʌcotzamgu'yojmo y quienjojcʌtʌjcu'yojmo.

Romanos 6:22

Pero yʌtij ŋguiotzoctamumij te' cowa'ojmoc, y quioyosašejmij ñʌ'ittamba Diojsis. Nʌwʌ'ajtamumis porque te'wʌ'smij nyajmasa'najtamba, y ñe'cʌpit mba'ttambamis ja'n yayepʌ quenguy.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

1 Corintios 9:17

Pero juca ne' su'noquiupyit ʌs ndzamgopuŋba, mbʌjcʌchoŋba'ʌs ŋgoyowa. Pero juca ja'nʌs ndzamgopuwi ne' su'noquiupyit, cotjayajwa'mʌjte' y pyʌcpa wa'yʌs ndzamgopuŋu.

1 Corintios 9:18

¿Tiya'sʌ'ŋde' jeque ʌs ŋgoyowa juca ja'nde' wa'yʌs coyowataca ndzamgopuŋu te' Cristo's 'yevangelio? Y te'šej ja'ʌsmij nwa'cjaytyame yajtiyʌ te' evangeliopit, ñempe'ʌs inʌc muspa nwa'cu.

1 Tesalonicenses 2:19

Mijpitta'm njo'cpatʌs tiyʌ'iwʌ y maŋbatʌj omdzocopyajcu, y maŋbatʌs nwʌcotzamu nwin Ngomi Jesucristo's wyi'naŋdʌjqui, minba'ca.

1 Timoteo 4:16

Coquena cuenta ne' nwin y te' aŋma'yoquiuy, y uy ca'ŋdzaque te'šejta'mbʌ tiyʌ. Juca yʌ'šej mis ndzʌcpa, nyajcotzocpamis ne' nwin y iwʌ'sta'mismij ŋguiʌmato'ŋʌyajpa.