San Juan 4:34 - Zoque Copainalá New Testament

³⁴ Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 4:34 ပူးပေါင်းရင်းမြစ်များ

San Mateo 26:39

Y ma'ŋa'ŋʌyu uša'ŋ y mucscʌne'cu wyinnacapit. 'Yoto'ŋʌyu Tyata Dios y nʌmu: Tatay, yʌ' toya maŋbapʌ'ʌs nʌcʌtʌjcupʌ, juca oye wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

San Mateo 3:15

Pijche'ca Jesujsis 'yaŋdzoŋu: Yajnʌ'yʌ'ʌj. Yʌ'šej pyʌcpa wa'ytyʌ ndzʌcta'nu chamušej Diojsis. Pijche'ca yajnʌ'yʌyu Jua'ŋis.

San Mateo 9:19

Tzu'cumu Jesús y quiʌ'maŋu, y maŋyajque'tu te' quiʌ'aŋmayeta'm.

San Lucas 15:10

Te'še'ʌsmij ndzamjaytyamba que maŋba ñʌ'omyajque'tu Diojsis 'yangelejsis cuando quipswitu'pa'c tumʌ cowatzʌquipʌ pʌn.

San Lucas 19:10

Porque ʌs, te' Pʌ'nis 'Yune's, minu'ʌs me'tzu wa'yʌs nyajcotzojcu te' tocoyajupʌ.

San Lucas 2:49

Pijche'ca Jesujsis ñʌjayaju: ¿Tiya'a? ¿Tiyajca'mʌjte' me'tztamba? ¿Ja'nja mustame que ʌs Ndata's yoscu'yojmo pyʌcpa wa'yʌj ijtu?

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 19:28

Pijche'ca Jesujsis ñʌctʌ'yu que chʌcta'nbʌ'wa'a ñe' yoscuy najsacopajcʌsi, y wa'y tyujcu te' chambašej te' Totojaye's, pijche'ca nʌmu: Yoctʌtzpa'ʌj.

San Juan 19:30

Y myu'cu'ctij Jesujsis te' vinagre, nʌmu: Ndzʌcta'nbʌ'wa'mʌs nyoscuy. Pijche'c yajmujquejcu quiopac y chi'oquia'u 'yespiritu Dioscʌsi, y ca'u.

San Juan 4:32

Pero ñe'cʌ'stʌj nʌjayu: Ʌs ijtu ʌs ŋgu'tcuy ŋgu'tpapʌ'ʌs, pero ja'nmis mustamepʌ mis.

San Juan 5:30

Ʌs ja'ʌs musi ndzʌjcu yajtiyʌ ne'cʌtij. Tzamjapyaše'ʌj Ndata's ŋgʌme'chajpa'ʌs pʌnda'm. Y ʌs, wiyuŋbʌ tiyʌpi'tʌs ŋgʌme'chajpa, porque ja'ʌs me'tze ne' su'noquiuy, sino que wa'yʌs ndzʌjcu šunbašej ʌs Ndata Diojsis, porque ñe'cʌ'sʌjyʌ' cʌ'weju.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 6:33

Porque te' pan šajpapʌ Ndata Diojsis, te'wʌte' wanajcupʌ tzajpojmoc, y ñe'cʌ'ste' maŋba chi'yaju quenguy te' najsacopajcʌsita'mbʌ pʌn.

San Juan 6:38

Porque wanajcu'ʌj tzajpojmoc, ja'n wa'yʌs ndzʌjcu ne' su'noquiuy, sino que wa'yʌs ndzʌjcu šunbašej te' cʌ'wejupʌ'sʌj.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

Hechos 20:35

Mumutiyʌcʌsi'amʌsmij aŋmaytyamu jutztʌ wa'y nyojsu y pyʌcpapʌte' wa'ytyʌ ŋgotzoŋyaju quieñajpapʌ's yacsnu'ajcuy, y uytyʌ njambʌ'jayu Ngomi Jesujsis chame, nʌmu'c: Mastʌ dichoso'ajpa wa'ytyʌ saju y ja'n wa'ytyʌj tʌj tzi'yaju.

Hebreos 12:2

uytyʌ ŋguendocoytyamu Jesús quiojtupʌ's te' wʌ'aŋja'moquiuy tʌta'm ndzoco'yojmo. Ñe'cʌ'stʌ maŋba yajwʌ'aŋjamjojcʌtʌjcu. Jañʌctza'a'ʌ wa'y yajca'yaju cruzcʌsi porque myujsu que jʌsa'ca maŋba inʌc 'yomdzocopyajcu. Y yʌtij pocspajcu Diojsis chʌ'na'ŋoyj nimeque'ctijpʌ mʌja'ŋajcu'yojmo.