San Juan 4:21 - Zoque Copainalá New Testament

²¹ Ñʌjayu Jesujsis: Wʌ'aŋjamʌ tiyʌ'ʌsmij ndzamjapya. Maŋba ñu'cu te' aŋsʌŋ cuando ja'namij mindame yʌ' pu'mnacʌsi ni ja'namij myaŋdame Jerusale'ŋojmo wa'mis ŋgʌna'tzʌytyamu tʌ Ndata Dios.

San Juan 4:21 ပူးပေါင်းရင်းမြစ်များ

San Mateo 18:20

Porque jutimʌy tu'mʌyajpa metza o tuca'y ʌs nʌquiʌsi, te'yʌj maŋba ijtu ñe'cʌji'ŋda'm, nʌmu Jesús.

San Mateo 28:19

Te'cotoya maŋdamʌ, ma aŋmaytyamʌ mumu nacio'ŋojmota'mbʌ pʌn wa'yʌj co'ŋyaju jujcha' Maestro. Yajnʌ'yʌ'oytyamʌ te' Tata Diojsis ñʌquiʌsi, y ʌj, te' 'Yune's ñʌquiʌsi, y te' Espíritu Santo's ñʌquiʌsi.

San Lucas 21:24

Y maŋba yajca'yatʌju espadapit y maŋba ñʌmaŋyatʌju jujcha' preso mumu nacio'ŋojmo. Maŋba myaŋdochʌquiaju Jerusalén te' genti'lista'm hasta que ta'nba te' aŋsʌŋ genti'lista'mñe'.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 16:2

Maŋbamij myacputʌtʌjtamu judio'sta'm wyindʌjcojmoc. Y maŋba minu aŋsʌŋ maŋba quiomʌ'yaju'c que nʌ quiʌna'tzʌyaju Dios iwʌ'smij yajca'ʌtʌjtamba.

San Juan 16:32

Yʌtij jeque nʌ ñu'cu te' hora, y ta'nwa'nde' aŋsʌŋ wa'mij ñdyitpejpʌ'tamu. Y maŋba pyʌjcu tumduma'ŋbʌ'nis ñe' tyuŋ, y maŋbamisʌj ndzactamu naytyumʌ. Pero ja'nʌjyʌ' naytyumʌpʌ, porque ʌji'ŋ ijtu ʌs Ndataj.

San Juan 4:23

Minba te' aŋsʌŋ y tzo'tzuwa'a wa'y quiʌna'tzʌyjayaju tʌ Ndata Dios, te' wiyuŋšejta'mbʌ cʌna'tzʌ'oye's, espiritupit y wiyuŋdzocopyʌ cʌna'tzʌ'oquiupyit cʌna'tzʌ'oyajpa. Diojsis šunba te'šejta'mbʌ cʌna'tzʌ'oye.

San Juan 5:25

Wiyuŋše'ʌsmij nwiyuŋdzamjaytyamba: Maŋba minu te' aŋsʌŋ, y tzo'tzuwa'nde' wa'y quiʌmato'ŋʌyjayaju ʌs otowe te' ca'uwʌšej ijtyajupʌ's quiowa'ojmo, porque ʌjte' te' Diojsis 'Yune. Y iwʌ'sʌj cʌmato'ŋʌyajpa ʌj, maŋba pya'tyaju iscuy-quenguy.

San Juan 5:28

Uy nʌmaya'tame yʌ'šejta'mbʌ tiyʌ. Porque maŋba minu te' aŋsʌŋ maŋba'ca quiʌmato'ŋʌyjayaju ʌs otowe mumu tza'tʌjcojmo ijtyajupʌ ca'uwʌ's.

Hechos 6:14

Nʌtʌs inʌc matoŋu nʌ'c ñʌmu que maŋba jyu'mbʌ'u yʌ' templo te' Nazarejtojmopʌ Jesujsis, y que maŋba quiacpʌ'u te' costumbreta'm Moisejsistʌ tzi'yajupʌ.

Efesios 2:18

Ijtu sʌ'mnaquiuy tʌcotoyata'm porque Cristo's te' ñe' 'Yespiritu Santopit nʌtʌjcʌytyambatʌ, tʌj y mijta'm, Diojsis wyi'naŋdʌjqui.

Efesios 3:14

Njamwʌtzʌcpa'cʌs te' Diojsis quipsušej y chʌjcota'nušej Cristopit, cujnapya'ʌj tʌ Ngomi Jesucristo's Tyata's wyi'naŋdʌjqui wa'yʌs oto'ŋʌyu mijcotoyata'm.

1 Timoteo 2:8

Sunba'ʌs jeque wa'y 'yoto'ŋʌyaju Dios te' pʌ'nista'm mumu Diojsis tyu'mʌquiu'yojmo. Cowajupʌ tzocopyit yajpacsqui'mya quiʌ' Diojsis wyi'naŋdʌjqui. Uy quipšaju quipcuy ni qui'šca'cuy.

1 Pedro 1:17

Te' cʌme'tzopyapʌ Diojsis wyi'naŋdʌjqui tu'mbactij mumu pʌn maŋba'ca quiʌme'chaju tiyʌta'm chʌquiaju yʌy najsacopajcʌsi. Y como nʌjaytyambamis yʌ' Dios: Tʌsmijte' Ndataj, pyʌcpa wa'mij na'tzina'tzic ñdyu'ŋajtamu ñe' wyi'naŋdʌjqui yʌy najsacopajcʌsi.

El Apocalipsis 21:22

Y tey jaŋguiena'ʌs templo porque tʌ Ngomi Dios, muspapʌ's chʌjcu mumutiyʌ, y te' Ñchowambe Jesucristo, ñe'cʌta'mde' te' templo.