San Juan 4:10 - Zoque Copainalá New Testament

¹⁰ 'Yaŋdzoŋu Jesujsis: Ja'nmis ispʌcjay te' Diojsis yajya'moquiuy. Ja'nmis ispʌqui iwʌ'smijte' nʌ wya'cjayu nʌ'. Juca inʌc misʌj ispʌcpa mis inʌc nwa'cpa ʌjcʌsi, y ʌsmij inʌc ndzi'pa nʌ' šajpapʌ's quenguy.

San Juan 4:10 ပူးပေါင်းရင်းမြစ်များ

San Lucas 11:13

Mijta'm, yatzita'mbʌ mbyʌnmijyʌ'. Y juca muspamis ndzi'tamu oyeta'mbʌ tiyʌ mista'm une, ¿cuantimastya'a tzajpojmo ijtupʌ mis Ndata Diojsis maŋbamij ñchi'tamu te' Espíritu Santo juca nwa'cjaytyambamis?

San Juan 16:3

Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 6:35

Y ñʌjayaju Jesujsis: Ʌjte' te' pan šajpapʌ's iscuy-quenguy mumu pʌngotoya. Iwʌ'sʌj cʌ'minba ʌj ja'na yu'que'temaj. Y iwʌ'sʌj wʌ'aŋjamba ʌj, ja'na yoctʌtzque'temaj.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

Hechos 9:11

Y ñʌjayu tʌ Ngomi's: Tzu'cumʌ, y pʌcʌ te' jojtuŋ ñʌjayajpapʌ Wiyuŋbʌ, y me'tza te' Judajsis tyʌjcaŋʌ tumʌ pʌn ñʌjayajpapʌ Saulo, Tarso-cumgu'yojmopʌ. Porque teymʌ nʌ 'yoto'ŋʌyu Dios,

Romanos 8:32

Te' jatyo'ya'ŋʌpʌ's ni te' ñe' 'Yune, sino que chi'oquia'u mumu tʌcotoyata'm, ¿ja'nsʌ'ŋdʌ tzi'taŋgue'te ñe'cʌji'ŋ mumutiyʌ? Tzi'wa'ndʌ.

1 Corintios 1:30

Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi.

1 Corintios 10:4

Y myuma'ŋgʌ'y 'yuquiaju tumo'pyʌ ujcuy chi'yajupʌ Diojsis, porque 'yuquiajpa inʌc te' ujcuy te' Diojsis chi'yajupʌ tza'ojmoc, te' quio'ŋyajpapʌ's inʌc. Y te' tza', Cristote'.

2 Corintios 9:15

Te' aŋba'tepʌ y jana tza'maŋbʌ Diojsis yajya'moquiuquiotoya: Yʌscotoya Dios.

Efesios 2:8

Porque Diojsismij nyajcotzoctamu ñe' yajya'moquiupyit, y mista'm mbʌjcʌchoŋdamumis yʌ'šejpʌ cotzojcuy nwʌ'aŋja'moquiupyit. Y ja'nmis musi nyajcotzoctamu ne' nwin sino que Diojsistijtʌte' maŋba saŋdzi'tamu tʌta'm ŋgotzojcuy.

Hebreos 6:4

Porque iwʌta'm šʌ'ŋgʌtzʌcjayajwa'a Diojsis, pyʌjcʌchoŋyaju ñe'cʌ's chi'yajupʌ tiyʌ, y quiotzoŋyaju Espíritu Santo's.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

El Apocalipsis 21:6

Y nʌjaquie'tu'ʌj: Yʌtij njomecotzʌcpʌ'wa'mʌs. Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y nʌ yoctʌjtzupʌ coyowataca'ʌs maŋba nyajnʌ'to'ŋu te' wombamʌy nʌ', te' yospapʌ ja'n yayepʌ quenguquiotoya.

El Apocalipsis 22:17

Y te' Espíritu Santo's y te' Ñchowambe's yomo's nʌ ñʌjayaju tumduma'ŋbʌn: Minʌ. Y iwʌ's myatoŋba yʌ' we'oquiuy, yajwejque'ta eyapʌ tyʌwʌ. Y iwʌ yoctʌtzpa, yajcʌ'minʌ Jesús. Y iwʌ's šunba, minʌ yajto'ŋa coyowataca te' nʌ' yospapʌ ja'n yayepʌ quenguquiotoya.

El Apocalipsis 7:17

porque te' Ñchowambe Jesucristo te' Diojsis 'yaŋgui'mʌtʌjcuy-pyocscu'yis wyi'naŋdʌjqui ijtupʌ, te'wʌ's maŋba quioqueñaju y ñʌmaŋyaju wombamʌy nʌ' yospapʌ ja'n yayepʌ quenguquiotoya. Pijche'c maŋba tyʌjtzu mumu pʌ'nis wyitʌm-nʌ'.