San Juan 3:6 - Zoque Copainalá New Testament

⁶ Sispit pʌ'najupʌ, siste'. Y Espiritupit pʌ'najupʌ, espiritute'.

San Juan 3:6 ပူးပေါင်းရင်းမြစ်များ

San Juan 1:13

Y yʌ'ta'mbʌ pyʌjcʌchoŋyajpa 'yunešej ja'nde' te' yomoji'ŋbʌ pʌnjojmequepit, ni sijsis šu'noquiupyit, sino que Diojsis šu'noquiupyit.

San Juan 3:7

Uy nʌmaya'e nʌjayu'ŋmʌjcʌ'ʌsmij, ijtupʌte' pyena wa'mij mbyʌ'najwʌtzʌctamu.

Romanos 7:18

Y muspa'ʌs que ʌ'ojmo, sunba'ʌjte' nʌmu ʌs yatzipʌ nwi'nojmo, ja'ndiyʌ oyepʌ tiyʌ. Porque sunjo'pya'ʌs ndzʌjcu oyeta'mbʌ tiyʌ, pero ja'ʌs ŋgʌpa'te wa'yʌs ndzʌjcu.

Romanos 7:25

Nʌjapya'ʌs Dios yʌscotoya tʌta'm Ngomi Jesucristopit, ñe'cʌ'sʌj yajquipcoschi'pa. Te'cotoya yʌtij nʌctʌ'yoquiupyit mato'ŋoyjapya'ʌs Diojsis 'yaŋgui'mguy, pero ʌs pecapʌ ŋgüerpopit mato'ŋoyjapya'ʌs tiyʌ šunba te' cowa's.

Romanos 7:5

Te' pecapʌ nwi'nis šu'noquiu'yojmomajtʌ ittamu'c, te' aŋgui'mgu'yis inʌc chʌcje'csjapya tʌ nyatzipʌ su'noquiuy. Y tʌ nyatzipʌ su'noquiuy ndzʌcpatʌ inʌc tʌ ŋgüerpo's tyiyʌjanatiyʌpit, y te'cotoya maŋbatʌ inʌc ŋga'tamu.

Romanos 8:13

Juca mato'ŋoyjapyamis te' pecapʌ nwi'nis šu'noquiuy, maŋbamij ŋguia'tamu. Pero juca te' Espiritupit mis nyajʌcʌ'tamba te' yatzipʌ nwi'nis chʌqui, maŋbamij ŋguiendamu.

1 Corintios 6:17

Pero iwʌ tumʌtzʌcpa tʌ Ngomiji'ŋ, tumo'pyʌ espiritu'ajpa ñe'cʌji'ŋ.

2 Corintios 5:17

Te'cotoya jeque, iwʌ ijtu Cristo'ojmo jomecotzʌjcupa'nde'. Te' pecata'mbʌ tiyʌ chacwa'a, y yʌtij muma' jomecotzʌjcu.

Gálatas 5:24

Porque jujche'ŋ Cristo'sañe'ta'm, mya'mʌyajwa'a cruzcʌsi te' yatzipʌ wyin y te' ja'n 'yoyeta'mbʌ šu'noquiuy.

Efesios 2:3

Te'šejtijque' tʌta'm wina wittambatʌ inʌc ñe'cʌji'ŋda'm. Y janwyʌ'aŋja'moytyamʌ'cmajtʌ, ndzʌctambatʌ inʌc ne'ta'm yatzipʌ nwi'nis šu'noquiuy y ŋgo'ŋdambatʌ inʌc ne' ŋguipsoquiuy šunbašej inʌc tʌ ne' ndzoco'yis. Y como ndzʌctambatʌ inʌc te'šejta'mbʌ tiyʌ, Diojsistʌ maŋba inʌc yajnʌco'aŋgʌyu jujcha' wiyuŋšej maŋbamaj yajnʌco'aŋgʌyaju te' te'šej chʌcjojcʌtʌquiajpapʌ's.

Colosenses 2:11

Cuando ñdyumʌtzʌctamu'cmij Cristoji'ŋ, mbʌjcʌchoŋdamumis te' wiyuŋšejpʌ circuncidatzʌjcuy y ja'n te' wina inʌc chʌquiajpapʌ pʌ'nista'm quiʌ'pit, porque ndzactamwa'mis mista'm ne' nwi'nis yatzi šu'noquiuy wa'mis ŋgo'ŋdamu Cristo.

1 Juan 3:9

Mumu jujche'ŋ Diojsisa 'yuneta'm, ja'n quiowapa'tjojcʌtʌquiay, porque Diojsis quiotjayajwa'a choco'yojmo jomepʌ quenguy. Te'ta'mbʌ ja'na musi quiowapa'tyaju porque Diojsisande' 'yuneta'm.