San Juan 3:5 - Zoque Copainalá New Testament

⁵ Aŋdzoŋu Jesús: Wiyuŋše'ʌsmij nwiyuŋdzamjapya, iwʌ ja'n pyʌ'nay nʌ'pit y Espiritupit ja'n musi tyʌjcʌyu wa'y 'yaŋgui'mu Diojsis.

San Juan 3:5 ပူးပေါင်းရင်းမြစ်များ

San Mateo 18:3

y nʌmu: Wiyuŋše'ʌsmij ndzamjaytyamba: Pyʌcpa wa'y quiacpʌ'u mista'm ŋguipsoquiuy. Juca ja'ne, ja'nmij maŋu ñdyʌjcʌytyamu aŋgui'mbamʌy te' tzajpojmo ijtupʌ Dios.

San Mateo 19:24

Ʌsmij nʌjaytyamba que más mawʌcʌtʌcpa te' camello acuša-wo'ojmo que ja'n wa'y tyʌjcʌyaju itʌpa'tyajupʌ aŋgui'mbamʌy Dios.

San Mateo 21:31

¿Tiya' ndzamdamba, jutiwʌ'sasʌ'ŋ chʌcjayu tyata's šunušej? Te' fariseo-cowi'na'sta'm y tzamupʌndʌcwa'yis 'yaŋdzoŋyaju: Te' wyina'aŋgui'mupʌ 'yune. Ñʌjayaju Jesujsis: Wiyuŋše'ʌsmij ndzamjaytyamba que te' tze'coyajpapʌ y malejyomota'm nʌ wyinatʌjcʌyaju aŋgui'mbamʌy Dios que ja'n mijta'm.

San Mateo 28:19

Te'cotoya maŋdamʌ, ma aŋmaytyamʌ mumu nacio'ŋojmota'mbʌ pʌn wa'yʌj co'ŋyaju jujcha' Maestro. Yajnʌ'yʌ'oytyamʌ te' Tata Diojsis ñʌquiʌsi, y ʌj, te' 'Yune's ñʌquiʌsi, y te' Espíritu Santo's ñʌquiʌsi.

San Mateo 3:11

Wiyuŋšej nʌ'ʌsmij nyajnʌ'yʌytyamu nʌ'pit wa'mij ŋguipswitu'tamu. Pero ʌs ucaŋgʌ'mʌc nʌ minu más mʌja'ŋbʌ que ja'n ʌj. Y myasa'najcupyit ja'n pyʌqui ni wa'yʌs nʌmaŋjayu wyacasnaca. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Mateo 5:20

Porque ʌsmij nʌjaytyamba que juca ja'nmij más njyustota'm que ja'nde' te' aŋgui'mguy-tyayu, y que ja'nde' fariseota'm, ja'nmij maŋu ñdyʌjcʌytyamu aŋgui'mbamʌy te' tzajpojmopʌ Dios.

San Marcos 10:14

Y quienu te'šej Jesujsis, jawyʌmʌ'yʌ y ñʌjayaju te' quiʌ'aŋmaye: Tzactamʌ te' uneta'm wa'y miñaju ʌ'aŋi. Uy yajwinductame porque yʌ'šejta'mbʌte' maŋba tyʌjcʌyaju aŋgui'mopyamʌy Dios.

San Marcos 16:16

Iwʌ's wyʌ'aŋjamba, y pyʌjcʌchoŋba ñʌ'yʌ'oquiuy, te'wʌte' cotzocpa. Pero te' ja'n wyʌ'aŋjamepʌ's, te'wʌ jyajcʌyajuwa'nde' quiowa.

San Marcos 9:47

Y juca mis nwitʌ'mismij nyajcowapa'tpa, potztonbutʌ. Más oye tu'maŋdo'tiwʌ wa'mij ñdyʌjcʌyu te' aŋgui'mbamʌy Dios, que ja'nde' metzapʌ nwitʌmji'ŋ wa'mij ñdyʌŋdʌjcʌyaju te' infierno'ojmo,

San Lucas 13:24

Tzʌcme'tztamʌ wa'mij ñdyʌjcʌytyamu te' penapittʌ tʌjcʌpyamʌy, porque ʌsmij nʌjaytyamba que wʌwʌ pʌ'nis maŋba chʌcme'chaju wa'y tyʌjcʌyaju y ja'n maŋu pya'tyaju tyʌjcʌquiuy.

San Lucas 13:3

Ʌsmij nʌjaytyamba que ja'ne. Pero mijta'm, juca ja'nmij ŋguipswitu'tame, te'šejmij tu'mbac maŋba ñdyocoytyamu mumu.

San Lucas 13:5

Ʌsmij nʌjaytyamba que ja'ne. Pero mijta'm, juca ja'nmij ŋguipswitu'tame, te'šejmij tu'mbac maŋba ñdyocoytyamu mumu.

San Juan 1:13

Y yʌ'ta'mbʌ pyʌjcʌchoŋyajpa 'yunešej ja'nde' te' yomoji'ŋbʌ pʌnjojmequepit, ni sijsis šu'noquiupyit, sino que Diojsis šu'noquiupyit.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 3:4

Quiʌ'aŋwa'cu Nicodemo's: ¿Jutza' muspa pyʌ'najwʌtzʌjcu te' pʌn, tzamupʌ'nʌ'ca? ¿Muspasʌ'ŋ tyʌjcʌwyʌtzʌjcu ñana's chejcojmo wa'y pyʌ'najwʌtzʌjcu?

Hechos 2:38

Y Pedro's ñʌjayaju: Quipswitu'tamʌ, y nʌ'yʌytyamʌ tumduma'ŋbʌn Jesucristo's ñʌquiʌsi, wa'y quiotocoytyamu mis ŋgowa. Y Diojsismij maŋba ñchi'tamu te' Espíritu Santo.

Hechos 3:19

Te'cotoya, quipswitu'tamʌ y tzi'tamʌ ndzocoy Dios wa'y quiotocoyu mista'm ŋgowa. Tey jʌ'ʌ, nimeque'ctijmij maŋba ñchi'tamu tʌ Ngomi's te' sʌ'mnayupʌ itcuy, nu'cu'ca aŋsʌŋ.

Romanos 14:17

Diojsistʌ aŋgui'mba, pero ja'n wa'ytyʌ mba'ttamu cu'tcuy y ujcuy, sino que wa'ytyʌ tzi'tamu ñe'cʌ's justo'ajcuy, sʌ'mnaquiuy y oma, te' Espíritu Santopit.

Romanos 8:2

Porque te' Espíritu, te' aŋgui'mbapʌ'stʌ, te'wʌ'stʌ tzi'pa iscuy-quenguy Cristo Jesuspit. Te'wʌ's pyʌmi'sʌj yajcotzi'tu u'ya'mʌj aŋgui'mu cowa's wa'yʌj yajca'u.

1 Corintios 15:50

Ndzamjaytyamba'ʌsmij jeque, atzita'm, que tʌ naspʌ cuerpo's ja'n maŋu pyʌjcʌchoŋu yajtiyʌ aŋgui'mbamʌy Dios, ni te' putzpʌ'papʌ's ja'n maŋu ijtu pyarte te' ja'n pyutzpʌ'ipo'mo.

1 Corintios 2:12

Pero tʌs jambyʌjcʌchoŋjatʌs pʌ'nista'm myujsoquiuy, sino que mbʌjcʌchoŋutʌs te' Espíritu Santo, te' tzi'upʌtʌj Diojsis wa'ytyʌ mustamu tiyʌtʌ tzi'u ñe'cʌ's.

1 Corintios 6:11

Y metza tuca'y mi'ojmota'm te'šejta'mbʌ tiyʌmis ndzʌctamba inʌc wina, pero tʌ Ngomi Jesucristo's ñʌquiʌsi ŋguiotze'atʌjtamumij y myasa'najtamumij y njyustococottamwa'mij tʌta'm Diojsis 'Yespiritupit.

Gálatas 6:15

Porque nwʌ'aŋjamdamba'candʌ Jesucristo, juca circuncidatzʌctamutʌ o jašircuncidatzʌctamʌtʌ, ja'n tiyʌ chʌqui. Pero Cristo's šunba jomecotzʌjcupʌ tzocoy.

Efesios 5:26

Te'šej chʌjcu Cristo's wa'y yajmasa'najyaju te' tu'mʌyajpapʌ ñe' ñʌquiʌsi. Yajcowajayajpa chocoy jujche'ŋ tu'mʌyajpapʌ's, porque wyʌ'aŋjamjayajpa Diojsis chame y nʌ'yʌyajpa nʌ'pit.

1 Pedro 1:2

Tʌ Ndata Diojsis quipsu ya'ajca wa'mij ŋguiopiŋdamu mijta'm. Te'cotoya mumu mijta'm ŋguiopiwi-pʌnda'mdijmijte'que'. Y te' Espíritu Santo'smij nyajmasa'najtamu wa'mis mato'ŋoyjaytyamu Jesucristo y ñe' ñʌ'pinbit wa'mij ŋguiowajtamu mis ŋgowapit. Sunba'ʌs wa'mij Diojsis aŋba'te'c nyajyamdamu y wa'mij ñchi'tamu sʌ'mnaquiuy.

1 Pedro 3:21

Te'šejpʌ cotzojcuy yospa yʌtij jujcha' comparación tʌcotoyata'm. Nʌ'yʌ'pya'ctʌ nyajquejpatʌ que cotzocwa'ndʌ u'yandʌ ca'uwʌšej ittamu Diojsis wyi'naŋdʌjqui sino que tumʌtzʌctamwa'ndʌ Jesucristoji'ŋ ñe' wyinsa'cu'yojmo. Porque tʌ nʌ'yʌ'oquiuy ja'nde' wa'ytyʌ ŋgotze'tamu ŋgüerpo sino que wa'ytyʌte' nʌ'ittamu oyepʌ tzocoy Diojsis wyi'naŋdʌjqui.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.