San Juan 3:36 - Zoque Copainalá New Testament

³⁶ Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 3:36 ပူးပေါင်းရင်းမြစ်များ

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Marcos 16:16

Iwʌ's wyʌ'aŋjamba, y pyʌjcʌchoŋba ñʌ'yʌ'oquiuy, te'wʌte' cotzocpa. Pero te' ja'n wyʌ'aŋjamepʌ's, te'wʌ jyajcʌyajuwa'nde' quiowa.

San Lucas 2:30

Porque ŋguenwa'mʌs ne' nwitʌmbit te' yajcotzojcopyapʌ, te' ŋgʌ'wejupʌmis,

San Lucas 3:6

Y maŋba quieñaju mumu pʌ'nis que te' Dios yajcotzojcopya.

San Juan 1:12

Pero jujche'ŋ iwʌ's pyʌjcʌchoŋyaju ñe'cʌ, y wyʌ'aŋjamyaju que ñe'cʌte' te' Mesías, yʌ'wʌ's maŋba yajmujšaju que Diojsis pyʌjcʌchoŋyaju 'yunešej.

San Juan 10:28

Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 4:36

Iwʌ's wyoctu'mʌpya te' tʌm, maŋba quioyojyaju. Y jujche'ŋ ñe'cʌ's wyoctu'mʌyajpapʌ y wʌ'aŋjamyajpa'ʌj maŋba pya'tyaju ja'n yayepʌ quenguy, wa'y tumʌ'ajcu'yoyj 'yomdzocopyaquiaju te' ñipyajpapʌ's y wyoctu'mʌyajpapʌ's.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:58

Ʌjte' te' pan wanajcupʌ tzajpojmoc. Ja'nde' jujcha' te' maná quiu'tyajupʌ tʌ ndata'a'ŋucu'sta'm, pero te'wʌ's jachi'ya ja'n yayepʌ quenguy.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

Hechos 14:2

Pero te' ja'n wyʌ'aŋja'moyapyʌ judio's yajwocwitu'yaju y chʌcjʌ'mʌyaju choco'yojmo te' gentilta'm wa'y qui'nišaju te' atzita'm.

Romanos 4:15

Juca maŋgocʌtʌcpatʌ te' aŋgui'mguy maŋbatʌ yajnʌco'aŋgʌyu Diojsis. Pero juca ja'ndiyʌ aŋgui'mguy ja'ndiyʌ tiyʌtʌ maŋgocʌtʌcpa.

Romanos 5:9

Te'šej yʌtij justococotwa'ndʌ te' ñe' ñʌ'pinbit. Te'cotoya mustambatʌ que ñe'cʌpit wiyuŋšej maŋbatʌ ŋgotzoctamu uytyʌ yajnʌco'aŋgʌyu ŋgowa Diojsis.

Romanos 8:1

Te'cotoya jeque, ja'na yajtiyʌ quio'aŋgʌyay te' tumʌtzʌquiajupʌ'sa chocoy Cristo Jesusji'ŋ, te' ja'n chʌcjayapyʌ's yatzipʌ wyi'nis šu'noquiuy sino que te' Espíritu Santo's šu'noquiuy.

Gálatas 3:10

Jujche'ŋ ñite'tzʌyajpapʌ's que Diojsis maŋba jyustococojtyaju porque myato'ŋoyjayajpa te' aŋgui'mguy, tocoyajupa'nde' Diojsis wyi'naŋdʌjqui. Porque yʌ'šej chamba Totojaye's: Tocoyupa'nde' Diojsis wyi'naŋdʌjqui iwʌ'sta'mis ja'n chʌcjojcʌtʌquiay mumu jujche'ŋ ja'yʌyu aŋgui'mguy-libro'ojmo.

Efesios 5:6

Coquendamʌ cuenta umij 'yaŋgoma'cʌtʌjtamu ya'iwʌ's ñe' chamepitta'm, porque te' ñe' chameta'm jojtacapʌ tiyʌšejpʌte'. Y Diojsis maŋba yajnʌco'aŋgʌyaju te' ja'n myato'ŋoyjayapyʌ's ñe'cʌ porque chʌquiajpa te'šej yatzita'mbʌ chʌqui.

1 Tesalonicenses 1:10

Y chamyajque'tpa jutzmis nʌ njo'cjaytyamu te' Diojsis 'Yune maŋba minupʌ tzajpojmoc, te' Diojsis yajwinsa'upʌ ca'yajupʌ'ojmoc. Y yʌ'wʌ'stijte'que' te' yajcotzoctamupʌ'stʌ uytyʌ yajnʌco'aŋgʌytyamu tʌ ŋgowa Diojsis, te' maŋba minupʌ cʌme'tzoquiuy jamo'oyj.

1 Tesalonicenses 5:9

Porque Diojsis jañima'yʌytyamʌtʌ wa'ytyʌ maya'aŋ yajnʌco'aŋgʌyu ŋgowa, sino que wa'ytyʌ yajcotzojcu tʌ Ngomi Jesucristopit.

Hebreos 10:29

Más na'chaŋ maŋba quio'aŋgʌyaju te' ja'n myato'ŋoyjayapyʌ's te' Diojsis 'Yune, y myaŋgocʌtʌcpa te' trato chʌjcupʌ Jesujsis ñe' ñʌ'pinbit. Yʌ'wʌ's yajmasa'najtʌ'u, pero jyojtʌjcʌyu te' Espíritu Santo tzi'papʌ'stʌ yajya'moquiuy.

Hebreos 2:3

Juca yajco'aŋgʌyatʌju te'šej, ¿ja'nsʌ'ŋdʌ maŋu yajnʌco'aŋgʌyu tʌ juca ja'ndʌ ŋgoquene cuenta wa'ytyʌ yajcotzojcu Diojsis, porque ñe'cʌ's sundambatʌ? Winatij chamgopuŋu tʌ Ngomi Jesujsis que Diojsis sunbatʌ yajcotzojcu. Y te' quiʌmato'ŋʌyajupʌ's ñe'cʌ's chamušej tzamjayajque'tutʌ que wiyuŋbʌ tiyʌte' tʌ Ngomi's chamušej.

Hebreos 3:18

¿Y iwʌta'ma ñʌjayaju Diojsis: Yajujche'cmij ja'n maŋu ñdyʌjcʌytyamu maŋbamʌ'yʌsmij inʌc nyajsapʌctamu? Ñʌjayatʌju yʌ'šej te' jamyato'ŋoyapʌ.

Hebreos 3:19

Mustambatʌ que jamusʌ tyʌjcʌya porque jawyʌ'aŋjamya Dios tyumʌtzocoy.

El Apocalipsis 21:8

Pero te' mochcʌtʌŋyajpapʌ y te' ja'n wyʌ'aŋja'moyapyʌ, y te' mʌjša'ŋda'mbʌ pʌn, y te' yajca'oyajpapʌ, y te' ispʌquitzʌquiajpapʌ, y te' brujota'mbʌ, y te' quiʌna'tzʌyajpapʌ's comichʌqui y jujche'ŋ sujchajpapʌ, mumu maŋba quiojtyatʌju jucʌtʌcpʌ laguna'ojmo azufre's nʌ ñʌnemupʌ. Te'wʌte' te' myetzo'mopʌ ca'aŋ.