San Juan 3:34 - Zoque Copainalá New Testament

³⁴ Iwʌ pʌn Diojsis quiʌ'weju, Diojsis chame chamjapya. Diojsis ja'n quiotzu'tzajay ñe'cʌ te' Espíritu Santo, sino que chi'pa jana yaye.

San Juan 3:34 ပူးပေါင်းရင်းမြစ်များ

San Mateo 12:18

Yʌy ijtu ʌs ŋgoyospapʌ, te' ʌs ŋgopiŋupʌ, Te' jene sunbapʌ'ʌs, porque yajtzocopyacjapya ʌs ndzocoy. Maŋba'ʌs njo'ʌyu yʌ'wʌ ʌsne' Espiritupit, Y maŋba chamgopuŋu genti'lojmota'm que te' Dios Cʌme'tzopya wiyuŋbʌ tiyʌ'ojmo.

San Lucas 4:18

Tʌ Ngomi's 'Yespiritu ijtu ʌjcʌsi, Porque copiŋu'ʌj wa'yʌs minu ndzamgopuŋu oyeta'mbʌ tiyʌ pobreta'mbʌcotoya. Y cʌ'weju'ʌj wa'yʌs nyajtzoquiaju te' toya'ojmo ijtyajupʌ, Y wa'yʌs ŋgoquipyaju preso'mo ijtyajupʌ wa'y pyujtyaju, Y wa'y šʌ'ŋyaju to'tita'mbʌ's wyitʌm, Y wa'y chʌcʌpʌ'yatʌju te' nʌ yacsnutzʌquiatʌjuwʌ.

San Juan 1:16

Ñe'te' mumutiyʌ, y mumutiyʌ tʌ tzi'tamba ñe'cʌ's. Mbʌjcʌchoŋba'ctʌ yajya'moquiuy ñe'cʌ's tʌ a'ŋʌyjapya yajya'moquiuy.

San Juan 15:26

Pero maŋba'ʌsmij ŋgʌ'wejaytyamu te' Cotzo'ŋopyapʌ. Te'wʌ maŋba chu'cumu ijtumʌy ʌs Ndata Dios. Te'wʌte' te' wiyuŋdzambapʌ Espíritu maŋba quiʌ'wejupʌ ʌs Ndata's. Te'wʌ'sʌj maŋba cotestigosaju ʌj.

San Juan 16:7

Pero ndzamjaytyamu'ʌsmij wiyuŋbʌ tiyʌ. Mijcotoyata'm pyʌcpa wa'yʌj maŋu. Juca ja'nʌj mawe ʌj, te' Cotzo'ŋopyawʌ's ja'nmij ŋguiʌ'mindame. Pero juca maŋba ʌj, maŋba'ʌsmij ŋgʌ'wejaytyamu.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 5:26

Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.

San Juan 7:16

'Yaŋdzoŋyaju Jesujsis: Ʌsmij aŋmaytyambapʌ tiyʌ, ja'nde' ʌsne' aŋma'yoquiuy, sino que ijtu iwʌ'sʌj cʌ'weju. Ñe' 'yaŋma'yoquiupyit nʌ'ʌsmij aŋmaytyamu.

San Juan 8:40

Pero yʌtij ndzʌcme'tztambamis wa'misʌj nyajca'tamu, y ndzamjaytyamu'ʌsmij wiyuŋbʌ tiyʌ yajmatoŋuše'ʌj Diojsis. Abraha'ŋis jaquipsʌ yajca'oquiuy.

San Juan 8:47

Iwʌta'm Diojsisñe' myatoŋjayajpa Diojsis chame. Te'cotoya ja'nmis ŋgʌmato'ŋʌytyame mista'm porque ja'n mijyʌ' Diojsista'mñe'.

Hechos 1:2

Yʌ'šej chʌjcu Jesujsis hasta tiyʌ jama pyʌjcʌchoŋu Diojsis tzajpojmo, chamjayaju'ca Espíritu Santopit tiyʌ wa'y chʌquiaju te' cʌ'we'ista'm te' ñe'cʌ's quiopiŋyajupʌ.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Romanos 8:2

Porque te' Espíritu, te' aŋgui'mbapʌ'stʌ, te'wʌ'stʌ tzi'pa iscuy-quenguy Cristo Jesuspit. Te'wʌ's pyʌmi'sʌj yajcotzi'tu u'ya'mʌj aŋgui'mu cowa's wa'yʌj yajca'u.

Efesios 3:8

Ñempe'ʌj más cʌmaŋ que ja'nde' te' más cʌmaŋda'mbʌ masanbʌn, pero Diojsisʌj tzi'u yʌ' yajya'moquiuy wa'yʌsmij ndzamgopuŋjaytyamu yʌ' evangelio mijta'm, gentil-pʌn. Tzi'u'ʌj jeque wa'yʌsmij ndzamjaytyamu jutzte' mʌja'ŋ te' Cristo's yajya'moquiuy mijcotoyata'm.

Colosenses 1:19

Y yajquejpa ñe' wyi'nojmo mumu Diojsajcuy šunušej tʌ Ndata Diojsis.

Colosenses 2:9

Porque Cristo'sñe' wyi'nojmo ñʌ'itpʌ'u mumu Diojsajcuy.

El Apocalipsis 21:6

Y nʌjaquie'tu'ʌj: Yʌtij njomecotzʌcpʌ'wa'mʌs. Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y nʌ yoctʌjtzupʌ coyowataca'ʌs maŋba nyajnʌ'to'ŋu te' wombamʌy nʌ', te' yospapʌ ja'n yayepʌ quenguquiotoya.

El Apocalipsis 22:1

Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.