San Juan 3:33 - Zoque Copainalá New Testament

³³ Pero iwʌ's wyʌ'aŋjamba tiyʌta'm chamba, yʌ'wʌ's chamgopuŋba que Dios wiyuŋdzamba.

San Juan 3:33 ပူးပေါင်းရင်းမြစ်များ

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 8:26

Ijtu sone tiyʌcʌsi'ʌsmij wa'y ŋgotzamdamu y ŋgʌme'tztamu. Pero te' cʌ'wejupʌ'sʌj wiyuŋbʌ Tatajte', y tiyʌ'ʌj yajmatoŋu ñe'cʌ's, te'še'ʌs ndzamjayajpa najsacopajcʌsita'mbʌ.

Romanos 15:28

Te'šej jeque, maŋba'ʌs ndzacpʌ'u yʌ' yajya'moquiuy. Y ndzi'oquia'u'camʌs, pijche'cʌj maŋba España'ojmo, y minba'ʌsmij nicʌtʌjcʌytyamu.

Romanos 4:11

Šircuncidatzʌjcu te' Abrahán jujcha' señal o pa'tze. Y jyustococojtu Diojsis te' wyʌ'aŋjamgupyit jašircuncidatzʌcʌ'cmaj. Te'šej tujcu wa'y tyata'yaju mumu jašircuncidatzʌcʌpʌ wʌ'aŋja'moye'sta'm, y wa'y ñʌcma'yʌyatʌju Diojsis justococojtyajupʌšej ñe'ta'm wyʌ'aŋjamgupyit.

1 Corintios 9:2

Juca eyata'mbʌ nʌmyajpa que ja'nʌjyʌ' cʌ'wej, wiyuŋšej mista'm mustambamis que cʌ'we'ʌjyʌ', porque mijpitta'm quejpa que cʌ'we'ʌjyʌ' tʌ Ngomi'sñe'.

2 Corintios 1:18

Pero, como tzi'nda'nupʌte' Dios, tiyʌta'mdʌsmij ndzamjaytyamba ja'nde' jʌ'ʌ y ja'ne.

2 Corintios 1:22

Ñe'cʌ'stʌ seña'ʌquie'tu, y prendatzacjayutʌ te' Espíritu Santo tʌta'm ndzoco'yojmo que ñe'tʌyʌ'.

Efesios 1:13

Te'šejtijque' Diojsismij 'yune'ajtamu mijta'm Jesucristopit. Matoŋdamu'cmis te' wiyuŋbʌ evangelio, chambapʌ's jutztʌ cotzocpa, pijche'cmis nwʌ'aŋjamdamu tʌ Ngomi Jesucristo. Y chamdzi'oquia'ušej Diojsis, te'šejmij ŋguiʌ'wejaytyamu te' Espíritu Santo wa'y ijtu mis ndzoco'yojmota'm wa'y quieju que ñe'mijyʌ'ta'm.

Efesios 4:30

Y uy yajtuyuquiʌñe'ctame te' Espíritu Santo Diojsisñe', porque Diojsis quiʌ'weju ñe' 'Yespiritu Santo wa'y ijtu mista'm ndzoco'yojmo wa'mis mustamu que te' minbapʌ aŋsʌ'ŋoyj Diojsismij maŋba nyajcotzojcoctuctamu.

2 Timoteo 2:19

Pero Diojsis ñʌcʌtzo'tzupʌ tiyʌ ja'n yaye. Yʌ'šejta'mbʌ tzame's yajwiyuŋše'ajpa: Tʌ Ngomi's ispʌcpa jutita'mbʌ te' ñe'. Y nʌmgue'tpa: Yajtzaquia yacha'cuy jujche'ŋ wyejwindzoŋjayajpapʌ's tʌ Ngomi's ñʌy.

Hebreos 6:17

Te'cotoya Diojsis chambʌjcu ñe' ñʌy wa'y wyiyuŋše'aju ñe'cʌ's nʌ chamdzi'oquia'upʌ tiyʌ. Šunba inʌc wa'y wi'ŋnayupʌ tzocopyit myujšaju te' maŋba pyʌjcʌchoŋyajupʌ's te' chamdzi'yajupʌ tiyʌ que Diojsiste' y ja'n quiacpʌ'i chame, y maŋbapʌte' chʌjcu.

1 Juan 1:10

Pero juca nʌmbatʌ que jaquiowapa'tʌtʌ, sutzpapʌ pʌnšejtʌ nʌ ŋgojtu Dios. Juca te'šejtʌ nʌmba ja'ndiyʌmaj ñe' chame tʌta'm ndzoco'yojmo.