San Juan 3:3 - Zoque Copainalá New Testament

³ Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 3:3 ပူးပေါင်းရင်းမြစ်များ

San Mateo 16:17

Pijche'ca aŋdzoŋu Jesús y ñʌjayu: Dichoso mij Simón, Jonajsis 'yune, porque jayajquenamij pʌ'nista'm yʌ'šej, sino que tzajpojmo ijtupʌ ʌs Ndata Diojsis.

San Mateo 19:24

Ʌsmij nʌjaytyamba que más mawʌcʌtʌcpa te' camello acuša-wo'ojmo que ja'n wa'y tyʌjcʌyaju itʌpa'tyajupʌ aŋgui'mbamʌy Dios.

San Mateo 21:31

¿Tiya' ndzamdamba, jutiwʌ'sasʌ'ŋ chʌcjayu tyata's šunušej? Te' fariseo-cowi'na'sta'm y tzamupʌndʌcwa'yis 'yaŋdzoŋyaju: Te' wyina'aŋgui'mupʌ 'yune. Ñʌjayaju Jesujsis: Wiyuŋše'ʌsmij ndzamjaytyamba que te' tze'coyajpapʌ y malejyomota'm nʌ wyinatʌjcʌyaju aŋgui'mbamʌy Dios que ja'n mijta'm.

San Mateo 5:18

Porque wiyuŋše'ʌsmij ndzamjaytyamba, hasta que yajpa te' tzap y te' nas, ni tumʌc letra ni tumʌc paya'e ja'n maŋu yaju te' aŋgui'mgu'yisñe', hasta que tucpa mumutiyʌ.

San Marcos 10:14

Y quienu te'šej Jesujsis, jawyʌmʌ'yʌ y ñʌjayaju te' quiʌ'aŋmaye: Tzactamʌ te' uneta'm wa'y miñaju ʌ'aŋi. Uy yajwinductame porque yʌ'šejta'mbʌte' maŋba tyʌjcʌyaju aŋgui'mopyamʌy Dios.

San Marcos 9:47

Y juca mis nwitʌ'mismij nyajcowapa'tpa, potztonbutʌ. Más oye tu'maŋdo'tiwʌ wa'mij ñdyʌjcʌyu te' aŋgui'mbamʌy Dios, que ja'nde' metzapʌ nwitʌmji'ŋ wa'mij ñdyʌŋdʌjcʌyaju te' infierno'ojmo,

San Juan 1:13

Y yʌ'ta'mbʌ pyʌjcʌchoŋyajpa 'yunešej ja'nde' te' yomoji'ŋbʌ pʌnjojmequepit, ni sijsis šu'noquiupyit, sino que Diojsis šu'noquiupyit.

San Juan 1:5

Y te' šʌ'ŋgʌtzʌcjapyapʌ's pʌ'nista'm chocoy, pi'tza'ŋajcu'yojmo quiwaŋsʌ'ŋbapʌ sʌ'ŋgʌte', pero te' pi'tza'ŋajcu'yojmo ijtyajupʌ's jamusʌ tyʌŋgʌtejya.

San Juan 1:51

Y nʌ'ma'ŋʌyu: Wiyuŋšej nwiyuŋdzamjaytyamba'ʌsmij: Maŋbamij ŋguiendʌjcʌytyamu tzajpojmo, y maŋbamis ŋguendamu te' Diojsis 'yangelejsista'm nʌ cʌ'maŋyaju y cʌ'miñaju ʌj, te' Pʌ'nis 'Yune.

San Juan 12:40

Diojsis jyajsaŋga'mjayaju wyitʌm, y yajnuyu'ajayaju chocoy, Wa'ytyij jana quieñaju wyitʌmbit y uy ñʌctʌ'yaju choco'yojmo, Wa'yʌj cʌwitu'ʌyaju ʌj, wa'yʌs nyajcotzoquiaju.

San Juan 3:4

Quiʌ'aŋwa'cu Nicodemo's: ¿Jutza' muspa pyʌ'najwʌtzʌjcu te' pʌn, tzamupʌ'nʌ'ca? ¿Muspasʌ'ŋ tyʌjcʌwyʌtzʌjcu ñana's chejcojmo wa'y pyʌ'najwʌtzʌjcu?

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

2 Corintios 5:17

Te'cotoya jeque, iwʌ ijtu Cristo'ojmo jomecotzʌjcupa'nde'. Te' pecata'mbʌ tiyʌ chacwa'a, y yʌtij muma' jomecotzʌjcu.

Gálatas 6:15

Porque nwʌ'aŋjamdamba'candʌ Jesucristo, juca circuncidatzʌctamutʌ o jašircuncidatzʌctamʌtʌ, ja'n tiyʌ chʌqui. Pero Cristo's šunba jomecotzʌjcupʌ tzocoy.

Efesios 2:1

Wina ca'uwʌšejmij inʌc ittamu mista'm ŋgowapit y nyacha'cupyit, pero yʌtij Cristo'smij ñchi'tamba iscuy-quenguy Diojsis wyi'naŋdʌjqui.

Tito 3:5

Ñe'cʌ'stʌ yajcotzoctamu, pero ja'n tʌta'm justota'mbʌ ndzʌquipit sino ñe' tyo'ya'ŋʌ'oquiupyit. Te'šejtʌ yajpʌ'najwʌtzʌctamu yajcowajtamu'ctʌ y tzi'tamu'ctʌ jomepʌ quenguy te' Espíritu Santopit.

Santiago 3:17

Pero te' Diojsistʌ tzi'papʌ mujsoquiuy masanbʌ tiyʌte'. Juca yʌ'šejpʌ mujsoquiuytyʌ mbʌjcʌchoŋba ja'ndʌ ŋguiptame ndʌwʌji'ŋda'm, yo'ca y oyepʌ tzocoytyʌ nʌ'itpa, nyajyambatʌ ndʌwʌ, y nʌwe'ñajpatʌ yempetiyʌ. Y te'šejtijque' ja'ndʌ metzatzoco'yajtame y wiyuŋdzambatʌ.

1 Pedro 1:3

Wʌcotzamda'mitʌy Dios, tʌ Ngomi Jesucristo's Tyataj, porque aŋba'tetʌ toya'ŋʌytyamu. Te'cotoya jomecotzʌctamutʌ ndzoco'yojmo wa'ytyʌ jana na'chcuy njo'ctamu ja'n yayepʌ quenguy, porque winsa'u Jesucristo ca'yajupʌ'ojmoc.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:9

Mumu jujche'ŋ Diojsisa 'yuneta'm, ja'n quiowapa'tjojcʌtʌquiay, porque Diojsis quiotjayajwa'a choco'yojmo jomepʌ quenguy. Te'ta'mbʌ ja'na musi quiowapa'tyaju porque Diojsisande' 'yuneta'm.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:18

Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:4

Porque jujche'ŋdʌ Diojsis 'yuneta'm ndzactambatʌ mumu yacha'cuy ijtupʌ najsacopajʌcʌsi. Y tʌte' nwʌ'aŋjamgupyit ndʌŋgʌspa'tpatʌ wa'ytyʌ nwʌyu najsacopajcʌsita'mbʌ yacha'cuy.

El Apocalipsis 3:14

Y quiu'ya'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Laodicea-tu'mʌquiuy. Tzamja te' coque'noye y te' tu'mʌquiuy que ʌjte' te' pʌn que tiyʌ'ʌs ndzamba ndzʌcpapʌ'ʌste'. Ʌjte' te' jicapyʌ y wiyuŋdzambapʌ testigos. Ʌjpitte' tzo'tzu mumutiyʌ Diojsisñe'.