San Juan 3:27 - Zoque Copainalá New Testament

²⁷ 'Yaŋdzoŋyaju Jua'ŋis: Ni'iwʌ pʌ'nis ja'n musi ijtu 'yaŋgui'mʌtʌjcuy juca ja'n chi'i Diojsis.

San Juan 3:27 ပူးပေါင်းရင်းမြစ်များ

San Mateo 21:25

¿Iwʌ'sa chi'u Juan aŋgui'mʌtʌjcuy wa'y yajnʌ'yʌ'oyu? ¿Diojsisʌ'ŋde' chi'u o pʌ'nista'm? Pijche'ca quipsoyaju y nʌmyaju ñe'co'mo: Juca nʌmbatʌj: Diojsiste' chi'u aŋgui'mʌtʌjcuy, maŋbatʌj nʌjayu: ¿Y tiyajca'nde' janwyʌ'aŋjamdamʌ?

San Mateo 25:15

Y tuma'ŋbʌn chi'u mosa'y talento-tumin, y eyapʌ metza, y te' eyawʌ'que' tumʌ, 'yaŋjamu'cše'ŋoyj ñe'cʌ's jutipʌ's jujche'ŋ muspa ñʌyojsu. Y maŋu te' ya'aquiumguy.

San Marcos 13:34

Yʌ'šejta'mbʌ tiyʌ pʌnše'ʌs utzpa maŋupʌ ya'ay. Chajcu te' tyʌc y chi'u aŋgui'mʌtʌjcuy te' quioyosata'm. Chi'u tumduma'ŋbʌn te' ñe' yoscuy, y 'yaŋgui'mu te' coque'nopyawʌ wa'y quioque'noyu mumu hora.

San Juan 10:41

Sone pʌ'nis inʌc quiʌ'minba tey. Y nʌmyajpa inʌc: Wiyuŋšej jachʌcʌ Jua'ŋis nijutzpʌ isaŋwʌ'ajcuy. Pero mumu tiyʌta'm chamu Jua'ŋis yʌ' Jesuscʌsipʌ, wiyuŋbʌ tiyʌte'.

San Juan 6:65

Y nʌmu: Te'cotoya'ʌsmijte' nʌjaytyamu que ya'iwʌ'sʌj ja'n maŋu cʌ'minu juca ʌs Ndata Diojsis ja'n yajpononajay chocoy.

Romanos 1:5

Yʌ'wʌpit jeque Diojsistʌj tzi'u yajya'moquiuy. Y cʌ'wejutʌj wa'ytyʌs nyajwʌ'aŋjamyaju y wa'y myato'ŋoyaju Cristocʌsipʌ wʌ'aŋja'moquiuy mumu nacio'ŋojmo, y wa'y wyʌcotzamjayaju ñe' ñʌy.

Romanos 12:6

Te'šej jeque, tumduma'ŋbʌ'nis ijtu wi'ni eya quene chi'ʌtʌjcuy yajya'moquiupyit, te' Diojsistʌ tzi'tamušej. Te'cotoya juca iwʌ's ijtu chi'ʌtʌjcuy wa'y cha'maŋwaju Diojsis chame, yajtza'maŋwa'oya myuctzi'uše'ŋ Diojsis te' wʌ'aŋjamgupyit.

1 Corintios 1:1

Ʌjte' te' Pablo y ʌji'ŋ ijtu te' atzi Sóstenes. Jesucristo'sʌj weju quiʌ'wejcotoya Diojsis šu'noquiupyit.

1 Corintios 12:11

Pero chi'pa te' mismopʌ Espíritu Santo's mumu yʌ'šejta'mbʌ tiyʌ, y wye'nbʌ'japya tumduma'ŋbʌn jutz šunbašej ñe'cʌ's.

1 Corintios 15:10

Pero Diojsis yajya'moquiu'yisʌj tzʌjcu yʌti'ʌj ijtušej, y jaquiomeque'ʌj yajyamʌ. Pero ʌj masa'mʌj yojsu que ja'n mumu ñe'cʌta'm, pero ja'nde' ʌj sino que te' Diojsis yajya'moquiuy ʌji'ŋ ijtupʌ.

1 Corintios 3:5

¿Tiya'sʌ'ŋde' Pablo? y ¿tiya'sʌ'ŋde' Apolos? Coyosata'mdijte', y ñe'ta'm chamepit nwyʌ'aŋja'moytyamumij chi'yatʌjušej nwʌ'aŋjamʌtʌjcuy tumduma'ŋbʌn tʌ Ngomi's.

1 Corintios 4:7

Porque ¿iwa' nʌmba que masmij myʌja'ŋ mij? y ¿tiya' nʌ'ijtu jañchi'yapʌmij? Y juca ñchi'yajumij tiyʌ'iwʌ, ¿tiyajca'nde' mʌja'ŋgomʌ'pya nwin juca nʌtijmijte' ñchi'yaju?

Gálatas 1:1

Ʌjte' te' Pablo, te' cʌ'wej. Jaquiopiŋya'ʌj pʌ'nista'm ni jaquiʌ'wejya'ʌj, sino que cʌ'wejyaju'ʌj Jesucristo's y tʌ Ndata Diojsis. Te'wʌ's yajwinsa'u Jesucristo ca'yajupʌ'ojmoc.

Efesios 1:1

Ʌjte' te' Pablo, Jesucristo'sʌjyʌ' quiʌ'wej Diojsis šu'noquiupyit. Atzita'm, nʌ'ʌsmij njayjaytyamu mijta'm, Diojsis pyʌnda'm wyʌ'aŋjamyajpapʌ's Cristo Jesús tey Efeso-cumgu'yojmo.

1 Timoteo 2:7

Te'cotoya copiŋu'ʌj y cʌ'weju'ʌj Diojsis wa'yʌs ndzamgopuŋu y wa'yʌs aŋmayaju te' gentilta'm wa'y wyʌ'aŋja'moyaju y wa'y pyʌjcʌchoŋyaju te' wiyuŋbʌ tiyʌ. Ʌj, wiyuŋdzamba'ʌj, ja'nʌj sutzi.

Santiago 1:17

Tʌ Ndata Diojsistʌ tzi'papʌ tiyʌ, oyeta'mbʌ tiyʌte'. Y ñe' chi'ʌtʌjcuy cota'nupʌ tiyʌte'. Te' Diojsis chʌquiajupʌ sʌ'ŋgʌ' ijtu tzi'muŋba'c y ijtu ja'n chi'muwi'c. Pero ñe'cʌ Diojsis ja'n quiʌcacpʌ'i quipsoquiuy ni ja'ndʌ toyjay yajtiyʌ.