San Juan 3:2 - Zoque Copainalá New Testament

² Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 3:2 ပူးပေါင်းရင်းမြစ်များ

San Mateo 22:16

Yʌ'ta'mbʌ's quiʌ'wejyaju ñe' quiʌ'aŋmayeta'm Herodistaji'ŋda'm y minu ñʌjayaju: Maestro, muspatʌs que ndzambamis wiyuŋda'mbʌ tiyʌ. Y wiyuŋšej nyajqueñajpamis te' tuŋ Diojsisñe'. Ja'nmis ŋgʌjamʌ'ʌy ni'iwʌ pʌn, ni ja'nmis ndzame sa'sata'mbʌ tiyʌ wa'ytyijmij šuñaju.

San Mateo 23:7

Y quiʌñʌñajpa wa'y myʌja'ŋdyujchi'ʌtʌju plaza'ojmo, y wa'y ñʌjayatʌju te' pʌ'nista'm: Maestro, maestro.

San Mateo 23:8

Pero mijta'm, uy sundame wa'mij ñʌjatʌjtamu, maestro, porque tumʌtijte' mista'm Maestro, ʌj, te' Cristo, y mumu mijta'm 'yatzita'm mij.

San Marcos 12:14

Minu ñʌjayaju: Maestro, muspatʌs que nwyiyuŋdzambamij y ja'nmis ŋgʌjamʌ'ʌy ya'iwʌ pʌn, ni ja'nmis ndzame sa'sata'mbʌ tiyʌ wa'ytyijmij šuñaju, sino que wiyuŋšej nyajqueñajpamis te' tuŋ Diojsisñe'. ¿Yajwinducpasʌ'ŋdʌ aŋgui'mgu'yis uytyʌ ŋgocoyo'oyu rey Cesarcʌsi, o ja'ne? ¿Ijtu pyena wa'ytyʌ ŋgocoyo'oyu, o ja'ne?

San Juan 1:38

Quenwitu'u Jesús, y quienu'c que nʌ quio'ŋyaju te' metzapʌ's, ñʌjayaju: ¿Tiya' nʌ me'tztamu? Y ñe'cʌ'sta'm ñʌjayaju: Maestro, (juca ndza'maŋwajpatʌ, sunbate' ñʌmu: Aŋma'yoye) ¿juta' yʌ' njyejpa?

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 12:37

Ñempe chʌjcu Jesujsis sone isaŋwʌ'ajcuy ñe'ta'm wyi'naŋdʌjqui jawyʌ'aŋjamya.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 15:24

Juca inʌjcʌs jañchʌcʌ maya'aŋda'mbʌ isaŋwʌ'ajcuy ñe'co'mota'm ya'iwʌ'smaj jachʌctʌ'ʌpʌ, ja'ndiyʌta'm inʌc quiowa. Pero te'šejta'mbʌ tiyʌpit queñajwa'mʌj ʌj y quienjayajque'tu ʌs Ndataj y qui'nišajpatʌj mejtzji'ŋ.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 20:16

Ñʌjayu Jesujsis: María. Quenwitu'u ñe'cʌ y nʌmu: Maestro (sunbate' ñʌmu, Aŋma'yoye).

San Juan 3:26

Miñaju Jua'ŋaŋi ñe' quiʌ'aŋmaye. Ñʌjayaju: Maestro, te' miji'ŋ inʌc ijtupʌ Jordan-ocwinduc, te' nʌmis inʌc ndzamupʌ, yʌtij nʌ yajnʌ'yʌ'oyu y wʌwʌ pʌ'nis nʌ quiʌ'maŋu ñe'cʌ.

San Juan 4:31

te'pa'ŋoyj, tʌs te' Jesujsis quiʌ'aŋmaye'sta'm nʌtʌs inʌc ndzi'u pena wa'y quiu'tu, y nʌjayutʌs: Maestro, cu'tʌ.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 6:2

Nʌ inʌc quio'ŋu Jesús wʌwʌ pʌ'nis porque quieñaju jutz inʌc chʌcpa isaŋwʌ'ajcuy wa'y yajtzojcu ca'eta'mbʌ.

San Juan 7:31

Y wyʌ'aŋjamyaju ñe'cʌ wʌwʌ pʌ'nista'm y nʌmyajpa inʌc: Minba'ca te' Cristo, ¿maŋbasʌ'ŋ chʌjcu más isaŋwʌ'ajcuy que ja'n yʌ'wʌ's?

San Juan 9:16

Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 2:22

Israel-pʌnda'm, matoŋdamʌ yʌ'šejta'mbʌ tzame: Yʌ' Nazarejtojmopʌ Jesús quiojtu Diojsis cosujupʌ pʌn mi'ojmota'm. Y yajqueju que cosujupʌte' maya'aŋda'mbʌ chʌquipit, isaŋwʌ'ajcupyit y señalpitta'm. Diojsis chʌjcu yʌ'šejta'mbʌ tiyʌ mi'ojmota'm Jesuspit, mustambaše'amis.

Filipenses 1:14

De que myujšaju wʌwʌta'mbʌ atzi'sta'm jutzʌs ŋgoquijpa Jesucristo somumʌ'yʌj, nʌ chamgopuŋyaju jana na'chcuy te' Diojsis chame. Y tʌ Ngomi's nʌ pyʌmitzi'yaju wa'y te'šej chamgopuŋyaju.