San Juan 3:19 - Zoque Copainalá New Testament

¹⁹ Minu'ʌj najsacopajcʌsi, y ʌjte' te' sʌ'ŋgʌ', pero más šuñaju pi'tza'ŋajcʌ' te' pʌ'nista'm que ja'nde' ʌj te' sʌ'ŋgʌ'. Te'šej šuñaju porque yacha'cuy inʌc chʌquiajpa. Te'wʌ maŋba yajco'aŋgʌyaju Diojsis.

San Juan 3:19 ပူးပေါင်းရင်းမြစ်များ

San Lucas 12:47

Pero jene maŋba ñacšaju te' co'aŋgui'moye juca ñʌctʌ'yjayu ñe' quiomi's šu'noquiuy, y jaquioquena cuenta ni jachʌcʌ šunbašej.

San Lucas 16:14

Mumu yʌ'šejta'mbʌ tiyʌ myatoŋyaju te' fariseo'sta'm. Como sunba inʌc itʌpa'tyaju, quiʌsijcʌyaju Jesús.

San Juan 1:4

Ñe'cʌte' te' iscuy-quenguy. Y te' iscuy-quenguy šajpapʌ ñe'cʌ's, te'wʌ'ste' šʌ'ŋgʌtzʌcjayajpa pʌ'nista'm chocoy.

San Juan 1:5

Y te' šʌ'ŋgʌtzʌcjapyapʌ's pʌ'nista'm chocoy, pi'tza'ŋajcu'yojmo quiwaŋsʌ'ŋbapʌ sʌ'ŋgʌte', pero te' pi'tza'ŋajcu'yojmo ijtyajupʌ's jamusʌ tyʌŋgʌtejya.

San Juan 12:31

Yʌtij nʌ cho'tzu wa'y quio'aŋgʌyaju najsacopajcʌsita'mbʌ's porque yʌ'še'ʌj nʌ tzʌquiaju. Yʌtij te' najsacopajcʌsipʌ yatzi-cowi'na ndʌŋgʌtejwa'mʌs.

San Juan 12:43

Porque más inʌc šuñajpa wa'y pʌ'nista'm myʌja'ŋdzʌquiaju que ja'n wa'y Diojsis myʌja'ŋdzʌquiaju.

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 5:44

¿Jutzamisʌj maŋba nwʌ'aŋjamdamu juca nʌ'omdambamis wa'mij yʌ'wʌ te'wʌ's myʌja'ŋgotzamdamu ne'cʌ? Y ja'nmis njo'ctame wa'mij myʌja'ŋgotzamdamu te' tumʌpʌ Diojsis.

San Juan 7:17

Iwʌ's sunba chʌjcu šunbašej Diojsis, maŋba ñʌctʌ'yjayu ʌs aŋma'yoquiuy juca Diojsiste'ñe' o juca ʌste'ne' ŋgo'quips ndzamba.

San Juan 7:7

Mijta'm, ja'nmij ŋgui'nisʌtʌjtame najsacopajcʌsita'mbʌ's. Pero ʌj qui'nišajpa'ʌj porque ŋgotzamjayajpa'ʌs te' yatzita'mbʌ chʌqui.

San Juan 8:12

'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.

San Juan 9:5

Yʌ'yʌj ijtu'cše'ŋoyj najsacopajcʌsi ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy.

Romanos 1:32

Myujšajpa'a que Diojsis 'yaŋgui'mguy nʌmba wa'y quia'yaju mumu te' te'šejta'mbʌ tiyʌ chʌquiajpapʌ's porque te'šej myerecetzʌquiajpa. Ja'n ñe'cʌ'stij chʌquiay sino que wyʌmʌ'yajpa iwʌ'sta'mis chʌquiajpa.

Romanos 2:8

Pero qui'šca'cupyit y qui'nisoquiupyit maŋba yajcoyojyaju Diojsis te' quipyajpapʌ, y ja'n myato'ŋoyjayapyʌ's te' wiyuŋbʌ tiyʌ, y quio'ŋyajpapʌ's jana justo'ajcuy.

2 Tesalonicenses 2:12

Yʌ'šej chʌjcu wa'y yajnʌco'aŋgʌyaju mumu jawyʌ'aŋjamyapyʌ's wiyuŋbʌ tiyʌ, sino que nimeque ñʌ'omyaju yacha'cuy.

1 Pedro 2:8

Chamgue'tu emʌ te' Totojaye's te' japyʌjcʌchoŋyapʌ tza'cowi'na: Te'wʌcʌsi maŋba ñepcʌschʌmyaju y tyocoyaju Diojsis wyi'naŋdʌjqui porque ja'n ñʌctʌ'yay iwʌte' te' tza'cowi'na. Maŋba jyopi'tyaju choco'yojmo porque ja'n pyʌjcʌchoŋjay te' Diojsis chame wa'y myato'ŋoyjayaju. Ijtyaju te'še'a Diojsis ñima'yʌyatʌjupʌ.

2 Pedro 3:3

Jamwʌtzʌctamʌ nimeque'ctij yʌ'wʌ: Ultimopʌ aŋsʌ'ŋojmo maŋba miñaju quiʌsijcʌyajpapʌ's te' Diojsis chame, te' ñe'ta'm yatzi su'noquiu'yojmo tu'ŋajyajpapʌ's.