San Juan 3:15 - Zoque Copainalá New Testament

¹⁵ wa'y iwʌ'sta'misʌj wʌ'aŋjamyajpa ʌj, uy tyocoyaju sino que wa'y pya'tyaju ja'n yayepʌ quenguy.

San Juan 3:15 ပူးပေါင်းရင်းမြစ်များ

San Mateo 18:10

Coquendamʌ cuenta umis menoscocottamu ya'iwʌ wʌ'aŋjambapʌ'sʌj, ñempe chicspʌ. Porque ʌsmij nʌjaytyamba que ñe'ta'm 'yangelejsis quioqueñatʌjpa, y tzajpojmo ijtyaju. Y 'yoto'ŋʌyjayajpa tzajpojmo ijtupʌ ʌs Ndata Dios.

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Marcos 16:16

Iwʌ's wyʌ'aŋjamba, y pyʌjcʌchoŋba ñʌ'yʌ'oquiuy, te'wʌte' cotzocpa. Pero te' ja'n wyʌ'aŋjamepʌ's, te'wʌ jyajcʌyajuwa'nde' quiowa.

San Lucas 19:10

Porque ʌs, te' Pʌ'nis 'Yune's, minu'ʌs me'tzu wa'yʌs nyajcotzojcu te' tocoyajupʌ.

San Juan 1:12

Pero jujche'ŋ iwʌ's pyʌjcʌchoŋyaju ñe'cʌ, y wyʌ'aŋjamyaju que ñe'cʌte' te' Mesías, yʌ'wʌ's maŋba yajmujšaju que Diojsis pyʌjcʌchoŋyaju 'yunešej.

San Juan 16:33

Yʌ'šejta'mbʌ tiyʌ'ʌsmij ndzamjaytyamu wa'mij sʌ'mnayu'c ittamu ʌs nʌ ndzamyajupʌ tiyʌpit. Maŋbamis ŋguendamu toya najsacopajcʌsi, pero paquitzoco'yajtamʌ, nwʌwya'mʌs najsacopajcʌsi quiʌñʌñajpapʌ tiyʌ.

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

Hechos 13:41

Qui'tzcu'yajyajpapʌ's matoŋdamʌ, maya'tamʌ y ca'tamʌ, Porque ʌs Dios, nʌ'ʌs ndzʌjcupʌ tzʌqui mista'm jamo'oyj Ja'nmis maŋu nwʌ'aŋjamdamu ñempemij iwʌ's ñchamjaytyamʌ.

Hechos 8:36

Y te'šejtij nʌ tyu'ŋajyaju'c nu'quiaju ijtumʌy nʌ', y nʌmu te' eunuco: Yʌy ijtu nʌ'. ¿Tiyʌ'samʌj yajwinducpa u'yʌj nʌ'yʌyu?

Romanos 5:21

Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.

1 Corintios 1:18

Wiyuŋšejpʌ tiyʌ chamba te' crujsis. Pero co'sawa'cuytye' te' nʌ tyocoyajupʌcotoya. Y nʌ quiotzoquiajupʌcotoya, jujcha' tʌta'm, Diojsis te' pyʌmi.

2 Corintios 4:3

Juca iwʌ'sta'mis ja'nmaj ñʌctʌ'yay choco'yojmo te' evangelio ndzamgopuŋbapʌtʌs, te' nʌ tyocoyajupʌ'ste' ja'n ñʌctʌ'yay.

Gálatas 2:16

Pero mustambatʌ que Diojsis ja'n jyustococote te' pʌnda'm te' ñe'ta'm chʌquipit ñempe quiojamyajpa te' Moisejsis 'yaŋgui'mguy, sino que jyustococojtyajpa porque wyʌ'aŋjamyajpa Jesucristo. Te'cotoya tʌta'm nwʌ'aŋjambatʌ Jesucristo wa'ytyʌ justococojtu Diojsis porque nwʌ'aŋjamdambatʌ ñe'cʌ y ja'n tʌta'm ndzʌquipit porque ŋgojamdambatʌ te' aŋgui'mguy. Ja'n jyustococote ni'iwʌ pʌn ñe' chʌquipit ñempe chʌcʌ te' chambašej te' aŋgui'mgu'yis.

Gálatas 2:20

Yʌtij tumʌma'mʌyuše'amʌjyʌ' ijtu Cristoji'ŋ cruzcʌsi. Te'cotoya ja'nande' ʌj ijtu yʌtij sino que Cristo'sʌjyʌ' nʌc'ijtʌyupʌ. Y yʌtij ijtuše'ʌj ʌs ŋgüerpo'ojmo, ijtu'ʌj porque nwʌ'aŋjamba'ʌs te' Diojsis 'Yune. Yʌ'wʌ's jene sunu'ʌj y chi'oquia'u wyin wa'yʌj coca'u.

Hebreos 10:39

Pero tʌta'm, ja'ndʌyʌ' nde'šejta'mbʌ wa'ytyʌ metzatzoco'yajtamu tʌta'm ndocoquiuquiotoya. Pero tʌta'm nʌtʌ nwʌ'aŋjamdamu tʌ Ngomi wa'ytyʌ tzi'tamu quenguy.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

1 Juan 2:25

Y Jesucristo'stʌte' tzamdzi'tamu te' ja'n yayepʌ quenguy.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.