San Juan 3:11 - Zoque Copainalá New Testament

¹¹ Wiyuŋše'ʌsmij nwiyuŋdzamjapya, tiyʌ tʌs muspa te'wʌ tʌs ndzamba. Y tiyʌ tʌs ŋguenu te'wʌ tʌs ŋgotestigosajpa. Y ja'nmis mbʌjcʌchoŋjaytyame tʌs ŋgotestigosajpapʌ tiyʌ.

San Juan 3:11 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 23:37

Jerusaleŋ-bʌnda'm, ñu'ŋʌytyamwa'mij wa'mis nyajca'tamu tza'maŋwa'oyeta'm. Y ndʌŋga'tambamis tza'pit Diojsismij ŋguiʌ'wejaytyambapʌ pʌnda'm. Sone naca'mʌsmij sunu nyajtu'mʌytyamu jujcha' te' cajši's yajtu'mʌpya te' 'yune ša'acʌ'mʌ, y jašundamʌmis.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 1:11

Nu'cu ñe' ñajsoyj y ñe' jyudio-tʌwʌ's japyʌjcʌchoŋya.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 14:24

Iwʌ'sʌj ja'n suni, ja'n quiojamjay ʌs ndzameta'm. Y te' tzame matoŋdamupa'mis ja'nde' ʌsne' ŋgo'quips ndzame, sino que ʌs Ndata'sñe' te' cʌ'wejupʌ'sʌj.

San Juan 3:12

Ndzamjaytyamu'ʌsmij najsacopajcʌsita'mbʌ tiyʌ y ja'nmis nwʌ'aŋjamdame. ¿Jutzamis maŋba nwʌ'aŋjamdamu juca ndzamjaytyamba'ʌsmij tzajpojmo ijtyajupʌ tiyʌ?

San Juan 3:13

Ya'iwʌpʌ pʌnmaj jatyijtʌ'ʌ tzajpojmo wa'y myujsu jutzpʌte' ʌmʌ. Na' ʌstij muspa porque teymʌjcʌ'ʌjyʌ' wanajcu. Ʌjte' te' Pʌ'nis 'Yune, y ʌs itcuy tzajpojmote'.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 3:5

Aŋdzoŋu Jesús: Wiyuŋše'ʌsmij nwiyuŋdzamjapya, iwʌ ja'n pyʌ'nay nʌ'pit y Espiritupit ja'n musi tyʌjcʌyu wa'y 'yaŋgui'mu Diojsis.

San Juan 5:43

Ʌj minu'ʌj ʌs Ndata Diojsis ñʌquiʌsi y ja'nmisʌj mbʌjcʌchoŋdame. Juca minba pʌn ñe' wyin chambapʌ's, te'wʌ jʌ'ʌ, mbʌjcʌchoŋdambamis.

San Juan 7:16

'Yaŋdzoŋyaju Jesujsis: Ʌsmij aŋmaytyambapʌ tiyʌ, ja'nde' ʌsne' aŋma'yoquiuy, sino que ijtu iwʌ'sʌj cʌ'weju. Ñe' 'yaŋma'yoquiupyit nʌ'ʌsmij aŋmaytyamu.

San Juan 8:14

'Yaŋdzoŋyaju Jesujsis: Wempe ʌsne' nwin ndzamʌ, ndzambaše'ʌs wiyuŋbʌ tiyʌte', porque muspa'ʌs jutʌ'ʌjyʌ' tzu'cumu y jutʌ'ʌj maŋba. Pero mista'm ja'nmis mustame jutʌ'ʌjyʌ' tzu'cumu ni jutʌ'ʌj maŋba.

San Juan 8:26

Ijtu sone tiyʌcʌsi'ʌsmij wa'y ŋgotzamdamu y ŋgʌme'tztamu. Pero te' cʌ'wejupʌ'sʌj wiyuŋbʌ Tatajte', y tiyʌ'ʌj yajmatoŋu ñe'cʌ's, te'še'ʌs ndzamjayajpa najsacopajcʌsita'mbʌ.

San Juan 8:38

Ndzamba'ʌs tiyʌ'ʌs ŋguenu ʌs Ndata's wyi'naŋdʌjqui. Y mista'm ndzʌctambamis tiyʌmis matoŋdamu mista'm ndata's wyi'naŋdʌjqui.

Hechos 22:18

Y ŋguenu'ʌs ñe'cʌ nʌ'cʌj nʌjayu: Je'csa, y jʌnʌc tzu'cumʌ yʌ' Jerusale'ŋojmo, porque ja'n maŋu wyʌ'aŋjamyaju ŋgotzambašejmisʌj.

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 3:14

Y quiu'ya'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Laodicea-tu'mʌquiuy. Tzamja te' coque'noye y te' tu'mʌquiuy que ʌjte' te' pʌn que tiyʌ'ʌs ndzamba ndzʌcpapʌ'ʌste'. Ʌjte' te' jicapyʌ y wiyuŋdzambapʌ testigos. Ʌjpitte' tzo'tzu mumutiyʌ Diojsisñe'.