San Juan 21:22 - Zoque Copainalá New Testament

²² Y ñʌjayu Jesujsis: Juca sunba'ʌs wa'y chʌ'yu ñe'cʌ hasta que mingue'tpa'ʌj, ¿tiya' maya'cu'ya mbʌcpa? Co'ŋa'ʌj mis.

San Juan 21:22 ပူးပေါင်းရင်းမြစ်များ

San Mateo 16:24

Pijche'ca Jesujsis nʌjayutʌj, tʌj te' quiʌ'aŋmayeta'm: Juca iwʌ'sʌj sunba co'ŋu, yajʌ'ctzʌ'yʌ ñe' wyin, y ñempe yajtoyapʌquia jujcha' ʌj maŋba yajtoyapʌquiaju cruzcʌsi, yajco'ŋjojcʌtʌcʌ'ʌj.

San Mateo 24:27

Porque maŋba'camʌj mingue'tu, ʌj te' Pʌ'nis 'Yune, ja'nʌj maŋu minu nu'mdij. Mumu pʌ'nisʌj maŋba queñaju jujcha' quieñajpa ne'mgʌ' sʌ'ŋjojpacpapʌ chojtaŋgʌsmʌc y hasta tyʌ'paŋgʌsmʌc.

San Mateo 24:3

Y teymʌ pocscu'c Jesús Olivo-tʌc pu'mnacʌsi ŋgʌnu'cʌyutʌs, tʌs te' quiʌ'aŋmaye's, wa'ytyʌs nʌnu'mdzamu, y ŋgʌ'aŋwa'cutʌs: Tzamjaytyʌ'ʌtʌj, ¿jujche'casʌ'ŋde' maŋba tyujcu yʌ'šejta'mbʌ tiyʌ? y ¿tiyʌ'sasʌ'ŋ maŋba quiotzamu maŋba'camij minu, y maŋba'ca yaju yʌ' najsacopac?

San Mateo 24:44

Te'cotoya nimejcʌyu'c coquendamʌ nwin, porque ja'nmis tiyʌ nʌ ŋguipstamu'c maŋba'ʌj minu, ʌj te' Pʌ'nis 'Yune.

San Mateo 25:31

Minba'camʌj, ʌj te' Pʌ'nis 'Yune, ʌs ndzi'muŋgʌ'ojmo, maŋba miñaju mumu te' masanda'mbʌ ángeles ʌji'ŋ. Pijche'c ʌs mʌja'ŋajcupyit maŋba'ʌj mbocsu ʌs aŋgui'mʌtʌjcuy-pyocscu'yojmo.

San Mateo 8:22

Pero Jesujsis ñʌjayu: Co'ŋa'ʌj. Tzaquia te' ca'yajupʌšej ijtyajupʌ quiowa'ojmo wa'y ñe'cʌ'sta'm ñasnicotʌ'ŋʌyaju ca'yajupʌ tyʌwʌ.

San Marcos 9:1

Ñʌjayajque'tu Jesujsis: Wiyuŋše'ʌsmij ndzamjaytyamba: Ijtu yʌy mi'ojmota'mbʌ ja'n maŋu quia'yajupʌ hasta que quieñajpa jutz aŋgui'mopya Dios pyʌmipit.

San Juan 21:19

Y yʌ'šej chamjayu Jesujsis wa'ytye' ñʌctʌ'yu Pedro's jutz inʌc maŋba quia'u, wa'y yajquejayu Diojsis myʌja'ŋajcuy. Y yʌ'se'a nʌmu'c, ñʌjayu te' Pedro: Co'ŋa'ʌj.

San Juan 21:21

Quenu'cti'ʌj Pedro's que nʌ'ʌj maŋu 'yucaŋgʌ'y, ñʌjayu Jesús: ¿Y yʌ'wʌ's, tiya' maŋba chʌjcu?

1 Corintios 11:26

Y ʌj Pablo, nʌmba'ʌj: Jujche'ŋ naca mis nwi'ctamba yʌ' pan, y uctamba yʌ' vaso'ojmo, hasta que minba tʌ Ngomi ndzamgopuŋdambamis que ca'u ñe'cʌ.

1 Corintios 4:5

Te'šej jeque uy cʌme'tztame windij yajtiyʌ. Uy cʌme'tztame hasta que minba tʌ Ngomi. Te'wʌ's maŋba cha'maŋwajpʌ'u pi'tza'ŋajcu'yojmo cʌwʌ'ñajupʌ tiyʌ, y maŋba yajqueju mumu tzoco'yis quipsaŋgospo'ʌyušej. Pijche'ca maŋba wyʌcotzamu Diojsis tumduma'ŋbʌn myerecetzʌcpaše'ŋ.

1 Tesalonicenses 2:19

Mijpitta'm njo'cpatʌs tiyʌ'iwʌ y maŋbatʌj omdzocopyajcu, y maŋbatʌs nwʌcotzamu nwin Ngomi Jesucristo's wyi'naŋdʌjqui, minba'ca.

Santiago 5:7

Te'cotoya atzita'm, nʌ'ittamʌ paciencia hasta que minba tʌ Ngomi. Ñʌmaŋba paciencia camayospapʌ pʌ'nis jyo'cjapya'c te' cama's tyʌm. Y te'wʌ's peque'cñayu'c jyo'cpa te' winapʌ y jʌsa'cpʌ tuj yajtʌ'majpapʌ's te' cama.

Santiago 5:8

Te'šej pyʌcpa mista'm wa'mis nʌ'ittamu paciencia. Yajpaquipʌctamʌ mista'm ndzocoy porque nʌ tyo'mʌyu te' tʌ Ngomi's minguy.

El Apocalipsis 1:7

Ñe'cʌ jeque, maŋba minu o'na'ojmo y mumu pʌ'nis maŋba quienu y hasta te' wyojchajupʌ's. Y jujche'ŋ najsacopac-iti's maŋba jyʌyjayaju. Jʌ'ʌ, te'šej yajtucʌ. Amén.

El Apocalipsis 2:25

Pero ʌs ndzameta'm nʌ'ittamupa'mis, cojamjojcʌtʌctamʌ hasta que minba'ʌj.

El Apocalipsis 22:20

Ʌj Jesús, te' quiotestigosajpapʌ's yʌ'šejta'mbʌ tiyʌ, nʌjapya'ʌsmij: Wiyuŋšej maŋba'ʌj minu jʌ'nʌ'oyj. Aŋdzoŋu Juan y nʌmu: Amén, te'šej yajtucʌ. Minʌ Ngomi Jesús.

El Apocalipsis 22:7

Ʌj Jesús, maŋba'ʌj minu jʌ'nʌ'oyj. Dichoso iwʌ's quiojamba cha'maŋwajpašej yʌ' libro's.

El Apocalipsis 3:11

Yʌtij jeque, jʌ'nʌ'amʌj maŋba minu. Pero ʌs ndzameta'm nʌ'itjaytyamupa'mis, cojamjojcʌtʌctamʌ umis maŋu nyajtocoytyamu mista'm ŋgorona te' maŋbamis mbʌjcʌchoŋdamupʌ.