San Juan 21:2 - Zoque Copainalá New Testament

² Tumʌ ijtutʌj inʌc Simón Pedro, te' Tomás ñʌjayajpapʌ Dídimo, y te' Cana'ojmopʌ Galilea's quiowindzʌmbapʌ Natanael, y Zebedeo'sta'm 'yune, y metza eyata'mbʌ Jesujsis quiʌ'aŋmaye.

San Juan 21:2 ပူးပေါင်းရင်းမြစ်များ

San Mateo 10:3

Te' Felipe y te' Bartolomé, te' Tomás, y ʌj Mateo te' tze'copyawʌ. Te' Jacobo te' Alfeo's 'yune, y te' Lebeo te' a'ŋʌyupʌ's ñʌy Tadeo.

San Marcos 1:19

Cʌtʌjcu tey, tu'ŋa'a'ŋʌyu uša'ŋ Jesús, y quiengue'tu Jacobo y pyotzo Juan, te' Zebedeo's 'yuneta'm. Te'ta'mbʌ's barco'ojmo inʌc nʌ 'yoctʌpyaju te' šuquiuy-ñutita'm.

San Lucas 5:10

Te'šejtijque' na'chajque'tu te' Zebedeo'sta'm 'yune, te' Jacobo y te' Juan. Yʌ'ta'mbʌte' inʌc Simo'ŋis suyajpapʌ tyʌwʌ. Y Jesujsis ñʌjayu te' Simón: Uy na'tze, desde yʌtij maŋbamis suyaju pʌn.

San Juan 1:45

Yʌ' Felipe's pya'tu Natanael y ñʌjayu: Mba'twa'ndʌs te' Jesús, te' Nazarejtojmopʌ Jose'is 'yune. Yʌ' Jesuste' te' jya'yʌyupʌ Moisejsis te' aŋgui'mgu'yojmo, y te' jya'yʌyajque'tupʌ te' tza'maŋwa'oye'sta'm.

San Juan 11:16

Pijche'ca Tomajsis, te' ñʌjayajpapʌ Dídimo, nʌjayutʌj, tʌj te' quiʌ'aŋmaye-tʌwʌ: Ma'nta'm Jesusji'ŋ ñempetʌ ŋga'tamu ñe'cʌji'ŋ.

San Juan 2:1

Y tuca'y jamacʌsi quiosʌ'ŋajyaju co'tʌjcajcuy Galilea'ojmopʌ Cana-cumgu'yojmo. Y tey inʌc ijtu Jesujsis ñanaj.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 20:28

Pijche'ca aŋdzoŋu Tomás, y ñʌjayu: Ʌsmijyʌ'ne' Ngomi, y ʌsmijyʌ'ne' Dios.

San Juan 4:46

Minwʌtzʌjque'tutij Jesús Galilea'ojmopʌ Cana-cumgu'yojmo te' chʌjcumʌy vino nʌ'pit. Y ijtu inʌc Capernaum-gumgu'yojmo tumʌ co'aŋgui'moye re'yisñe', ca'epʌ's inʌc 'yune.