San Juan 21:19 - Zoque Copainalá New Testament

¹⁹ Y yʌ'šej chamjayu Jesujsis wa'ytye' ñʌctʌ'yu Pedro's jutz inʌc maŋba quia'u, wa'y yajquejayu Diojsis myʌja'ŋajcuy. Y yʌ'se'a nʌmu'c, ñʌjayu te' Pedro: Co'ŋa'ʌj.

San Juan 21:19 ပူးပေါင်းရင်းမြစ်များ

San Mateo 10:38

Y iwʌ na'tzpa tyoyapʌjcu jujcha' ʌj maŋbaše'ʌj ndoyapʌjcu cruzcʌsi, ja'ʌs nijame wa'yʌj co'ŋu.

San Mateo 19:28

Jesús aŋdzoŋu y nʌmu: Wiyuŋše'ʌsmij ndzamjaytyamba tiyʌmij maŋba ñchi'ʌtʌjtamu porque nʌmisʌj ŋgo'ŋdamu: Ʌ'ta'mbʌ aŋsʌ'ŋoyj, jomecotzʌjcu'ca mumutiyʌ, ʌj, te' Pʌ'nis 'Yune, maŋba'ʌj mbocspajcu ʌs tzi'muŋbapʌ aŋgui'mʌtʌjcuy-pyocscu'yojmo. Pijche'c mis maŋba mbʌjcʌchoŋdamu aŋgui'mʌtʌjcuy, y maŋbamij mbyocspactamu macwʌstʌjca'pyʌ aŋgui'mʌtʌjcuy-pyocscu'yojmo wa'mis ŋgʌme'tztamu te' macwʌstʌjca'pyʌ Israe'lis 'yune-winboyata'm.

San Mateo 8:22

Pero Jesujsis ñʌjayu: Co'ŋa'ʌj. Tzaquia te' ca'yajupʌšej ijtyajupʌ quiowa'ojmo wa'y ñe'cʌ'sta'm ñasnicotʌ'ŋʌyaju ca'yajupʌ tyʌwʌ.

San Juan 12:26

Juca iwʌ's sunba chʌcjayu ʌs nyoscuy, yajco'ŋa'ʌj. Y maŋbamʌ'yʌj ijtu ʌj teymʌ maŋba itque'tu yosjapyapʌ'sʌj. Juca iwʌ'sʌj sunba yosjayu, te'wʌ maŋba wyi'naŋgojtu ʌs Ndata's.

San Juan 12:33

Y Yʌ'šej chamu Jesujsis wa'ytye' yajnʌctʌ'yaju pʌnda'm jutzte' inʌc maŋba quia'u.

San Juan 18:32

Ñe'ta'm chamepit chʌcta'ñaju wa'y tyujcu Jesujsis chamušej, chamu'c wina wa'y yajnʌctʌ'yaju jutz inʌc maŋba quia'u.

San Juan 21:18

Wiyuŋše'ʌsmij nwiyuŋdzamjapya: 'Yunepʌ'nʌ'cmajmij ne'cʌ mis inʌc nyamba mbama, y myaŋbamij inʌc jutʌtijmis sunʌ. Pero ñchamupʌ'nʌ'camij maŋbamis nyajtʌyʌyu myejtzji'ŋ mis ŋgʌ', y eyapʌ'smij maŋba nyajyamu mbama. Y maŋbamij ñʌmaŋyaju ne'cʌmis ja'n sunimʌy.

San Juan 21:22

Y ñʌjayu Jesujsis: Juca sunba'ʌs wa'y chʌ'yu ñe'cʌ hasta que mingue'tpa'ʌj, ¿tiya' maya'cu'ya mbʌcpa? Co'ŋa'ʌj mis.

Filipenses 1:20

Njo'cpa'ʌs ndumʌtzocoy que yajtiyʌcʌsi'ʌj ja'n maŋu ndza'aju. Y njo'que'tpa'ʌs que jana na'chcu'yʌs ndzamjojcʌtʌcpa te' Diojsis chame. Sunba'ʌs nyajquejayu Cristo's myʌja'ŋajcuy mumu jama ʌs ŋguengupyit, juca quenbama'ʌj o ca'pa'ʌj.

2 Pedro 1:14

Porque muspa'ʌs que jʌ'nʌ'a maŋba'ʌj ŋga'u Ngomi Jesucristo'sʌj tza'maŋwajayušej.