San Juan 21:17 - Zoque Copainalá New Testament

¹⁷ Ñʌjaquie'tu Jesujsis tyuca'y ñaco'mo: Simón, Jonajsis 'yune, ¿sunbaja'ʌj? Tuyuquiʌñe'cu Pedro tyuca'y ñaco'ma' quiʌ'aŋwa'cu'ŋmʌjcʌ Jesujsis: ¿Sunbaja'ʌj? Aŋdzoŋgue'tu Pedro: Señor, bieŋdijmis muspa mumutiyʌ. Muspamis que sunba'ʌsmij. Ñʌjayu Jesujsis: Pʌ'nʌyjaya ʌs ñchowambeta'm ʌs ndzamepit.

San Juan 21:17 ပူးပေါင်းရင်းမြစ်များ

San Mateo 25:40

Y maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' ndo'ya'ŋʌyjaytyamu'cmis iwʌjutiwʌ ʌs cʌmaŋda'mbʌ atzita'm, misʌjte' ndo'ya'ŋʌytyamu.

San Marcos 14:72

Pijche'ctij weju te' gallo myetza naco'oyj. Y jyamwʌtzʌcjayu Pedro's te' Jesujsis chame, te' ñʌjayu'c: Antes que wejpa te' gallo myetza naco'oyj, maŋbamij ñʌmu tuca'y ñaca que ja'nmisʌj ŋgo'ispʌqui. Y quipsoyu yʌ'šejta'mbʌ tiyʌcʌsi, y jʌyu.

San Juan 12:8

Porque te' pobreta'm mumu jama ijtyajpa miji'ŋda'm. Pero ʌj, ja'nʌj mumu jama maŋu ijtu miji'ŋda'm.

San Juan 13:38

'Yaŋdzoŋgue'tu Jesujsis: ¿Ndzi'oquia'paja nwin ʌjcotoya? Wiyuŋše'ʌsmij nwiyuŋdzamjapya: Maŋba'cmaj wyeju gallo, mij maŋbamij ñʌmu tuca'y ñaca que ja'nmisʌj ŋgo'ispʌqui.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 16:30

Yʌtij nʌctʌ'pyatʌs que muspʌ'pamis mumutiyʌ, y ja'ndiyʌ pyena wa'mij ŋguiʌ'aŋwa'cu ya'iwʌ's. Yʌ'wʌcʌsi nwʌ'aŋjambatʌs que Diosaŋʌcmijyʌ' ñchu'cumu.

San Juan 18:27

Y nʌmwʌtzʌjque'tu Pedro: Ja'ne. Pijche'ctij weju te' gallo.

San Juan 18:4

Pero Jesujsis myuspatya' inʌc mumutiyʌta'm maŋba chʌcjayaju. Y ñe'cʌ's maŋu choŋyaju, y ñʌjayaju: ¿Iwa'nde' nʌ me'tztamu?

San Juan 21:18

Wiyuŋše'ʌsmij nwiyuŋdzamjapya: 'Yunepʌ'nʌ'cmajmij ne'cʌ mis inʌc nyamba mbama, y myaŋbamij inʌc jutʌtijmis sunʌ. Pero ñchamupʌ'nʌ'camij maŋbamis nyajtʌyʌyu myejtzji'ŋ mis ŋgʌ', y eyapʌ'smij maŋba nyajyamu mbama. Y maŋbamij ñʌmaŋyaju ne'cʌmis ja'n sunimʌy.

San Juan 4:16

Jesujsis ñʌjayu: Mawʌ, ma weya njayaj, y mindamʌ yʌy.

Hechos 1:24

Y 'yoto'ŋʌyaju Dios y nʌmyaju: Señor, como ispʌcpamis mumu pʌ'nis chocoy, yajquenatʌj yʌ' metzapo'moc jutipʌ mis ŋgopiŋu

Hechos 11:10

Y tyuca'y ñaco'ma'mʌj oto'ŋʌyu'c, qui'mwʌtzʌcpʌ'u mumu tzajpojmo, te' ŋguenupʌ tiyʌ'ʌs.

Hechos 15:8

Y ispʌcjapya Diojsis mumu pʌ'nis chocoy y ñe'cʌ's pyʌjcʌchoŋyaju y chi'yaju Espíritu Santo jujcha' tʌ tzi'que'tu.

2 Corintios 1:12

Pero ne'cʌtijtʌs nwʌcotzamba nwin, porque cotestigosajpatʌj ne' ndzoco'yis que tu'ŋajutʌj eyata'mbʌ pʌ'nojmo masa'najcu'yojmo y wiyu'ŋajcu'yojmo Diojsistʌj tzi'upʌ, y nimeque mi'ojmota'm. Tu'ŋajutʌj ja'nde' pʌ'nis myujsoquiupyit sino que Diojsis yajya'moquiupyit.

Efesios 4:30

Y uy yajtuyuquiʌñe'ctame te' Espíritu Santo Diojsisñe', porque Diojsis quiʌ'weju ñe' 'Yespiritu Santo wa'y ijtu mista'm ndzoco'yojmo wa'mis mustamu que te' minbapʌ aŋsʌ'ŋoyj Diojsismij maŋba nyajcotzojcoctuctamu.

1 Pedro 1:6

Te'cotoya ñchi'ŋbʌ'tambamij ndzoco'yojmo yempemis ŋgʌtʌctamba toya yʌy najsacopajcʌsi, juca ijtupʌte' pyena ñchʌjquisʌtʌjtamba'camij uša'ŋ aŋsʌŋ wi'ni eyapʌ toyapʌjcu'yojmo.

2 Pedro 3:1

Tʌwʌy, yʌ'wʌte' te' myetzo'mopʌ carta nʌ'ʌsmij njayjaytyamupʌ. Y yʌ' metzapʌ cartapit sunba'ʌs mbʌmitzi'jayu mista'm wiyuŋbʌ nʌctʌ'yoquiuy.

El Apocalipsis 2:23

Y ñe' 'yuneta'm quio'ŋjayajpapʌ's ñe' chʌqui maŋba'ʌs ŋgotjayaju toya wa'y quia'yaju. Y mumu Diojsis tyu'mʌquiu'yis maŋba myujšaju que ʌs ocme'tzpʌ'jayajpa'ʌs pʌ'nista'm quipsoquiuy y chocoy. Y tumduma'ŋbʌnmij maŋba ŋguiʌme'tzatʌjtamu tiyʌta'm mis ndzʌctamu yʌy najsacopajcʌsi.

El Apocalipsis 3:19

Otoŋjayajpa'ʌs y ndapšajpa'ʌs ʌs une suñajpapʌ'ʌs. Te'cotoya tziŋitzʌctamʌ nwin y quipswitu'tamʌ.