San Juan 20:31 - Zoque Copainalá New Testament

³¹ Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 20:31 ပူးပေါင်းရင်းမြစ်များ

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Mateo 27:54

Y nʌ inʌc quioqueñaju Jesús te' capita'ŋis y ñe'cʌji'ŋ inʌc ijtyajupʌ's. Aŋjamyaju te' mi'cscʌ' y quieñaju tiyʌta'm tuquiaju, y jene na'chaju. Y nʌmyaju: Wiyuŋšej yʌ' pʌn Diojsisyʌ' 'Yune.

San Mateo 4:3

Y quiʌnu'cʌyu ñe'cʌ te' oc'isoye's y ñʌjayu: Juca Diojsismijte' 'Yune, aŋgui'mʌ yʌ' tza'ta'm wa'y pya'ŋajyaju.

San Marcos 16:16

Iwʌ's wyʌ'aŋjamba, y pyʌjcʌchoŋba ñʌ'yʌ'oquiuy, te'wʌte' cotzocpa. Pero te' ja'n wyʌ'aŋjamepʌ's, te'wʌ jyajcʌyajuwa'nde' quiowa.

San Lucas 1:35

Y 'yaŋdzoŋu te' angelejsis: Te' Espíritu Santo maŋba minu mijcʌsi, y te' tzajpojmopʌ's pyʌmi maŋba wyanajcu mijcʌsi cʌmʌŋšej. Te'cotoya te' Masanbʌ maŋba pyʌ'najupʌ maŋba ñʌjayaju Diojsis 'Yune.

San Lucas 1:4

wa'mis mujsu oye'c que wiyuŋbʌ tiyʌte' te' 'yaŋmayajušejmij.

San Lucas 24:47

Y pyʌcpa wa'y chamgopuŋyaju ñe' ñʌquiʌsi wa'y quipswitu'yaju, y wa'y yajcotocoyjayatʌju Diojsis te' quiowa mumu pʌ'nista'mñe', y wa'y ñʌcʌtzo'chaju wa'y chamgopuŋyaju Jerusale'ŋojmo.

San Juan 1:49

Natanae'lis 'yaŋdzoŋu: Maestro, mijte' te' Diojsis 'Yune. Mijte' te' Israel-pʌ'nista'm Rey.

San Juan 10:10

Te' nu'mbapʌ minba wa'ytye' ñu'mu, y yajca'oyu y yajtoco'yoyu. Ʌj minu'ʌj wa'yʌs ndzi'yaju jomepʌ quenguy, y wa'y omgomʌ'ñaju te' jomepʌ quengu'yojmo.

San Juan 19:35

Tiyʌ'ʌs nʌ ndzamu ne' nwitʌmbi'tʌste' ŋguenupʌ. Y tiyʌ'ʌs ndzamba wiyuŋbʌ tiyʌte'. Y muspa'ʌs que tiyʌ'ʌs nʌ ndzamu wiyuŋbʌ tiyʌte' wa'mij nwyʌ'aŋja'moytyaŋgue'tu mijta'm.

San Juan 20:28

Pijche'ca aŋdzoŋu Tomás, y ñʌjayu: Ʌsmijyʌ'ne' Ngomi, y ʌsmijyʌ'ne' Dios.

San Juan 3:18

Iwʌ'sʌj wʌ'aŋjamba ʌj ja'n yajtiyʌ quio'aŋgʌy. Pero iwʌ'sʌj ja'n wʌ'aŋjame maŋba quio'aŋgʌyu, porque jawyʌ'aŋjamʌ ʌj te' Diojsis 'Yune.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

Hechos 10:43

Yʌ' Jesuste' inʌc chamyajpa mumu tza'maŋwa'opyapʌ's yʌ'šej: Mumu jujche'ŋ wyʌ'aŋjambapʌ's ñe'cʌ, maŋba quiotocoyaju quiowa ñe' ñʌquiʌsi.

Hechos 3:16

Y yʌ' Jesujsis ñʌquiʌsipʌ wʌ'aŋjamgupyit yajtzojcu Jesujsis yʌ' pʌn nʌmis ŋguendamupʌ y ispʌctambapʌmis. Te' Jesujsistʌ tzi'tambapʌ wʌ'aŋjamgupyit, ijtu yʌ'wʌ's cota'nupʌ ša'sa'ajcuy mista'm nwi'naŋdʌjqui.

Hechos 8:36

Y te'šejtij nʌ tyu'ŋajyaju'c nu'quiaju ijtumʌy nʌ', y nʌmu te' eunuco: Yʌy ijtu nʌ'. ¿Tiyʌ'samʌj yajwinducpa u'yʌj nʌ'yʌyu?

Hechos 8:37

Y 'yaŋdzoŋu Felipe's: Juca tumʌtzocoy mis nwʌ'aŋjamba, muspamij ñʌ'yʌyu. Y aŋdzoŋu: Nwʌ'aŋjamba'ʌs que te' Jesucristo Diojsis te' 'Yune.

Hechos 9:20

Pijche'ctij chamgopuŋgʌ'yu te' Cristo judio'sta'm wyindʌjcojmo, y nʌmgʌ'yu: Yʌ'wʌte' te' Diojsis 'Yune.

1 Pedro 1:9

Y juca nwʌ'aŋjamjojcʌtʌctambamis Cristo, maŋbamis nʌ'omdamu maŋba'camij ŋguiotzojcoctuctamu.

1 Juan 4:15

Iwʌ tumʌtzocoy nʌmbapʌ que Jesús Diojsis te' 'Yune, ñe' choco'yojmo itjojcʌtʌcpa Dios y Diojsis ñʌ'itjojcʌtʌcpa te'šejpʌ pʌn choco'yojmo.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.

El Apocalipsis 2:18

Ʌj Juan, nʌjaquie'tu'ʌj Cristo's: Jayjaquie'ta te' nʌ quioquenupʌ's Tiatira-tu'mʌquiuy. Tzamja te' coque'noye y te' tu'mʌquiuy que ʌjte' te' Diojsis 'Yune, jucʌtʌc-nemašejpʌ's wyitʌm, y qui'toŋbapʌ tzapas tʌ'ŋguyšejpʌ's ñe'ŋbac,