San Juan 20:30 - Zoque Copainalá New Testament

³⁰ Tʌj te' quiʌ'aŋmaye'sta'm wyi'naŋdʌjqui, wiyuŋšej chʌjque'tu Jesujsis sone eyata'mbʌ isaŋwʌ'ajcuy jajya'yʌyapʌ yʌ' Totojaye'ojmo.

San Juan 20:30 ပူးပေါင်းရင်းမြစ်များ

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 21:25

Y ijtyajque'tu sone eyata'mbʌ tiyʌ chʌjcupʌ Jesujsis. Juca inʌc tʌ nja'yʌpyʌ'pa tumdumʌpʌ tiyʌ chʌjcušej, ŋguipspa'ʌs que ja'n inʌc maŋu tyʌjcʌpyʌ'u najsacopajcʌsi jujche'ŋ libro wa'y inʌc jya'yʌpyʌ'u. Amén.

San Juan 6:2

Nʌ inʌc quio'ŋu Jesús wʌwʌ pʌ'nis porque quieñaju jutz inʌc chʌcpa isaŋwʌ'ajcuy wa'y yajtzojcu ca'eta'mbʌ.

Romanos 15:4

Porque tiyʌta'm ja'yʌyu antes, wa'ytyʌte' aŋmayaju ja'yʌyu, wa'ytyʌ njo'ctamu paciencia'ojmo, y te' Totojaye'stʌ tzamdzocopyacpašej.

1 Corintios 10:11

Y quiʌtʌcjayaju ñe'cʌta'm yʌ'šejta'mbʌ tiyʌ's wa'ytyʌ njʌ'ctzʌ'ytyamu nwin. Y ja'yʌyaju wa'ytyʌ aŋmaytyamu, porque tʌta'm co'yajcu'yojmotya'ndʌyʌ' ittamu.

1 Juan 5:13

Yʌ'šejta'mbʌ tiya'mʌsmij njayjaytyamu porque nwʌ'aŋjamdambamis te' Diojsis 'Yune, y wa'mis mustamu que nʌ'ittamumis ja'n yayepʌ quenguy, y wa'mis tumʌtzocoy nwʌ'aŋjamdamu te' Diojsis 'Yune.