San Juan 20:21 - Zoque Copainalá New Testament

²¹ Pijche'ca nʌmwʌtzʌcjaquie'tutʌj Jesujsis: Yajsʌ'mnaytyamʌ ndzocoy. Jujcha'mʌj ʌj cʌ'weju te' Tata Diojsis wa'yʌs minu ndzʌcjayu ñe' yoscuy, te'še'ʌsmij ŋgʌ'wejtaŋgue'tpa mijta'm.

San Juan 20:21 ပူးပေါင်းရင်းမြစ်များ

San Mateo 10:16

Coquendamʌ cuenta, nʌ'ʌsmij ŋgʌ'wejtamu jujcha' ñchowambe wʌwʌta'mbʌ lobocucmʌ. Quengʌspʌcjaytyamʌ tza'nis myujsoquiuy, y te'šejtij quengʌspʌcjaytyamʌ paloma's yumi'ajcuy.

San Mateo 10:40

Iwʌ'smij mbyʌjcʌchowatʌjtamba, ʌjte' pʌjcʌchoŋba, y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj.

San Lucas 24:36

Y yʌ'šejta'mbʌ tiyʌtij nʌ chamyaju'c, ñe'ta'm quiucmʌ yajqueju wyin Jesujsis y ñʌjayaju: Yajsʌ'mnaytyamʌ ndzocoy.

San Juan 13:20

Wiyuŋše'ʌsmij nwiyuŋdzamjaytyamba: Iwʌ's pyʌjcʌchoŋba te' ʌs ŋgʌ'wejpapʌ, ʌjte' pʌjcʌchoŋba. Y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj.

San Juan 14:27

Sunba'ʌs wa'mij sʌ'mnayu'c ittamu, ʌj sʌ'mnayu'c itpašej te'še'ʌs sunba wa'mij sʌ'mnayu'c ittamu. Te' ja'n wyʌ'aŋja'moyapyʌ's ñʌjaytyambamij wa'y ittamu mista'm sʌ'mnaquiuy, pero ʌs ja'ʌs te' najsacopac sʌ'mnaquiuy ndzame. Uy yajopi'ttame mista'm ndzocoy, ni uy na'tztame.

San Juan 20:19

Nʌ inʌc chu'yanʌmu'c pitpʌ jamo'oyj te' winbʌ jama semana'sñe', tumʌ ijtutʌ inʌc ŋgʌ'aŋmaye-tʌwʌji'ŋda'm. Aŋgʌyutʌs te' tʌc porque nʌtʌs inʌc na'chaju judiota'm. Aŋgʌyupʌ tʌjcojmotʌj ijtu'c, tʌs ŋgucmʌ yajqueju wyin Jesujsis, y nʌjayutʌj: Yajsʌ'mnaytyamʌ ndzocoy.

San Juan 20:22

Y yʌ'se'a nʌmu'c sujutʌj y nʌmu: Pʌjcʌchoŋdamʌ te' Espíritu Santo.

San Juan 20:26

Cʌtʌjcu'ca tucutujta'y jama te'yandʌ tu'mʌquie'tu'c ŋgʌ'aŋmaye-tʌwʌji'ŋ, tey inʌc ijtu Tomás. Minu Jesús te' aŋgʌyupʌ tʌjcojmo y quiojtu wyin tʌs ŋgucmʌ, y nʌjayutʌj: Yajsʌ'mnaytyamʌ ndzocoy.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

Hechos 1:2

Yʌ'šej chʌjcu Jesujsis hasta tiyʌ jama pyʌjcʌchoŋu Diojsis tzajpojmo, chamjayaju'ca Espíritu Santopit tiyʌ wa'y chʌquiaju te' cʌ'we'ista'm te' ñe'cʌ's quiopiŋyajupʌ.

Hechos 1:8

Pero maŋba minu mijcʌsita'm te' Espíritu Santo y maŋbamij ñchi'tamu pyʌmi. Maŋbamisʌj ŋgowʌ'aŋjamdamu Jerusaleŋ-gumgu'yojmo, mumu Judea y Samaria-najsojmo y mumu naswindumʌ.

2 Timoteo 2:2

Y te' nyajmatoŋupʌ'ʌsmij sonepʌ testigujsis wyi'naŋdʌjqui, nitza'mʌ te' nijamyajpapʌ pʌngʌsitʌ, te' muspapʌ's 'yaŋmayaju eyata'mbʌ.

Hebreos 3:1

Atzita'm, Diojsismij ŋguiopiŋdamu y nwyejtamu wa'mij maŋu ittamu ñe'cʌji'ŋ tzajpojmo. Te'cotoya nique'nʌytyamʌ te' Cristo Jesús. Ñe'cʌte' te' quiʌ'wejupʌ Diojsis, y ñe'cʌtijte'que' tʌta'm mʌja'ŋbʌ sacerdote cotzoŋbapʌ'stʌ wa'ytyʌ nwʌ'aŋja'moytyamu.

3 Juan 1:14

Pero maŋba'ʌs ŋguenu juca minba'ʌj ne'cʌ wa'yʌsmij nwinʌjque'nʌyu y wa'ytyʌ ndzamdzamnaytyamu.