San Juan 20:2 - Zoque Copainalá New Testament

² Pijche'ca pochu'cumu, y minu ijtumʌy inʌc Simón Pedro y ʌj, te' cʌ'aŋmaye jene šunbapʌ inʌc Jesujsis. Y minu ñʌmu: Ñʌputjayajwa'ndʌ Ngomi's cuerpo te' tza'tʌjcojmoc, y ja'ndʌ musi jutʌ ñʌmaŋjayaju.

San Juan 20:2 ပူးပေါင်းရင်းမြစ်များ

San Juan 13:23

Y ʌj, te' Jesujsis quiʌ'aŋmaye jene šunbapʌ, te'yʌj inʌc te'tznapocsu che'ŋna'oyj.

San Juan 19:26

Quienu'ctij Jesujsis te' ñanaj y ʌj te' šunbapʌ quiʌ'aŋmaye, porque te'yʌj inʌc ijtu, ñʌjayu te' ñanaj: Nanay, yʌ'wʌ tzʌ'pya mis unešej.

San Juan 20:13

Y ñʌjayaju María: ¿Tiyajca'nde' njyʌpya, yomoy? Y aŋdzoŋu: Porque ñʌmaŋjayaju ʌs Ngomi's cuerpo y ja'ʌs musi jutʌ maŋu quiojtyaju.

San Juan 20:15

Y ñʌjayu Jesujsis: ¿Tiyajca'nde' njyʌpya, yomoy? ¿Iwa'nde' nʌ me'tzu? Maria's quiomʌ'yu juca te' nipi coque'nopyapʌte', y ñʌjayu: Señor, juca mis nʌmaŋjayu ʌs Ngomi's cuerpo tzamja'ʌj jutʌ mis ŋgojtu. Ʌs sunba'ʌs ŋgoquenjayu.

San Juan 20:9

Porque ja'nmajtʌs inʌc nʌctʌ'i te' Totojaye chambamʌy que pyʌcpapʌte' inʌc wa'y wyinsa'u ca'yajupʌ'ojmoc.

San Juan 21:20

Y tzeŋewitu'u Pedro y quenu'ʌj, ʌj te' cʌ'aŋmaye jene šunbapʌ Jesujsis, que te'yʌj inʌc nʌ maŋu 'yucaŋgʌ'ytya'm. Ʌjtijte'que' inʌc te' ujcaŋbajcu'yojmo Jesujsis che'ŋna'oyj te'tzna pocsupʌ inʌc. Y ʌste' ŋgʌ'aŋwa'que'tu: Señor, jutiwʌ'sasʌ'ŋ mijte' maŋba ñchi'oquia'u?

San Juan 21:24

Ʌjte' te' cʌ'aŋmaye quiotestigosajpapʌ's yʌ'šejta'mbʌ tiyʌ, y nja'yʌyu'ʌs yʌ'šejta'mbʌ tiyʌ. Y mustambatʌ que ʌs ŋgotestigosajpašej wiyuŋbʌ tiyʌte'.

San Juan 21:7

Ʌjte' te' Jesujsis quiʌ'aŋmaye jene šunbapʌ, y nʌjayu'ʌs te' Pedro: Tʌ ʌ' Ngomi. Ispʌjcu'ca Simón Pedro's que tʌste' Ngomi, ši'nʌyu pyama (porque wyojpʌ'upʌte' inʌc), y tyʌŋbʌ'u wyin ma'rojmo.