San Juan 20:19 - Zoque Copainalá New Testament

¹⁹ Nʌ inʌc chu'yanʌmu'c pitpʌ jamo'oyj te' winbʌ jama semana'sñe', tumʌ ijtutʌ inʌc ŋgʌ'aŋmaye-tʌwʌji'ŋda'm. Aŋgʌyutʌs te' tʌc porque nʌtʌs inʌc na'chaju judiota'm. Aŋgʌyupʌ tʌjcojmotʌj ijtu'c, tʌs ŋgucmʌ yajqueju wyin Jesujsis, y nʌjayutʌj: Yajsʌ'mnaytyamʌ ndzocoy.

San Juan 20:19 ပူးပေါင်းရင်းမြစ်များ

San Mateo 10:13

Juca te' tʌjcoyj mij mbyʌjcʌchowatʌjtamba, Diojsis maŋba chi'yaju sʌ'mnaquiuy mijpitta'm. Pero juca ja'nmij mbyʌjcʌchowatʌjtame, ja'n maŋu chi'yaju sʌ'mnaquiuy.

San Mateo 18:20

Porque jutimʌy tu'mʌyajpa metza o tuca'y ʌs nʌquiʌsi, te'yʌj maŋba ijtu ñe'cʌji'ŋda'm, nʌmu Jesús.

San Marcos 16:14

Más jʌsa'ca yajqueñajque'tu wyin Jesujsis te' ñe' mactuma'pyʌ cʌ'aŋmaye mesa'ŋi pocšajumʌy. 'Yotoŋjayaju porque nuyu'ajyaju chocoy y jawyʌ'aŋjamya te' quieñajupʌ's ñe'cʌ, que winsa'wa'a.

San Juan 14:27

Sunba'ʌs wa'mij sʌ'mnayu'c ittamu, ʌj sʌ'mnayu'c itpašej te'še'ʌs sunba wa'mij sʌ'mnayu'c ittamu. Te' ja'n wyʌ'aŋja'moyapyʌ's ñʌjaytyambamij wa'y ittamu mista'm sʌ'mnaquiuy, pero ʌs ja'ʌs te' najsacopac sʌ'mnaquiuy ndzame. Uy yajopi'ttame mista'm ndzocoy, ni uy na'tztame.

San Juan 16:22

Te'šejtijque' mista'm yʌtij, wiyuŋšej ndriste'ajtamumij. Pero minba'ʌsmij ŋguenwʌtzʌctamu, y maŋbamis nʌ'omdamu ndzoco'yojmo. Ya'iwʌ'smij ja'n maŋu yajwindujcu umis nʌ'omdamu.

San Juan 16:33

Yʌ'šejta'mbʌ tiyʌ'ʌsmij ndzamjaytyamu wa'mij sʌ'mnayu'c ittamu ʌs nʌ ndzamyajupʌ tiyʌpit. Maŋbamis ŋguendamu toya najsacopajcʌsi, pero paquitzoco'yajtamʌ, nwʌwya'mʌs najsacopajcʌsi quiʌñʌñajpapʌ tiyʌ.

San Juan 20:21

Pijche'ca nʌmwʌtzʌcjaquie'tutʌj Jesujsis: Yajsʌ'mnaytyamʌ ndzocoy. Jujcha'mʌj ʌj cʌ'weju te' Tata Diojsis wa'yʌs minu ndzʌcjayu ñe' yoscuy, te'še'ʌsmij ŋgʌ'wejtaŋgue'tpa mijta'm.

San Juan 20:26

Cʌtʌjcu'ca tucutujta'y jama te'yandʌ tu'mʌquie'tu'c ŋgʌ'aŋmaye-tʌwʌji'ŋ, tey inʌc ijtu Tomás. Minu Jesús te' aŋgʌyupʌ tʌjcojmo y quiojtu wyin tʌs ŋgucmʌ, y nʌjayutʌj: Yajsʌ'mnaytyamʌ ndzocoy.

San Juan 21:1

Como quiʌ'aŋmayetʌjyʌ', jʌsa'ca yajquenwʌtzʌjque'tutʌj wyin Jesujsis te' Tiberias-ma'raŋi. Y yʌ'šejtʌs ŋguenu:

San Juan 21:14

Pijche'c ta'nu tuca'y ñacoyjtyʌj yajquenu wyin Jesujsis tʌj, te' quiʌ'aŋmayeta'm, desde que winsa'u ca'yajupʌ'ojmoc.

San Juan 7:13

Pero ya'iwʌ's inʌc ja'n quiotzame ñe'cʌ quejuqueju'c, porque ña'tzjayajpa inʌc judio'sta'm quiowi'na.

Hechos 1:3

Y toyapʌjcu'ca Jesús, yajqueñaju quenbapʌ wyin te' cʌ'wejta'm ja'n šujchapyʌ tzʌquipit. Y wʌstʌjqui's jama yajqueñaju wyin y ñʌtzamyaju jutz aŋgui'mba Dios.

Romanos 15:33

Te' Dios, yajsʌ'mnapyapʌ'stʌ, ñe'cʌ'smij nyajnicoque'nʌytyamʌ. Amén.

1 Corintios 15:5

Y yajquenu wyin Cefas, y jʌsa'ca te' macwʌstʌjca'ytya'mbʌ.

Efesios 2:14

Y ñe'cʌ Cristo's quiojtu te' sʌ'mnaquiuy tʌjcotoya y mijcotoyata'm. Wina tʌjta'm, te' judio-pʌ'nista'm, ŋgui'nistambatʌsmij inʌc mijta'm, gentilta'm. Y mijta'm ja'nmij inʌc musi sʌ'mnayu'c ittamu tʌji'ŋ. Pero yʌtij Cristo's yajʌcʌ'u we'ndambapʌ tiyʌ'stʌ inʌc y yajtumʌtzʌctamutʌ miji'ŋda'm.

Efesios 6:23

Sunba'ʌs wa'y tʌ Ndata Diojsis y tʌ Ngomi Jesucristo's chi'yaju sʌ'mnaquiuy mumuta'mbʌ atzi. Y te'šejti'ʌs sungue'tpa wa'y mumu wʌ'aŋja'moye-atzita'm ñašunʌtʌjyaju ñe'co'mo.

Filipenses 1:2

Sunbatʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.

2 Tesalonicenses 3:16

Sʌ'mnaquiuy Diojsistʌte' tzi'pa, y sunbatʌs wa'mij ñchi'taŋgue'tu mijta'm. Y sunbatʌs wa'y ijtu tʌ Ngomi mumu miji'ŋda'm.

Hebreos 7:2

Y yʌ' Melquisedejcʌsi quioyoju Abraha'ŋis diezmo mumu ñʌwʌ'ajupʌ tiyʌ'sñe'. Te' nʌy Melquisedec sunbate' ñʌmu justopʌ rey, y te' Salem-gumgu'yis ñʌy sunbate' ñʌmu sʌ'mnaquiuy. Te'cotoya sʌ'mnaquiu'yistijte'que' rey te' Melquisedec.

3 Juan 1:14

Pero maŋba'ʌs ŋguenu juca minba'ʌj ne'cʌ wa'yʌsmij nwinʌjque'nʌyu y wa'ytyʌ ndzamdzamnaytyamu.

El Apocalipsis 1:4

Ʌs Juan, nʌ'ʌsmij njayjaytyamu yʌ' ŋguenupʌ tiyʌ'ʌs, mijta'm te' cu'ya'ytya'mbʌ Diojsis tyu'mʌquiuy Asia-najsojmo ijtyajupʌ. Sunba'ʌs wa'y itjojcʌtʌjcu mi'ojmota'm yajya'moquiuy y sʌ'mnaquiuy tzi'papʌtʌ tʌ Ngomi Diojsis y ñe' cu'ya'pyʌ Espiritu's. Tʌ Ngomi Dios, jeque, ñe'cʌte' te' ijtupʌytya' inʌc, yʌtij tzajpojmo ijtupʌ, te' maŋba minupʌ. Y ñe' cu'ya'pyʌ Espíritu, Diojsis aŋgui'mʌtʌjcuy-pyocscu'yis wyi'naŋdʌjqui ijtyaju.