San Juan 20:17 - Zoque Copainalá New Testament

¹⁷ Y ñʌjayu Jesujsis: U'yʌj pi'quisi, porque jaqui'mʌma'ʌj tzajpojmo Ndata'ŋʌ. Pero mawʌ ijtyajumʌy te' atzita'm, y tzamjaya: Maŋbama'ʌj ŋgui'mu Ndata'ŋʌ, tʌta'm Dios. Maŋbama'ʌj ŋgui'mu Diosaŋʌ, tʌta'm Ndataj.

San Juan 20:17 ပူးပေါင်းရင်းမြစ်များ

San Mateo 12:50

Porque iwʌ's chʌquiajpa tzajpojmo ijtupʌ ʌs Ndata Diojsis šu'noquiuy, te'wʌte' ʌs mbotzota'm y ʌs nanaj.

San Mateo 25:40

Y maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' ndo'ya'ŋʌyjaytyamu'cmis iwʌjutiwʌ ʌs cʌmaŋda'mbʌ atzita'm, misʌjte' ndo'ya'ŋʌytyamu.

San Mateo 28:7

Y maŋdamʌ yʌtic, ma tzamjaytyamʌ te' quiʌ'aŋmayeta'm que winsa'wa'a te' ca'yajupʌ'ojmoc. Y ñe'cʌ'smij maŋba nwyi'najaytyamu te' Galilea-najsojmo, y tey mis maŋba ŋguendamu. Nʌtejca'ʌsmij ndzamjaytyamu.

San Marcos 12:26

Juca ndzambatʌ que wiyuŋšej maŋba wyinsa'yaju te' ca'yajupʌ, pyʌcpa wa'mis ndu'ndamu jya'yʌyušej Moisejsis que te' Diojsis 'yoto'ŋʌyu ñe'cʌ apit-su'tʌ'ojmo nʌmu'c: Ʌjte' te' Abraha'ŋis Dios, te' Isaajquis Dios y te' Jacojpis Dios.

San Marcos 16:19

Y 'yoto'ŋʌyaju'ca tʌ Ngomi Jesujsis te' quiʌ'aŋmayeta'm, pyʌjcʌchoŋu Diojsis cʌsmʌ tzajpojmo y maŋu pyocspajcu te' Diojsis chʌ'na'ŋojmo.

San Lucas 10:4

Uy nʌmaŋdame tzunu, ni nuti, ni cʌ'ac, ni uy dyujchi'tame ya'iwʌ tu'ŋojmo.

San Juan 13:1

Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 13:3

Y myuspa inʌc Jesujsis que ñe'cʌ quiojtu Tyata's wa'y 'yaŋgui'mu, y que Diosaŋʌc minu y Diosaŋʌtij maŋgue'tpa.

San Juan 14:2

Ʌs Ndata's itcu'yojmo wʌwʌ ijtyaju tʌc. Juca inʌc ja'n tye'šej ndzamjaytyamwa'mʌsmij inʌc Maŋba'ʌsmij jeque nimejcʌyjaytyamu lugar.

San Juan 14:28

Matoŋdamwa'mis jutzʌsmij ndzamjaytyamu: Maŋba'ʌj Ndata Diosaŋʌ, y mingue'tpati'ʌj mi'ojmota'm. Juca wiyuŋšej misʌj sundamba nʌ'omdambamis inʌc, porque nʌtzamdamwa'mʌsmij que maŋba'ʌj Ndata'ŋʌ. Porque ʌs Ndataj más mʌja'ŋ que ja'n ʌj.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 16:28

Tzu'cumu'ʌj Ndata'ŋʌc y minu'ʌj najsacopajcʌsi. Pero maŋbati'ʌs ndzajque'tu yʌ' najsacopac y maŋba'ʌj Ndataŋʌ.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:5

Yʌtij jeque, Tatay, yajqueña pʌnda'm tʌ mejtzji'ŋgʌ'pyʌ mʌja'ŋajcuy. Te' mʌja'ŋajcuy nʌ'ijtupʌ'ʌs inʌc miji'ŋ tzajpojmo, maŋba'cmaj tyujcu yʌ' najsacopac.

San Juan 20:27

Pijche'ca ñʌjayu te' Tomás: Yajtʌjcʌ mis ŋgʌ'mosi yʌy, y quenja ʌs ŋgʌ'. Minʌ yʌy tome y pi'quisʌ'ʌj wojchajumʌ'yʌj, y tzacʌ te' jana nwʌ'aŋja'moquiuy y wʌ'aŋjamʌ que pijtʌjyʌ'.

San Juan 7:33

Pijche'ca ñʌjayaju Jesujsis: Ja'nʌjyʌ' maŋu nya'yu miji'ŋda'm. Jʌ'nʌ'amʌjyʌ' maŋgue'tpa ijtumʌy te' cʌ'wejupʌ'sʌj.

Romanos 8:29

Porque te' antestij ispʌquiajupʌ Diojsis, te'ta'mbʌ antestij quiopiŋyaju ñe'cʌ's wa'y ñʌ'itjayaju 'yune's chocoy y itcuy, porque ñe'cʌte' te' más mʌja'ŋbʌ soneta'mbʌ atzi'ojmo.

2 Corintios 6:18

Y ʌj misʌjte' maŋba Ndata'ajtamu, Y mij ʌsmijte' maŋba une'ajtamu. Te'šej nʌmba tʌ Ngomi, te' Cojojmejcoya.

Gálatas 3:26

Porque mumu mijta'm, juca judiota'm o ja'ne, Diojsismijte' 'yuneta'm, porque nwʌ'aŋjamdamumis Jesucristo.

Hebreos 11:16

Pero quiʌñʌñajpa inʌc más oyepʌ, sunbate' ñʌmu, te' tzajpojmopʌ. Te'cotoya Dios ja'n cha'ay wa'y ñʌmu, Ʌjte' te' ñe'ta'm Dios. Y ñimejcʌyjayajupa'nde' itcuy.

Hebreos 8:10

Te'cotoya, yʌ'wʌte' te' trato maŋba'ʌs ndzʌjcupʌ Israel-pʌnji'ŋda'm Cʌtʌjcu'ca ʌ'ta'mbʌ jama, nʌmba tʌ Ngomi, Maŋba'ʌs nyajnʌctʌ'yaju quipsoquiu'yojmo ʌsne' aŋgui'mguy. Maŋba'ʌs ŋgotjayaju choco'yojmo wa'y tey chʌ'yu ja'yʌyupʌ tiyʌšej. Pijche'cʌj maŋba ispʌquiaju que ʌjte' te' ñe'ta'm Dios, Y maŋba'ʌs mbʌjcʌchoŋyaju jujcha' ʌsne' uneta'm.

1 Pedro 1:3

Wʌcotzamda'mitʌy Dios, tʌ Ngomi Jesucristo's Tyataj, porque aŋba'tetʌ toya'ŋʌytyamu. Te'cotoya jomecotzʌctamutʌ ndzoco'yojmo wa'ytyʌ jana na'chcuy njo'ctamu ja'n yayepʌ quenguy, porque winsa'u Jesucristo ca'yajupʌ'ojmoc.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

El Apocalipsis 21:3

Y tzajpojmoc matoŋu'ʌs maya'aŋbʌ otowe nʌ ñʌmupʌ: Yʌ' jomepʌ Jerusale'ŋojmo maŋba tyumʌ'ijtu Dios pʌnji'ŋda'm wa'y tyumʌ'itjojcʌtʌjcu mumu jama ñe'cʌji'ŋda'm. Y tey maŋba quioqueñaju y quiopʌ'quiaju porque ñe'cʌ te' ñe'ta'm Dios y te' pʌnda'm ñe' quiumguy.

El Apocalipsis 21:7

Iwʌ's ñʌwʌ'ajpa, te'wʌ's maŋba ñʌtzʌ'pyʌ'u mumutiyʌ. Te'wʌte' ʌs une y ʌjte' te' ñe' Dios.