San Juan 2:23 - Zoque Copainalá New Testament

²³ Jerusale'ŋojmo ijtu'c Jesús pascua-sʌ'ŋoyj wyʌ'aŋjamyaju wʌwʌta'mbʌ's que ñe'cʌte' te' Mesías, quienjayaju'ca isaŋwʌ'ajcuy nʌ inʌc chʌjcupʌ.

San Juan 2:23 ပူးပေါင်းရင်းမြစ်များ

San Lucas 8:13

Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Juan 11:45

Pijche'ca soneta'mbʌ judio miñajupʌ y tey inʌc ijtyajupʌ Mariaji'ŋ, quieñaju tiyʌ chʌjcu Jesujsis, y te'cotoya wyʌ'aŋjamyaju tʌ Ngomi.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 2:13

Nʌte' inʌc tyo'mʌyu te' pascua-sʌŋ, te' judio'sta'mñe', y qui'mu Jesús Jerusale'ŋojmo.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 4:45

Nu'cu'ca Galilea'ojmo pyʌjcʌchoŋyaju Galilea'ojmota'mbʌ's, porque quieñaju tiyʌta'm chʌjcu Jerusale'ŋojmo te' sʌŋ-jamo'oyj, porque ñe'cʌta'm tijyajque'tu te' sʌ'ŋoyj.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 6:14

Quieñaju te' pʌ'nista'm te' isaŋwʌ'ajcuy chʌjcupʌ Jesujsis. Te'cotoya nʌmyaju: Wiyuŋšej yʌ'wʌte' te' tza'maŋwa'oye maŋba inʌc minupʌ najsacopajcʌsi.

San Juan 6:2

Nʌ inʌc quio'ŋu Jesús wʌwʌ pʌ'nis porque quieñaju jutz inʌc chʌcpa isaŋwʌ'ajcuy wa'y yajtzojcu ca'eta'mbʌ.

San Juan 7:31

Y wyʌ'aŋjamyaju ñe'cʌ wʌwʌ pʌ'nista'm y nʌmyajpa inʌc: Minba'ca te' Cristo, ¿maŋbasʌ'ŋ chʌjcu más isaŋwʌ'ajcuy que ja'n yʌ'wʌ's?

Gálatas 5:6

Porque nwʌ'aŋjamdamba'candʌ Jesucristo, juca circuncidatzʌctamutʌ o jašircuncidatzʌctamʌtʌ, ja'n tiyʌ chʌqui. Pero ijtu pyena wa'ytyʌ nwʌ'aŋja'moytyamu y wʌ'aŋja'moquiupyit wa'ytyʌ našunʌtʌjtamu.

1 Juan 3:23

Y yʌ'wʌte' te' ñe' 'yaŋgui'mguy: Wa'ytyʌ nwʌ'aŋjamjaytyamu te' 'Yune Jesucristo, y wa'ytyʌ našunʌtʌjtamu ne'co'mo, ñe'cʌ'stʌ aŋgui'mdamušej.