San Juan 2:22 - Zoque Copainalá New Testament

²² Te'cotoya, winsa'u'c ca'yajupʌ'ojmoc, tʌs te' quiʌ'aŋmaye's njamwʌtzʌjcutʌs que te'šej chamu. Y nwʌ'aŋjamutʌs te' Totojaye y te' Jesujsis chamušej.

San Juan 2:22 ပူးပေါင်းရင်းမြစ်များ

San Lucas 24:26

¿Ja'nja inʌc pyʌqui wa'y tyoyapʌjcu yʌ'šejta'mbʌ tiyo'mo te' Cristo, y wa'y tyʌjcʌyu ñe' myʌja'ŋajcʌ'ojmo?

San Lucas 24:44

Y ñʌjayaju: Yʌ'šejta'mbʌ tiyʌ'ʌsmij ndzamjaytyamu nʌma'ʌj nwijtu'c miji'ŋda'm: Ijtupʌte' pyena wa'y tyujcu mumutiyʌ tzambamʌ'yʌj te' Totojaye's, te' Moisejsis 'yaŋgui'mguy-libro'ojmo, y tza'maŋwa'oye's tyoto'ojmo y Salmo-libro'ojmo.

San Juan 12:16

Wina tʌs, te' quiʌ'aŋmaye's, jañʌctʌ'yʌtʌs yʌ'šejta'mbʌ tiyʌ. Pero qui'mu'ca tzajpojmo te' Jesús, pijche'ctʌs njamwʌtzʌjcu que yʌ'šejta'mbʌ tiyʌ ja'yʌyupʌte' chambamʌy ñe'cʌ. Y yʌtij tucwa'a te'šej ja'yʌyušej.

San Juan 14:26

Pero ʌs Ndata's maŋba quiʌ'weju ʌs nʌquiʌsi te' Cotzo'ŋopyapʌ, y yʌ'wʌte' te' Espíritu Santo. Ñe'cʌ'smij maŋba 'yaŋmaytyamu mumutiyʌcʌsi, y nyajamwʌtzʌctamu tiyʌta'mʌsmij ndzamjaytyamupʌ.

San Juan 16:4

Pero ndzamjaytyamu'ʌsmij yʌ'šej wa'mis njamwʌtzʌctamu minba'cande' hora, que ndzamjaytyamutya'mʌsmij. Pero tzo'tzcu'yojmo jañchamjaytyamʌ'ʌsmij yʌ'šejta'mbʌ tiyʌ porque yʌ'yʌj inʌc ijtu miji'ŋda'm.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 2:17

Pijche'ctʌs, te' quiʌ'aŋmaye'sta'm, njamwʌtzʌjcutʌs que yʌ'šejte' ja'yʌyu: Jucʌtʌc po'pa ʌs ndzocoy, y ndʌŋga'pa'ʌs nwin wa'ytyij ijtu masa'najcuy mis ndʌjcojmo.

San Juan 2:2

'Yaŋbʌquiajque'tu Jesús, tʌj te' quiʌ'aŋmayeji'ŋda'm te' co'tʌjcajcu'yojmo.

Hechos 11:16

Pijche'cʌs njamwʌtzʌjcu jutz nʌmu tʌ Ngomi: Wiyuŋšej yajnʌ'yʌ'oyu te' Juan nʌ'pit, pero mijta'm maŋbamij ñʌ'yʌytyamu Espíritu Santopit.

Hechos 13:33

Y te'wʌte' chʌcta'nwa'a Diojsis tʌ ndata'sta'm 'yunecotoya yajwinsa'u'c te' Jesús. Y tʌta'm ñe'ta'mdʌyʌ' 'yune. Yʌ'šej ñʌjayu Diojsis te' Jesús myetzo'mopʌ salmo'ojmo: Mijte' ʌs une, ʌjte' mis ndataj.